konka coffee
KONKA

AMAKURU

UKWEZI

Kacyiru: Agatereranzamba ku muhanda umaze imyaka 40 ari nyabagendwa ukaba ugiye kubakwamo

Kacyiru: Agatereranzamba ku muhanda umaze imyaka 40 ari nyabagendwa ukaba ugiye kubakwamo
23-11-2018 saa 14:46' | By Vincent Nsengiyumva | Yasomwe n'abantu 8281 | Ibitekerezo 5

Abaturage bo mu Kagali ka Kamatamu mu murenge wa Kacyiru mu Karere ka Gasabo, ntibavuga rumwe n’ubuyobozi aho bagaragaza ko bwahaye uburenganzira umuntu batazi bwo kubaka mu muhanda bavuga ko umaze imyaka isaga 35 ari nyabagendwa.

Abaturage baganiriye n’ikinyamakuru Ukwezi.com bakuriye mu Mudugudu wa Kabare ari naho uyu muhanda uri kubakwamo uherereye, bavuga ko batunguwe no kumva ko ugiye kubakwamo.

Mugisha Emmanuel w’imyaka isaga 80 wavukiye muri aka gace, akaharererwa akanahakurira ndetse isambu ye ikaba yarahanaga imbibe n’uyu muhanda, yemeza ko ahari kubakwa bose bahazi ari umuhanda nyabagendwa kuva mu myaka ya 1980.

Yagize ati “Iyo mihanda bayiciye kera cyane.Uri mu mihanda yaciwe na Leta ubwo uwaje kuhubaka sinzi uko ameze. Bawuciriye rimwe n’umuhanda ujya ku Bitaro bya Faisal, ubwo sinzi uwawumuhaye ngo awubakemo.”

Muzehe Mugisha akomeza avuga ko atumva neza uburyo uwo muntu yahawe icyangombwa cyaho ngo kuko ibyangombwa byatanzwe imihanda yaramaze gucibwa.

Ati “Abamuhaye ibyangombwa se bo bashingiye kuki babimuha ko byatanzwe imihanda ihari? Ibyo bintu ntabwo ari byo ni ibihimbano.Ubwo niba afite ibyangombwa nyine afite uburyo yabibonye.”

Umugabo witwa Sikubwabo umaze imyaka 18 atuye muri uyu mudugudu avuga ko umuhanda watanzwe mu buryo bufifitse kandi ngo bikorwa bitamenyeshejwe ubuyobozi bw’umurenge wa Kacyiru.

Yagize ati “Umuhanda umaze imyaka irenze 40 abantu bahanyura. Niwo imodoka zanyuragamo zigiye ku rusengero rwa ADEPR Rugando n’urundi rw’Abadivantiste. Abaturage batuye munsi niho banyuraga none ubwo bazajya baznguruka.Hanyuraga abantu benshi.Niba yarahahawe mu buryo bwemewe n’amategeko ntabyo tuzi, gusa icyo dushaka kumenya ni uburyo yahahawe. ”

Umusaza Rugwizangoga wanayoboye umudugudu wa Kabare avuga ko ikibazo cy’umuntu washatse kubaka mu muhanda nyabagendwa cyatangiye mu mwaka wa 2016 ariko umuyobozi w’umurenge wariho icyo gihe arabikumira ibyari byubatswe barabisenya.

Avuga ko nawe atazi uburyo uwo muhanda wahawe uwitwa Kankwanzi ndetse anasinyirwa n’ubuyobozi bw’umurenge wa Kimihurura, mu gihe uwo muhanda uri muri Kacyiru.

Ubuyobozi ntibuvuga rumwe n’abaturage

Umunyamabanga Nshingwabikorwa w’Umurenge wa Kacyiru Shema Jonas, avuga ko mu igenzura yakoze yasanze igishushanyo mbonera cy’umujyi cyerekana ko aho hantu ari ikibanza ndetse kikaba kinanditseho uwitwa Katabarwa akaba ari umwana wa Kankwanzi ushaka kuhubaka.

Yavuze ko abaturage bari barahagize inzira, kubera ko nyiraho yarri atarrahakoresha.

Ati “Impamvu baciyemo inzira ni uko hatakoreshwaga. Ariko mu gihe hagaragaye ko ari ikibanza ntabwo wabuza umuturage uburenganzirra ku mutungo we kandi atangira umusoro. Kuba bakoragamo imiganda, ni uko batekerezaga ko hazaba umuhanda.”

Urujijo ku itangwa ry’iki kibanza

Abaturage bo muri aka gace baganiriye na Ukwezi bahuriza ku kuba hari amanyanga yakozwe n’ubuyobozi bwatanze umuhanda bakoreshaga ugahindurwa ikibanza.

Bavuga ko batumva uburyo ubuyobozi bwa Kimihurura aribwo bwatanze icyangombwa cy’ubutaka buri mu murenge wa Kacyiru.

Gitifu Shema avuga ko we ashingira ku byangombwa byo kubaka byatanzwe n’Umujyi wa Kigali, ndetse n’umushinga w’ibizahakorerwa ukaba uzatangirwa uburenganzira n’Umujyi wa Kigali.

Ati “ Ibyo nshingiraho ni uko urwego rwatanze ibyangombwa ari Urwego rw’umujyi wa Kigali. Ikibazo si uko haba ari Kacyiru cyangwa Kimihurura, icy’ingenzi ni uko ibizahakorerwa kizatangirwa uburenganzira n’umujyi wa Kigali.”

Umuyobozi w’Ishami ry’Imitunganyirize y’Umujyi n’Imiturire mu Mujyi wa Kigali Eng. Mugisha Fred avuga ko bahaye umuturage icyangombwa cyo kubaka nyuma yo kubagaragarriza ko ubutaka bumwanditseho.

Yagize ati “Twebwe mu Mujyi tugendera ku bintu byanditse. Nyir’ubutaka afite ibyangombwa by’ubutaka bimwanditseho. kuba abantu bahakoreshaga nk’umuhanda, bashobora kuba baranyuraga mu muhanda w’abandi. Yatweretse ko afite ibyangombwa kandi umuntu ufite uburenganzira ku butaka abukoresha ibyo imikoreshereze y’ubutaka ishatse. Ubutaka bwo ni ubwe.”

Twagerageje kuvugisha Kankwanzi uri kubaka mu kibanza bivugwako cyari umuhanda nyabagendwa kugira ngo atubwire uburyo yakibonye, ariko ntabwo biradukundira. Turakomeza kugerageza

Ahari umuhanda hamaze gufungwa mu minsi mike hazatangira ibikorwa byo kuhubaka

Ni umuhanda wageraga ku rusengero rrwa ADEPR Rugando

Aha niho uyu muhanda uhingukira hafi y’urusengero rwa ADEPR Rugando


INKURU ZA :
Tanga Igitekerezo
Ibitekerezo 5
Ruto Kuya 24-11-2018

Nimureke amatiku hari ibibanza bimara i gihe bidakoreshwa na nyirabwo bigatuma Habra Inzira nyabagendwa ibyo reroiyo nyirabwo ahakeneye arahisubiza .

shumbusho Kuya 24-11-2018

nababwiye ko haniwacu amategeko abereyeho bamwe murantuka harabamategeko atareba bitewe.nuwariwe niyo yaba ahafitiye icyangombwa ntiyakagombye kubaka ahantu harigikorwa remezo...leta yakagombe kumuha ahandi kuki se .leta yishyurabaturage ikabimura gusa uravuga menshi baramutimbura dorahonibereya

jean paul iradukunda. Kuya 24-11-2018

amahoro ubwose uwo muntu uje guhanga umuhanda, knd reta yo yawishyize aho yariyibeshye. wapi natuze abiveho,uretseko reta ubwayo yemera ko icyocyintu kibaho yagikora, gusa kurundi ruhande akaba abangamiye abaturage.

rwakibibiemannwer Kuya 24-11-2018

nibawukoreneza

Judae Kuya 24-11-2018

Ego ruswa. N’ibibuga by’imipira barabimaze babyubakamo nkanswe imihanda. Muzajye i nyamirambo murebe imihanda bubatsemo ku bwa Mutsindashyaka.
Ariko hari abayobozwi baba bakeiye gukatirw urwo gupfa pe.
Ngo afite ibyangomba byo kubaka mu muhanda? Ariko za njyanama ziba zitabona?

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...