AMAKURU

UKWEZI
pax

Kaminuza y’u Rwanda yatangiye gucyura abanyeshuri bayo barenga 1600 bari barabuze uko bataha

Kaminuza y’u Rwanda yatangiye gucyura abanyeshuri bayo barenga 1600 bari barabuze uko bataha
11-05-2020 saa 18:11' | By Nsanzimana Ernest | Yasomwe n'abantu 2236 | Ibitekerezo

Abanyeshiri ba Kaminuza y’u Rwanda UR kuri uyu wa 11 Gicurasi yatangiye gucyura abanyeshuri bayo guma mu rugo yasanze batarataha.

Mu kwezi kwa Gatatu ubwo coronavirus yageraga mu Rwanda Leta y’u Rwanda igafata icyemezo cyo guhagarika ibikorwa birimo n’ingendo hari abanyeshuri bagumye mu macumbi yo hafi y’amashuri bibwira ko coronavirus izarangira vuba bagakomeza amasomo batiriwe bataha.

Ibi byaje guhumira ku mirari, ubwo hasohokaga amabwiriza yo koroshya gahunda ya guma mu rugo harimo ko ibikorwa bihuriza hamwe abantu benshi birimo n’amashuri bizasubukurwa mu kwezi kwa 9.

Ejo tariki 10 Kaminuza y’u Rwanda ibinyujije kuri Twitter yasabye aba banyeshuri kugera kuri campus zibegereye kugira ngo imodoka zakodeshejwe na Leta zige kubafatayo zibacyure.

Bibaye nyuma y’uko aba banyeshuri bari bakomeje gutakambira Leta bayisaba ko yabafasha kugera iwabo, dore ko muri bo hari abari bakeneye kuva mu ntara imwe bajya mu yindi mu gihe amabwiriza yo koroshya gahunda ya guma mu rugo avuga ko ingendo zambukiranya intara zitemewe.

Kaminuza y’u Rwanda yatangaje ko muri kampisi zitandukanye hiyandikishije abanyeshuri 1661 bakeneye guhuzwa n’imiryango yabo. Bisi 23 za RITCO nizo ziri gukora igikorwa cyo kugeza aba banyeshuri iwabo.




Igikorwa cyo gucyura aba banyeshuri cyatangiye kuri uyu wa mbere


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA