konka coffee
KONKA

AMAKURU

UKWEZI
Minijust

Kaminuza ya Gitwe ntiyemera ibyashingiweho na MINEDUC yayihagarikiye amashami 2

Kaminuza ya Gitwe ntiyemera ibyashingiweho na MINEDUC yayihagarikiye amashami 2
29-01-2019 saa 15:13' | By Nsanzimana Ernest | Yasomwe n'abantu 2757 | Ibitekerezo 18

Kuri uyu wa Kabiri tariki 29 Mutarama 2019 nibwo Minisiteri y’ Uburezi yatangaje ko ihagaritse by’ agateganyo amashami abiri ya Kaminuza ya Gitwe kubera amakosa arimo ko I Gitwe umwarimu yigisha abanyeshuri benshi muri Medicine na laboratoire.

Iki cyemezo gifashwe gishingiwe ku byavuye mu igenzura rimaze igihe rikorwa n’Inama y’Igihugu y’Uburezi muri iyi Kaminuza ya Gitwe.

Amashami MINEDUC yahagaritswe ni ishami ry’ Ubuvuzi(medicine) n’ ishami rya Laboratoire(Medical Laboratory).

MINEDUC yatangaje ko ubusanzwe muri aya mashami umwarimu umwe ku banyeshuri 20 aricyo kigero (standard) ariko ngo kuri iri shuri basanze hari umwarimu umwe ku banyeshuri 80.

Minisitiri w’ Uburezi Dr Eugene Mutimura kandi yavuze ko muri Kaminuza ya Gitwe abanyeshuri bagiye kwimenyereza umwuga badakurikirwa bikaba byaratumye abanyeshuri 34 bahimba imikono.

Indi mpamvu yatumye aya mashami ahagarikwa ngo ni ukutagira ibikoresho bihagije.

Urayeneza Gerard, Uhagarariye Kaminuza ya Gitwe mu by’ amategeko ndetse unahagarariye ababyeyi batangije iri shuri yavuze ko atemera ibyo Minisiteri y’ Uburezi yashingiyeho ihagarika aya mashami. Avuga ko abarimu muri Kaminuza ya Gitwe bahari ndetse ko iyi Kaminuza iherutse kuzana abarimu bagera kuri 30 barimo 7 bavuye muri Uganda na 23 bavuye muri Nigeria. Ngo ahubwo ikibazo gihari ni uko aba barimu batigisha kuko amasomo bagombaga kwigisha.

Yagize ati “Icyo cyo ni ukudukabiriza twagombye kujya kuzana abarimu 30, 7 bavuye muri Uganda, 23 bavuye muri Nigeria, none ngo ntabarimu dufite kandi abarimu bamaze imyaka ibiri batigisha”

Ku kibazo cy’ umwarimu wabajijwe amazina y’ abarimu babiri bigisha muri iyi Kaminuza akabayoberwa, Urayeneza yavuze ko uwo mwarimu ari mushya.

Urayeneza kandi yavuze ko abanyeshuri biga muri iyi Kaminuza iyo bagiye kwimenyereza umwuga bakurikiranwa. Abanyeshuri 34 bivuga ko bahimbye imikono iyi Kaminuza ngo yarakurikiranye igasanga ataribyo. Yavuze ko abo banyeshuri bakoreye stage CHUK ndetse ko abayobozi ba CHUK aribo babasinyiye ati “Iyo mikono bazayijyanye mu kigo gishinzwe kugenzura imikono bazasanga ari iy’ abakozi ba CHUK”

Aya mashami yahagaritse burundu muri iyi Kaminuza ariko MINEDUC iteganya ko mu gihe iyi Kaminuza ya Gitwe yaba yujuje ibisabwa yakongera igasaba ko ayo mashami akomorerwa.


INKURU ZA :
Tanga Igitekerezo
Ibitekerezo 18
akimana Kuya 31-01-2019

ariko se mwebwe ntimubona ko ibivugwa ari ibinyoma!! niba abagabo mu nzego nyinshi kuriya ((MINEDUC, HEC N’INGAGA Z’ABAGANGA) bahaguruka bagahuza umugambi wo kubeshya ngo ishuri ntiryujuje ibisabwa kugera nubwo bamwe bisubiraho kubyo bemeraga ishuri ryagezeho. hari n’umwe wavuze ko ishuri nta bikoresho rigira kdi ntazi n’aho riherereye ntarahagera, undi kuri TV imwe aravuga ngo abanyeshuri bogera ku musozi arangije ngo ariko hashize nk’imyaka 2 atazi andi makuru!!!! uwakwereka abaturage bubatse amacumbi menshi none bakaba baracyinze amabanki abirukaho ntacyo kwishyura bafite nabop ngo bashoye imari. jye kubwanjye Leta iramutse ihagurukiye iki kibazo yamenya byinshi byihishe mu mikorere mibi iri mu burezi n’ingorane rubanda rugufi rugiye gukura mu ifungwa rya ririya shuri ku maherere.

k29@shubebe gitwe centre Kuya 31-01-2019

gitwe murayanga ariko ibyomusha sibiza kunda Imana irahari kandi iza bikemura gusa icyo nabwira muvunyi biza mugaruka bazi kurya batakoze

solange Kuya 30-01-2019

president wacu nadufashe ahoze amarira yababyeyi batanze byinshi cyane bakaba bahombye .ubundi twebwe tumenyereye kuvurwa naba nabanyamahanga tutaba tuzi ko banize.uwiteka Tabara abana biga Gitwe,gira icyo ubakorera

aloys kanyandekwe Kuya 30-01-2019

Impuhwe zo kubuza ba nyirikigo gukurikirana imikorere yacyo ngo nibwo bizagenda neza ihishe byinshi abanyarwanda baziranyeho, harimo uburyarya bwinshi kandi satani yabeshye abantu ko uburyarya aribwo bwenge,iyo rero bivumbuwe uwateze uwo mutego ahinduka……………

sebishyimbo amon Kuya 30-01-2019

Nanjye ndangije kwiga muri UG, hari abarimu bahagije bari well skilled muri various options, Laboratories ziri well equipped, Video Conference Room ku buryo umwarimu yigisha ari USA,abana bagakurikira bari i Gitwe, Library irimo ibitabo bihagije ndetse hari MoU basinyanye na za Abroard Universities ku buryo hari na Electronic libraries umuntu abasha no kwinjira muri libraries zindi zo mu mahanga atavuye i Gitwe,hari kandi na za Cadavres zo kwigiraho,muri macye Univrsity of Gitwe iruzuye keretse abatabona ntibumve

semana abias Kuya 30-01-2019

Ndabona HEC ifite imikorere mibi cyane .Ese buriya Leta niyo izishyura igihombo cyatejwe na HEC cyangwa ni umuntu ku giti cye?Jyewe mbona President wa Repubulika bamugora peee, kubona abo yashyizeho ngo bamufashe gukemura ibibazo aribo bagaragarwaho n,imikorere idahwitse. Ubu ibibazo byose ni HE uzajya yimanukira kubikemura?

rawasamirera jB Kuya 30-01-2019

Nanjye ndangije kwiga muri UG, hari abarimu bahagije bari well skilled muri various options, Laboratories ziri well equipped, Video Conference Room ku buryo umwarimu yigisha ari USA,abana bagakurikira bari i Gitwe, Library irimo ibitabo bihagije ndetse hari MoU basinyanye na za Abroard Universities ku buryo hari na Electronic libraries umuntu abasha no kwinjira muri libraries zindi zo mu mahanga atavuye i Gitwe,hari kandi na za Cadavres zo kwigiraho,muri macye Univrsity of Gitwe iruzuye keretse abatabona ntibumve

rawasamirera jB Kuya 30-01-2019

Erega kiriya kigo kigamo abana b,u Rwanda ntabwo ari abana ba Gerard kuko abe baba muri Amerika, ubwo rero ntabwo aro Gerard bahombya ahubwo barahombya igihugu cyose, rwose ubuvugizi bwihuse bw’abayobozi b’inzego zose zinyuranye burakenewe cyane

gapira peter Kuya 30-01-2019

Leta irashishikariza abantu kuyunganira ngo abanyarwanda batere imbere byihuse bashinga amashuli nka Kaminuza ya Gitwe, ariko harimo abashaka kuyivangira basubiza inyuma ibikorwa byiza abanyarwanda bagezeho. Aba bantu dukwiriye gufataniriza hamwe tukabamagana kuko baradusubiriza uburezi inyuma

sezibera jp Kuya 30-01-2019

Aba bagabo bakomeze gukina n’abana b’ababanyarwanda babandagaza uko bishakiye ariko buriya umunsi uba umwe. Hari igihe kera bazicara ubwabo bicuze ibyo bakoreye kaminuza ya gitwe byose. Nta kabuza rwose bizaba. Ariko ni gute abantu bafata personal issues bagatuma zigira ingaruka ku bagenerwabikorwa ku rwego byagezeho? ESE minister ureberera igihugu iyo yifata akavuga NGO harabura rideaux n’intebe muri bibliotheque hanyuma akanga gufungura aba yumva koko nta mutima umucira urubanza??? Muvunyi we noneho n akateye ndakurahiye. NGO ni ibanga agiye gukora raporo? Hahaha. Cyakoze Imana ijye iborohereza Kuko namwe ntimworohewe

gapira peter Kuya 30-01-2019

Inteko ishinga amategeko nyatumiye MINEDUC,umunsi yari kujya kuyitabaho haba Cabinet meeting,mu gihe batarayitaba none barayisuzuguye bafashe icyemezo cyari gisanzwe kibari mu mutwe cyo guhagarika ibyo bo ubwabo bari barashimye.
Wakwibaza rero niba inzego z’ubuyobozi zibasha kwicara zigahana amakuru neza mu rwego rwo gukuraho akarengane gakorerwa abanyarwanda.

gapira peter Kuya 30-01-2019

Inteko ishinga amategeko nyatumiye MINEDUC,umunsi yari kujya kuyitabaho haba Cabinet meeting,mu gihe batarayitaba none barayisuzuguye bafashe icyemezo cyari gisanzwe kibari mu mutwe cyo guhagarika ibyo bo ubwabo bari barashimye.
Wakwibaza rero niba inzego z’ubuyobozi zibasha kwicara zigahana amakuru neza mu rwego rwo gukuraho akarengane gakorerwa abanyarwanda.

rugasira samuel Kuya 30-01-2019

MINISTER ubwe ati 85% byagezweho none ngo nta byagezweho.
Abarimu bashoboye kandi bahagije barahari
Laboratories zihagije ziri well equipped zirahari
Library zirashimwa na bose
Video conference room aho abari muri USA bigisha imbonankubone abari i Gitwe byose birahari,cyeretse ko satani yihanze mu bantu

sezibera jp Kuya 30-01-2019

Ndumiwe noneho Dr Muvunyi bajyaga bavuga ibye nkagirango baramubeshyera nkabona atinya itangazamakuru aba afite ibintu bibi ahisha. Iby’icyenewabo byo sinzi niyo byaba bihari niba hari itegeko ribitegeka azajye muri AUCA n’ahandi ahubwo iyo bahaye umugabo akazi n’umugore barakamuha maze tuzumve icyo anenga uburezi bwaho cyangwa ho nta kibazo afitanye naho. Bene wabo se avuga nawe azashinge Kaminuza cyangwa Business ye abashyiremo. Gusa iyo wumva ko yafungiye Kaminuza kutishyura imisoro ngo nuko batishyura RSSB byantangaje cyane niba ari Komiseri wa RRA cg ari general Director wa RSSB ngo burya umutego mutindi ushibukana nyirawo. Uwo musaza arafasha abaturage bo mu karere aherereyemo naho Dr Muvunyi arasenya niba ahubwo abantu nka Gerard bari benshi bashora imari zabo mu Bitaro n’amashuri u Rwanda rwagera kuri vision rwihaye vuba. Dr Muvunyi wagiye kera kubusa kabisa

sendanyoye A Kuya 30-01-2019

YEMWE NDABONA ABATOZA B’INTORE BAGIFITE AKAZI.... BYA BIBAZO NI AMABANGA KOKO......HARYA KUBA ISHURI RITARASORA BIREBA HEC....UBUVANDIMWE NABWO NUMVA BUBONETSEMO BIBONYWE NA HEC GUFUNGA AMASHAMI AMWE YA KAMINUZA SICYO GISUBIZO.... NONE SE MINISTER NA HEC NI URUHE RWEGO RUYOBOYE URUNDI UBUNDI? KWA KUDAKORANA UMUKURU W’IGIHUGU AHORA ABABWIRA BARABYUMVA....URWEGO RUMWE RUTI MU MYAKA IBIRI URUNDI RUTI MU KWEZI GUTAHA MURAKORA.....UWASANZE UNDI YARAHAGARITSE YAGOMBAGA KWITONDA AKABANZA AKAGANIRA NUWANZUYE MBERE NONEHO BAGAFATA UMWANZURO BAHURIYEHO BATIHAYE RUBANDA....NDUMVA UMENYA BAPINGANA..... IKINDI UFATA UMWANZURO WO GUHAGARIKA AMASHAMI GUTE UTABAGIRIYE INAMA NGO BANANIRWE KUYIKURIKIZA.....

sezibera Kuya 29-01-2019

Bravo Ministry of Education.Iki ni icyemezo nyakuri.Ntimuzemere ko Private Universities zikinisha ubuzima bw’abantu.Faculty of Medicine igomba kugibwamo n’abantu b’abahanga.Apana babandi bize ikigoroba.Gusa tujye twibuka ko mu isi nshya Imana izakuraho indwara n’urupfu nkuko Ibyahishuwe 21:4 havuga.

Kweli Kuya 29-01-2019

Isi ntisakaye koko Kaminuza ya Gitwe iragambaniwe mu buryo bugaragarira buri wese nawe Minister aho wagakemuye ibibazo uguye mu kagambane kaminuza ya Gitwe yagiriwe kwi ikubitiro harimo umuyobozi wi itorero rya abadiventiste mu Rwanda afatanyije na ULK kuko mwazemereye medecine zo zitanujuje 1/1000 cyi ibisabwa Auca Mudende na Ulk nizo mwemereye iyo business none gitwe bayisenye nkana kubera akagambane ubu se koko abana bu Rwanda muboretse mu mahanga bajya gushakayo medecine birababaje Nyakubahwa mubyeyi president wacu dukunda cyane tabara abaguha amakuru barakubeshya wikorere ubucukumbuzi urengere abana bacu biga i Gitwe ikitagenda gikosorwe ariko bige

Karamba japhet Kuya 29-01-2019

Ariko niryari mineduc izakora koko nyabyo? Wagira ngo abakozi bayo nibibi byabo birahunyiza kubera ibitotsi?

Nyamara hakwiriye komisiyo zacengera ibi bantu kuko birazahaza Ababyeyi nababmyeshuri utiyibagije budget yangirika.

Ubuse a Obama bagiye kwangara? Abafungiwe kaminuza mbere bafite? Benda mineduc urajagaraye

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...