konka coffee
KONKA

AMAKURU

UKWEZI

Kanyankole Alexis wahoze ayobora BRD yitabye urukiko

Kanyankole Alexis wahoze ayobora BRD yitabye urukiko
17-10-2018 saa 16:10' | By Vincent Nsengiyumva | Yasomwe n'abantu 1583 | Ibitekerezo

Uwahoze ari Umuyobozi Mukuru wa Banki y’u Rwanda Itsura Amajyambere (BRD) Kanyankore Alex, yagejejwe imbere y’urukiko rw’ibanze rwa Nyarugenge ngo aburane ku ifungwa n’ifungurwa ry’agateganyo.

Kanyankole Alex umaze ibyumweru bibiri ari mu maboko y’Ubugenzacyaha, yageze imbere y’urukiko ari kumwe n’abavoka babiri bagomba kumwunganira muri uru rubanza aregwamo asaga Miliyoni 12 z’amayero.

Mu byaha Kanyankole akekwaho akurikiranweho harimo gufata ibyemezo bishingiye ku itonesha, gusaba no kwakira impano cyangwa indonke.

Ubushinjacyaha bwagaragaje ko ibi byaha Kanyankole akurikiranweho byose bishingiye ku byemezo yafashe akiyobora BRD.

Bwagaragaje ko Kanyankole yatanze inguzanyo eshatu mu buryo butaziguye zirimo iya miliyoni 8.1 y’amadolari, iya miliyoni 3.4 z’amadolari n’indi ya miliyoni 591 Frw.

Ubushinjacyaha bwagaragaje ko Kanyankole yahawe impano n’uwitwa Gahima Abdou uhagarariye ishuri rya Good Harvest and Primary school ubwo yajyaga muri BRD gusaba ko yegurirwa inguzanyo yari isanzwe kuri Parmalac y’uwitwa Omar Nzamwita.

Kanyankole amaze kubona ko Gahima adakwiriye iyo nguzanyo yamusabye ruswa kugira ngo ayimwegurire abinyuza ku mukozi wa BRD witwa Karema Juvenal.

Icyo gihe ngo Gahima yahaye Karema miliyoni 50 Frw ngo ayahe Kanyankole, ndetse ngo hari n’izindi ndonke yagiye amuha nyuma y’aya mafaranga.

Ubushinjacyaha kandi bwanagaragaje abantu ndetse n’ibigo Kanyankore yahaga inguzanyo badatanze ingwate bitanabanje kuganirwaho na komite ishinzwe inguzanyo kubera itonesha no gushaka impano na ruswa.

Ubushinjacyaha bumaze kugaragaza ibyo bushinja Kanyankore bwasabye urukiko ko yakomeza gukurikiranwa afunzwe by’agateganyo ngo kuko aramutse afunguwe ashobora kubangamira iperereza rigikorwa, agasibanganya ibimenyetso cyangwa agatoroka ubutabera.

Ubushinjacyaha bumaze kugaragaza ibyo bushinja Kanyankole, nawe yahawe ijambo ngo yiregure maze atangira avuga ko ibyo aregwa byose ari ibinyoma.

Ku cyaha cyo gusaba no kwakira indonke Kanyankole yavuze ko atigeze agikora ndetse ko kitanabayeho,, avuga ko nta mpamvu n’imwe yari gutuma asaba Gahima indonke cvyangwa ruswa.

Kuri ruswa ya miliyoni 50 Frw bivugwa ko Gahima yamuhaye, yavuze ko nabyo ari ibinyoma byo gushaka kumuharabika, ashimangira ko bitabayeho.

Yagize ati “Ni ikinyoma cyo gushaka kumparabika. Ubwose bazinzaniye mu isakoshi, yari sheki, yanyujijwe kuri banki? Mu by’ukuri nshaka gushimangira ko bitabayeho bitanashoboka.”

Kanyankole yabwiye urukiko ko Gahima atubahirije amasezerano yo kwishyura inguzanyo, bituma bandikira RDB, basaba ko hajyaho ubundi buyobozi bwa Good Harvest and Primary School, buzirikana kwishyura inguzanyo.

Ibi ngo byarakaje Gahima bituma atangira kugenda asebya Kanyankole ndetse atera n’ubwoba abakozi ba BRD.

Urukiko rwanzuye ko urubanza ruzakomeza ejo ku wa Kane saa mbili za mu gitondo


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...