konka coffee
KONKA

AMAKURU

UKWEZI
ubumwe

Kanyankole yawoboye BRD yakatiwe gufungwa imyaka 6 uwo bareganwaga agirwa umwere

Kanyankole yawoboye BRD yakatiwe gufungwa imyaka 6 uwo bareganwaga agirwa umwere
13-06-2019 saa 19:38' | By Nsanzimana Ernest | Yasomwe n'abantu 3085 | Ibitekerezo

Kanyankole Alex wahoze ayobora Banki y’Igihugu Itsura Amajyambere BRD urukiko rwamuhamije ibyaha 2 yaregwaga birimo itonesha rumukatira gufungwa imyaka 6 no kwishyura ihazabu ya miliyoni 22 n’ ibihumbi 500.

Nubwo yaburanaga ahakana ibyaha, urukiko rwisumbuye rwa Nyarugenge rwamuhanaguyeho icyaha cyo kwakira ruswa cyangwa indonke hagamijwe gukora ibinyuranyije n’amategeko rumuhamya ibindi bibiri birimo n’icyo gufata ibyemezo bishingiye ku itonesha.

Uwo bareganwaga Karema Juvenal yagizwe umwere n’ urukiko. Karema yaburanaga adafunze. Abaregwa bombi baburanye bahakana ibyaha bitatu baregwaga.

Ku cyaha cyo Gusaba no kwakira impano cyangwa indonke, Umucamanza yavuze ko kidahama Kanyankole kubera ko umutangabuhamya umushinja witwa Gahima Aboudu uvuga ko yamuhaye ruswa ya miliyoni 50 nta bimenyetso bifatika afite nyamara yaravugaga ko yabaga yabimenyesheje CID.


Mu isomwa ry’ urubanza Kanyankole yari ahagarariwe n’ umunyamategeko we

Tariki 2 Ukwakira 2018 nibwo Kanyankore Alex yatawe muri yombi n’ Urwego rw’ igihugu rw’ ubugenzacyaha RIB rumukurikiranyeho itonesha no kwakira impano kugira kugira ngo atange serivise mu gihe yari akiri umuyobozi wa BRD.

Kanyankole yavuye ku buyobozi bwa BRD mu Ukuboza 2017 nyuma y’imyaka ine ari umuyobozi wayo mukuru. Icyaha yahamijwe yabikoze mu gihe yamaze ayobora iyi banki kuva ku wa 3 Nyakanga 2013 kugera mu 2017


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...