konka coffee
KONKA

AMAKURU

UKWEZI

Kayumba Nyamwasa na bagenzi be bashyiriweho impapuro zibata muri yombi

Kayumba Nyamwasa na bagenzi be bashyiriweho impapuro zibata muri yombi
30-01-2019 saa 10:46' | By Nsanzimana Ernest | Yasomwe n'abantu 3394 | Ibitekerezo

Ubushinjacyaha bw’ u Rwanda bwashyizeho impapuro nshya zo guta muri yombi Kayumba Nyamwasa umuyobozi w’ ishyaka RNC ritavugarumwe n’ u Rwanda uvugwaho kuba mu ihuriro rw’ umutwe w’ abarwanyi witwa P5 urwanya Leta y’ u Rwanda.

Raporo y’ Umuryango w’ Abibumbye iherutse kugaragaza ko Kayumba Nyamwasa afite uruhare muri uyu mutwe wa P5 bivugwa ko ukorera mu mashyamba ya Repubulika ya Demukarasi ya Kongo mu bice bya Uvira na Fizi.

Mu mpera z’ umwaka ushize Minisitiri w’ Ububanyi n’ amahanga wa Afurika y’ Epfo yavuze ko Kayumba yamubwiye ko yifuza imishyikirano n’ u Rwanda, u Rwanda rubitera utwatsi.

Ishayaka FDU- Inkingi rya Umuhoza Victoire Ingabire uherutse kuva muri gereza naryo riri muri uyu mutwe wa P5.

Amashyaka arimo Amahoro People’s Congress (AMAHORO-PC), Forces Démocratiques Unifées-Inkingi (FDU INKINGI), People’s Defence Pact-Imanzi (PDP-IMANZI), Socialist Party-Imberakuri (PS IMBERAKURI) na Rwanda National Congress (RNC) iyoborwa na Kayumba niyo agize P5.

Umunyabanga wa Leta muri Minisiteri y’ Ububamyi n’ Amahanga mu Rwanda Amb. Olivier Nduhungirehe avuga kuri raporo iherutse gushyirwa ahagaragara na Loni yavuze ko P5 ari amashyaka atanu atavugarumwe n’ ubutegetsi bw’ u Rwanda yishyize hamwe akaba afite n’ umutwe w’ inyeshyamba witwa P5 witoreza muri RDC.

Si Kayumba Nyamwasa gusa washyiriweho impapuro zimuta muri yombi ahubwo n’abandi bayobozi b’ umutwe w’abarwanyi uzwi nka P5 nabo bazishyiriweho nk’ uko byatangajwe na Radiyo Mpuzamahanga y’ Abafaransa RFI.

Iyi radiyo yakomeje ivuga ko u Rwanda rusaba Afurika y’ Epfo gufata Kayumba ndetse no gufatira imitungo ye. Kayumba ari muri iki gihugu nk’ impunzi kuva muri 2010.

RFI ngo yambwiwe n’ umwe mu bayobozi bo mu Rwanda ko impapuro zo guta muri yombi Kayumba zifitanye isano n’ ibitero byagabwe mu magepfo y’ u Rwanda.

FDU ishinjwa gutera inkunga y’ amafaranga P5. Abanyamuryango 9 b’ iri shyaka ubu bakurikiranywe n’ ubutabera bw’ u Rwanda.

Umuhoza Victoire Ingabire yavuze ko P5 itigeze itera u Rwanda ndetse ngo nta n’ ibyo iteganya ngo icyo ishyize imbere ni uburyo budahutaza niyo mpamvu yasabye imishyikirano.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...