konka coffee
KONKA

AMAKURU

UKWEZI

Kigali: Abagera kuri 60 bari kwigishwa uburyo bwo kwihangira imirimo iciriritse

Kigali: Abagera kuri 60 bari kwigishwa uburyo bwo kwihangira imirimo iciriritse
17-05-2018 saa 13:00' | By Akayezu Jean de Dieu | Yasomwe n'abantu 892 | Ibitekerezo

Umuryango Nyarwanda utera inkunga mu by’uburezi abana bakomoka mu miryango itishoboye yiganjemo abarokotse Jenoside yakorewe Abatutsi muri Mata 1994, (Rwanda Children Educational Faundation) uri guhugura ababyeyi b’abana ufasha bagera kuri 60 bo mu karere ka Gasabo, Umujyi wa Kigali, aho bari guhabwa amahugurwa mu rwego rwo kubafasha mu buryo bwo kwigira aho baramara guhugurwa bagashyirwa mu matsinda agamije kwiteza imbere bahereye ku mirimo iciriritse ibyara inyungu.

Uyu muryango wahuguye aba baturage bo mu karere ka Gasabo kuri uyu wa Kane tariki 17 Gicurasi 2018, aho bari kwigishwa uburyo bwo kwihangira imirimo iciriritse batangiriye ku mafaranga make babashije kubona. Biteganyijwe ko uyu muryango uzabaha inguzanyo zinyujijwe muri koperative zo kuzigama no kugurizanya‘Umurenge Sacco’bityo bakabasha gushyira mu bikorwa aya mahugurwa bahawe.

Mukamugamba Athanasie, warokotse Jenoside yakorewe Abatutsi ndetse aakaba anafite ibikomere birimo n’ubumuga bwo mu mutwe ni umwe mu bafashwa n’uyu muryango ‘RCEF’ avuga ko abana be babiri bishyurirwa n’uyu mushinga aho yizeye ko aya mahugurwa ari guhabwa azamufasha kwihangira umurimo nawe akaba yatera imbere n’abana be nibajya bava ku ishuri babashe kubona icyo kurya.

Umuhuzabikorwa wa RCEF, Jeanine Mukarubega yavuze ko batekereje ubu buryo bwo gufasha iyi miryango itishoboye babinyujije mu kubafasha kwihangira imirimo ariko bagahabwa amafaranga anyuze mu bigo by’imari.

VIDEO: Reba hano uburyo uyu muyobozi abisobanura

Jeanine kandi yavuze ko biteze umusaruro muri aya mahugurwa ari nayo mpamvu bahisemo kunyuza aya mafaranga mu bigo by’imari kugira ngo abagenerwabikorwa bazayakoreshe bumva ko ari inguzanyo batazirara bakayakoresha mu gukemura ibibazo byabo by’ako kanya batarebye ku hazaza habo n’imiryango yabo by’umwihariko abana babo banafashwa n’uyu muryango wa RCEF.

Yagize ati “Iyo uhaye umuntu ufite ibibazo amafaranga ashaka gukemura ibibazo by’ako kanya twe rero twatekereje gukorana na za banki ubu twahisemo kuyanyuza muri za Sacco noneho ababyeyi tugasa nk’ababishingiye bo bakaba baziko bari gukorana na banki kugira ngo bibafashe kubasha gukoresha neza ayo mafaranga ya banki"

Pastor Dr Allan Graustein umufatanyabikorwa w’uyu muryango yavuze ko impamvu nyamukuru yo guhugura iyi miryango ari ukugira ngo nabo babashe kwiteza imbere wa mwana ufashwa ajye abasha kugera mu rugo abone imibereho myiza. Yanavuze kandi ko bamwe muri aba abazajya bagera ku rwego rwo kwifasha bazajya bavanwa mu mushinga basimbuzwe abandi batishoboye nabo bakeneye gufashwa.

Uyu muryango kuri ubu korera mu karere ka Gasabo, ufasha imiryango igera kuri 130 binyuze mu bufatanye bagirana n’akarere kagatoranya abana baturuka mu miryango itishoboye ariko kuri ubu ngo bafite intego yo gufata abandi bana 200 muri uyu mwaka wa 2018. Abagera kuri 60 bari guhabwa amasomo azabafasha kwihangira imirimo bahereye ku iciriritse Umuhuzabikorwa wa RCEF, Jeanine Mukarubega


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...