AMAKURU

UKWEZI
ubumwe

Kigali: Abaregwa gutekera umutwe urubyiruko bagejejwe mu rukiko

Kigali: Abaregwa gutekera umutwe urubyiruko bagejejwe mu rukiko
9-07-2019 saa 17:19' | By Nsanzimana Ernest | Yasomwe n'abantu 1816 | Ibitekerezo

Abanyakenya batatu n’umunyarwanda umwe bashinjwa ’guteka umutwe’ bakambura ibihumbi byinshi by’urubyiruko kuri Kigali Convention Centre bagejejwe imbere y’urukiko rw’ ibanze rwa Kagarama.

Tariki 25 Kamena nibwo abarenga 3500 by’urubyiruko bagiye kuri Kigali Convention Centre, mu Rwanda, ruvuga ko rwatumiwe mu nama yiswe ’wealth and fitness summit’.

Bavuze ko iyi nama bagombaga kuyiboneramo ubumenyi ariko bagahabwa n’amadorari 197 y’Amerika yo kwitabira (arenga 177,000 Frw).
Gusa basabwe kwishyura nibura 4,500 Frw kugira ngo bemererwe kuyitabira. Nyuma basanze iyi nama idahari ndetse ntibasubizwa amafaranga nk’uko babigaragaje.

Abategetsi babijeje gukurikirana abakekwaho ’ubu butekamutwe. Minisitiri w’urubyiruko Rosemary Mbabazi yabwiye uru rubyiruko ko rukwiye kwirinda abarushuka rwaba rukeneye amahugurwa rukitabira ayo Leta itegura cyangwa bakihugurira kuri interinete.

Nk’ uko BBC yabitangaje abaregwa kuri uyu wa 9 Nyakanga bagejejwe imbere y’urukiko baburana ifungwa n’ifungurwa ry’agateganyo.

Barezwe ibyaha byo gukoresha inama itemewe, no kwiha iby’abandi bakoresheje ubushukanyi.

Abaregwa bose bahakanye ibi byaha bavuga ko icyo bateguye itari inama ahubwo yari amahugurwa, kandi bagombaga kwishyuza abayitabiriye. Basabye kurekurwa by’agateganyo.

Umwanzuro ku ifungwa n’ifungurwa ry’agateganyo kuri aba baregwa uzasomwa tariki 11 z’uku kwezi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...