konka coffee
KONKA

AMAKURU

UKWEZI

Kigali: Agahinda k’umuryango wasohowe mu nzu kuri ubu ukaba uri mu gihirahiro

Kigali: Agahinda k’umuryango wasohowe mu nzu kuri ubu ukaba uri mu gihirahiro
12-06-2018 saa 18:55' | By Akayezu Jean de Dieu | Yasomwe n'abantu 7636 | Ibitekerezo 5

Kuyizera Elissa ufite umugore n’abana, umuryango we ari mu gahinda gakomeye yatewe no kuba umugabo atazi niba ari umuhesha w’inkiko yaraje azanye n’abapolisi benshi bakamusohora mu nzu yari atuyemo kuva muri 2009, nyuma akaza kuyitsindirwa mu rubanza avuga ko atishimiye imikirize yarwo. Kuri ubu uyu mugabo avuga ko ari mu gihirahiro nyuma y’uko ari aba bapolisi bamusohoye atabazi usibye ko ngo bari bayobowe na komanda w’umurenge wa Jabana.

Uyu muryango wasohowe mu nzu utuye mu mudugudu wa Nyarukurazo, akagari ka Akamatamu mu murenge wa Jabana akarere ka Gasabo ho mu Mujyi wa Kigali. Barayiburaniye ubwa mbere baratsinda ndetse n’uwo batsinze arajurira barongera baramutsinda ariko aza kujya mu rukiko rukuru arabatsinda ariko bafite ibyangombwa by’ubutaka bahawe n’ubuyobozi bw’umurenge wa Jabana.

Bivugwa ko izi nzu zubatse ahagana myaka ya 1998, zubatswe n’umushinga ARAMET ariko aya mazu akaba yarubakirwaga abaturage binyuze mu buyobozi bw’icyahoze ari Komini Buliza (Kuri ubu ni mu karere ka Gasabo).

Kuyizera yagiranye ikiganiro n’ikinyamakuru Ukwezi.com asobanura icyo yita akarengane ndetse no guterwa ubwoba mu buryo bukomeye nyuma yo gusohorwa mu nzu yari iye ndetse yaranayiburaniye mu rukiko akayitsindira ariko ngo uwo baburanaga akaza kujya kumurega mu rukiko rukuru akoresheje ibimenyetso byari byakorejejwe mbere ariko ngo urukiko rukuru rugafata umwanzuro w’uko iyi nzu itari iye ahubwo ari iya Emile.

Uyu mugabo avuga kandi ko ku mugoroba wo ku Cyumweru tariki 3 Kamena 2018, aribwo yari iwe mu rugo n’umugore n’abana babona imodoka nyinshi za Polisi zirimo abapolisi baje bamusaba ko yasohora ibintu bye kuko inzu arimo atakiyifiteho uburenganzira igomba gusubizwa nyirayo.

REBA VIDEO YOSE HANO:

Umunyamakuru wa Ukwezi.com kandi yagize amahirwe yo kubona umusaza uvuga ko ariwe wari ufite inshingano zo kwemeza no kugena abahabwa aya mazu (Hari muri 1999), ibi ariko ngo yabikoraga ahawe uburenganzira n’ubuyobozi bwari ubwa komini icyo gihe akabimenyeshwa mu ibaruwa isinyweho na burugumesitiri wa Komini ya Rutongo (Icyo gihe ni uwitwaga Semukanya Antoni wayoboraga iyi komini).

Nzamwita Privat, umusaza ugeze mu za bukuru yabwiye Ukwezi.com ko iyi nzu kuri ubu yari ifitwe byemewe n’amategeko n’uyu Kuyizera Elissa, ariko ubusanzwe ngo yari yarahawe umupolisi witwa Niyongira Revelien, aza kuyigurisha na Kayumba Celestin ari nawe waje kuyigurisha uyu Kuyizera Elisa (Bivuze ko iyi nzu yahawe uwitwa Niyongira Revelien). Umusaza Nzamwita wari ukuriye komite ishinzwe gutanga amazu

Nzamwita kandi yakomeje avuga ko uyu mugabo witwa Emile binavugwa ko ari umusirikare mu Ngabo z’u Rwanda atigeze ahabwa iyi nzu.

Yagize ati “Cyo cyo cyo..! Wibimbaza! Ahubwo ngewe nibaza uko justice (Ubutabera ) y’iki gihe yifashe. Kuva muri 1999 kugeze nonaha uwo muntu iyi nzu ayifite. Ese yari imeze ite ko cyari igihuru ko natwe twazitashye zimeze nk’ibihuru”

Uyu musaza uvuga ko ariwe wari Perezida wa komite yari ishinzwe gutanga inzu, icyo gihe ngo yandikiwe ibaruwa (Tuyifitiye kopi) na burugumesitiri imumenyesha ko agomba gutanga iyo nzu ari nabwo bahise bafata umwanzuro wo kuyiha Revelien.

Kuri iki kibazo cya Kuyizera Elissa, Umunyamabanga Nshingwabikorwa w’Umurenge wa Jabana, Ndanga Patrice yabwiye Ikinyamakuru Ukwezi.com ko atari asanzwe akizi ariko avuga ko niba ibintu byaranyuze mu nkiko nk’inzego z’ibanze nta bushobozi bwo kubivuguruza bafite ahubwo icyo bagiye gukurikirana ngo ni ukumenya niba koko umuturage wabo yarahohotewe nk’uko abivuga Uyu ni Kayumba Celestin, we niwe wagurishije inzu Kuyizera Elissa (Ni umwana we), ngo nawe yari yarayiguze na Niyongira muri 2003, kandi ngo ayifitiye ibyangombwa byose Iyi niyo nzu ivugwa mu nkuru Kuyizera Elisa ngo kuri ubu ari mu kaga kuko inzu bamusohoyemo yari iri no mu ngwate ya Banki.


INKURU ZA :
Tanga Igitekerezo
Ibitekerezo 5
gakuba Kuya 24-06-2018

IBIRENZE KUBYO UWARUSHINZWE KUZITANGA, AVUGA BASHAKA IKINDI CYEMEZO KIHE UWIYTA NYIRAYO YAGUZWE YARAGIYE HE!! IBINTU WUMVA BIFITE IBYEMEZO ABACAMANZA BABIHINDURA BATE!!

Egide Kuya 14-06-2018

Ndumva niba koko ari uku biri ntakitumvikana. Ubutabera bukwiye gukurikirana ibimenyetso Ku mpande zose ubundi bugakora icyo amategeko ateganya nta kubogama.

Shema Kuya 13-06-2018

Aka karengane ndakazi uyu mugabo wasohoye uyu muryango munzu yubakiwe Inzu yahawe Inzu mumudugudu uherereye nyacyonga zari zigenewe abasirikari arayanga leta izihera abandi Uwo bayihaye arayigurisha uyu mugabo bayisohoyemo nawe yayiguriye uwayiguze mbere ahabwa ibyangombwa bya burundu by’ubutaka .nyuma rero nubwo uyu musirikari yaje abashyiraho iterabwoba ayibasohoramo ayita iye .bakwiye kurenganurwa rwose.

Ukuri Kuya 12-06-2018

nge ndumva iyi nkuru ituzuye. kuki mutatubwira uwo wundi uburana iyo nzu ibyo ashingiraho ayita iye.
ese ko uyu wayisohowemo avuga ko yayiguze ari uwa kabiri kuki abo bandi bayiguze mbere bo nta kibazo bafite.
Iyo utanze inkuru nk’iyi ukayitanga igice twe abasomyi dukeka ko hari ibyo wahishe ubishaka byatuma inkuru igira indi sura.
nimudufashe muduhe inkuru yuzuye

Jeannette Kuya 12-06-2018

Ndumiwe ubwo c ibintu nk ibyo byo kwitwaza icyo umuntu aricyo agahuguza rubanda rugufi biracyabaho muri uru Rwanda batubabarire bivangira umusaza rwose ibintu buri ku murongo

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...