AMAKURU

UKWEZI
ubumwe

Kigali: Hatangijwe betting izajya igenzura niba umukiriya atangiye kuba imbata yayo ikamugira inama

Kigali: Hatangijwe betting izajya igenzura niba umukiriya atangiye kuba imbata yayo  ikamugira inama
8-08-2019 saa 17:16' | By Nsanzimana Ernest | Yasomwe n'abantu 1109 | Ibitekerezo

Ikigo cyitwa CHEZA Rwanda Games cyatangije uburyo bugezweho bwo gukina imikino y’amahirwe ‘betting’ muri Kigali, bukoresha ikoranabuhanga aho uyikina azajya akoresha mudasobwa ye cyangwa telefoni ye kugira ngo ashobore guhitamo ikipe ashaka kutegaho. Ikindi ni uko utsinze amafaranga atsindiye ahita ayabona muri telefoni ye cyangwa mudasobwa.

Ubu buryo bwo bwo gutega ku mikino kandi buzajya busorera Leta nk’uko byatangajwe n’abayobozi bakuru b’iki kigo.

Ibi byatangajwe kuri uyu wa Kane taliki ya 8 Kanama 2019, ubwo Abayobozi bakuru b’ikigo CHEZA Rwanda Games basobanuriraga itangazamakuru imikorere y’iki kigo kizanye imikino y’amahirwe.

CHEZA Rwanda Games itangiye mu gihe ibihugu nka Uganda na Kenya biri guhagarika bene iyi mikino y’ amahirwe bavuga ko basanze hari abahinduka imbata yo gukina iyi mikino.

Umuyobozi w’ikigo CHEZA Rwanda Games, Dias Iskakov avuga ko uburyo bagiye gutangiza bw’iyi mikino y’amahirwe bwihariye kuko bufite uburyo bwo kureba niba ukina iriya mikino imutwara ku buryo yaba imbata yayo, bityo bakaba bamugira inama yo kugabanya igihe amara ayikina, babona atabikozwa akaba yahagarikwa kuyikina.

Hebert Kalisa ushinzwe kwamamaza ibikorwa by’ikigo CHEZA Rwanda Games avuga ko bazanye impinduka ndetse n’ibishya muri iyi mikino, aho bagiye korohereza abakina imikino y’amahirwe.

Avuga ko umwihariko w’ikigo cyabo ari uko byose bizajya bikorerwa ku ikoranabuhanga, aho umuntu yabikora atavuye aho ari.


Hebert Kalisa ushinzwe kwamamaza ibikorwa by’ikigo CHEZA Rwanda Games

Yagize ati: “ Ikintu kirimo gishya ugereranyije n’uko abandi babikora ni uko umuntu ushaka gukina azajya abikorera kuri mudasobwa ye cyangwa kuri telefoni ye. Bizatuma atavunika ava aho ari ajya ahari imashini bakiniraho iriya mikino.”

Yanavuze ko ikigo cyabo cyanashyizeho uburyo bazajya basorera Leta, aho uzajya atsindira amafaranga ari hejuru y’ibihumbi mirongo itatu (30 000frw) azajya asorera arenzeho.

Yakomeje avuga ko kuba Leta y’u Rwanda yarabemereye gutangira gukorera mu Rwanda, ngo ni uko bemeye kujya basora kandi bakaba bafite umwihariko wo gukumira ko abakina iriya mikino bahinduka imbata yabyo.

Ikindi bagarutseho ngo ni uko iki kigo cyabo gifite uburyo bwo gukumira abari munsi y’imyaka 18 aho bo batemerewe kuyikina. Ngo bakorana n’umushinga w’irangamuntu kugira ngo bamenye abashobora kuza kuyikina bataruzuza imyaka y’ubukure.

Ubukangurambaga bwo kumenyekanisha iby’iyi mikino bumaze gukorewa mu turere twa Rubavu, Huye, Musanze na Rwamagana

Ushaka kwinjira muri iyi mikino akoresha mudasobwa yandikamo www.gorillagamesafrica.com hakaza aho ashyira umwirondoro, ubundi agakurikiza amabwiriza, hanyuma uwa telefoni we akanda *878# ubundi agakurikiza amabwiriza.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...