AMAKURU

UKWEZI
ubumwe

Kigali: Hatangiye gukoreshwa bisi zorohereza abafite ubumuga

Kigali: Hatangiye gukoreshwa bisi zorohereza abafite ubumuga
30-08-2019 saa 17:02' | By Nsanzimana Ernest | Yasomwe n'abantu 2891 | Ibitekerezo 1

Bwa mbere mu mateka y’ u Rwanda abashinzwe gutwara abantu mu buryo bwa rusange batangiye gukoresha bisi zorohereza abagenzi bafite ubumuga.

Kuri uyu wa 30 Kanama 2019, nibwo mu mujyi wa Kigali hatangijwe ku mugaragaro ikoreshwa ry’ imodoka za bisi zorohereza abafite ubumuga ku buryo umuntu uri mu kagare ashobora kwiyinjiza mu modoka atamboreye umuntu ubimufashamo.

Abayobozi bahagarariye abafite ubumuga mu Rwanda bamaze igihe basaba ko iki kibazo cyashakirwa umuti.

Mu mpera za 2017 Perezida w’ inama y’ igihugu y’ abantu bafite ubumuga Niyomugabo Romalis yavuze ko kuba mu Rwanda nta modoka n’ imwe yorohereza abantu bafite ubumuga ari kimwe mubibabangamiye.

Icyo gihe yagize ati “Mu Rwanda nta modoka n’ imwe ihari yorohereza abantu bafite ubumuga…Imodoka yohereza abantu bafite ubumuga ni imodoka umuntu ugendera mu igare ashobora kuza akiyinjizamo nta muntu umuteruye nta bundi bufasha ubwo aribwo bwose, ndetse yagera n’ aho aviramo akaba ashobora kuvamo nta muntu umufashije”

Yakomeje agira ati “Ku isoko mpuzamahanga izo modoka ntizibuze kandi n’ ubushobozi bugura iyo modoka nabwo ntibubuze. Mu Rwanda ntazari zatangira kuboneka ari niko amategeko abiteganya”.


ubwo abayobozi batangizaga ku mugaragaro uburyo bwo gutwara abagenzi bworohereza abafite ubumuga

Iki kibazo cyarumviswe, kuko kampani ya RFTC imwe muzitwara abantu mu buryo bwarusange yatumije bisi 11 zohereza abafite ubumuga.

Izi bisi 11 zigiye kwifashishwa mu gutwara abantu horoherezwa abafite ubumuga zakorewe mu gihugu cy’ Ubushinwa.

Umuyobozi wa RFTC Col(Rtd) Twahirwa Dodo yavuze ko byabatwaye miliyari y’ amafaranga y’ u Rwanda kugira ngo bagure izi bizi zorohereza abafite ubumuga ndetse gahunda bafite ari uko bagira bisi zorohereza abafite ubumuga zikorera mu gihugu hose.

Minisitiri w’ Ibikorwaremezo Amb. Claver Gatete yavuze ko intego ya Leta y’ u Rwanda ari ukugira uburyo bwo gutwara abagenzi bwemewe ku nzego mpuzamahanga, ibyo ngo birimo kugira uburyo bworohereza abakuze n’ abafite ubumuga.


INKURU ZA :
Tanga Igitekerezo
Ibitekerezo 1
Anges Kuya 30-08-2019

Iyo ni intambwe bateye,ariko Abashinzwe gutwara abantu ni bintu muri government nibatwumve abaturage tumerewe nabi abo ba RFTC bateiriza kumirongo bahagera bakaducunaguza hari nubwo ahagera agakuramo abantu aravuga ko ntawemerewe kwinjira akahadusiga. urugero ku isoko rya Nyarugenge bimbayeho 2.rwose dukeneye kumva bahaye undi isoko ryo gutwara abantu kumaligne abaho abagenzi benshi hagakora company 2 ,nibwo baduha agaciro

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...