konka coffee
KONKA

AMAKURU

UKWEZI
Minijust

Kigali: Imodoka zitwara abagenzi mu buryo bwa rusange zigiye gushyirwamo Camera

Kigali: Imodoka zitwara abagenzi mu buryo bwa rusange zigiye gushyirwamo Camera
31-01-2019 saa 17:56' | By Nsanzimana Ernest | Yasomwe n'abantu 857 | Ibitekerezo

Kuri uyu wa 31 Mutarama 2019, nibwo Urwego rw’ Igihugu Ngenzuramikorere RURA rwemeje ko imodoka zose z’amasosiyete atatu afite isoko ryo gutwara abantu mu Mujyi wa Kigali, zigiye gushyirwamo.

Umuvugizi w’urwego ngenzuramikorere (RURA), Tony Kulamba, yavuze ko izi Camera zizanakemura ibibazo bitandukanye birimo abashoferi barenzaga umubare w’abantu n’ibijyanye n’ikinyabupfura cyabo, ibibera byose muri izo modoka n’ibindi.

Yagize ati “Ikoranabuhanga rimaze kudufasha mu gukemura ibibazo [...] niba tuvuze Camera muri za bisi zizafasha byinshi cyane rwose, hari imyitwarire y’abashoferi, amakosa bakoraga nko kubeshya abagenzi bakababwira ngo barabakorezaho bakabiba amafaranga, ukubakerereza no kuzuza cyane wa mubare uteganyijwe.”

Yongeyeho ko Camera zizajya zerekana ibibera muri izo modoka yaba kugaragaza uwishyuye adakoresheje ikarita n’uwakiriye ayo mafaranga ,ndetse bizeye ko zizongera ubushobozi bwo kugenzura ibijyanye no gutwara abantu no gutuma abashoferi n’abandi bagiraga ikibazo cy’imyitwarire mibi bikubita agashyi.

Ibi bizakorwa mu masezerano aya masosiyete afitanye n’ikigo AC Group, gitanga ikoranabuhanga ryo kwishyura ingendo rizwi nka Tap&Go, ndetse kigashyira na Internet mu modoka zitwara abagenzi.

Ihuriro ry’Amakoperative yo gutwara abantu mu buryo rusange (RFTC), rivuga ko ku ruhande rwaryo, uyu mwanzuro urarifasha kugabanya ibihombo ryaterwaga n’ abashoferi bakira amafaranga mu ntoki.

Umuvugizi wa Jali Holding Company, Kihangire Bishop, yabyawe na RFTC yavuze ko bafitanye amasezerano na AC Group yo gushyira camera mu modoka nk’ uko byatangajwe na Igihe

Yongeyeho ko kwishyura abashoferi amafaranga mu ntoki bihobya iyi sosiyete ku kigero kiri hagati ya 24% na 26% cyane ko ayo mafaranga yose nta na rimwe rigera muri icyo kigo ahubwo aba ari ay’abashoferi.

Abashoferi n’abagenzi nabo bavuga ko imodoka zose nizishyirwamo Camera hari ibibazo byinshi bizakemura.

Umukobwa wiwa Mulisa Diane yagize “Camera bazazishyiremo kuko nizo zizakemura abadutinzaga ku byapa kuko kuva batangira kwishyura bakoresheje ikarita, usanga abashoferi bakunze kuva ku byapa ari uko imodoka ibanje kuzura ku buryo byamaze kuba nk’ihame.”

Biteganyijwe ko uyu mwaka wa 2019 uzarangira imodoka zigera kuri 250 za RFTC zose zishyizwemo Camera.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...