AMAKURU

UKWEZI

Kigali: Impanuka ikomeye yaguyemo umuntu, 11 barakomereka

Kigali: Impanuka ikomeye yaguyemo umuntu, 11 barakomereka
29-11-2018 saa 08:15' | By Vincent Nsengiyumva | Yasomwe n'abantu 10805 | Ibitekerezo 1

Mu ijoro ryo kuri uyu wa 28 Ugushyingo 2018, ahagana saa yine, imodoka yo mu bwoko bwa Taxis minibus yari itwaye abakirisitu bavuye i Kibeho, yakoze impanuka igeze ahazwi nka Sopetrade mu Mujyi wa Kigali, umuntu umwe ahita ahasiga ubuzima, 11 barakomereka barimo 2 bakomeretse bikomeye.

Imodoka yakoze impanuka yaturukaga i Kibeho mu Majyepfo ahizihirijwe isabukuru y’imyaka 37 y’amabonekerwa yerekeza i Rukira muri Ngoma.

Umuvugizi w’Ishami rya Polisi rishinzwe umutekano wo mu muhanda, SSP Jean Marie Vianney Ndushabandi, yabwiye Ukwezi ko iyi mpanuka yatewe n’imodoka yacitse feri.

SSP Ndushabandi yavuze ko iyi mpanuka yatewe ahanini n’urugendo rurerure yari yakoze, aho yari yaturutse i Ngoma yereke i Kibeho mu Ruhango mu gitondo,iza kongera kuvayo isubira aho yaturutse, bivuze ko ishobora kugira ikibazo cyangwa shoferi akaba yananiwe kubera urugendo rurerure.

Yagize ati “ Ni minibus yavaga I Kibeho yerekeza Ndego muri Rukira. Yageze kuri abura feri, agonga umumotari wari imbere ye, arakomeza ageze Sopetrade agonga umunyamaguru, arakomeza ageze mu Kanogo imodoka iragwa, abarimo hakomereka 11, babiri barakomereka bikomeye, umwe yitaba Imana ageze kwa muganga.”

Abakomeretse bahise bajyanwa mu bitaro bikuru bya CHUK bakaba bari gukurikiranwa n’abaganga.

SSP Ndushabandi yatanze ubutumwa ko imodoka zitwaye abagenzi bakora ingendo ndende zikwiye gufata umwanya wo kuruhuka, abazirimo bakirinda kugenda amasaha menshi mu gihe badafite abashoferi basimburana.


INKURU ZA :
Tanga Igitekerezo
Ibitekerezo 1
hitimana Kuya 29-11-2018

Inkuru ibabaje cyane.Iteka gukora urugendo runini habamo risk.Ku bantu bapfuye,imiryango yabo ni yihangane.Ariko nk’Abakristu,dukwiye kwibaza uko bigenda iyo dupfuye.Ariko tugashingira kuri Bible.Ese koko tuba twitabye imana?Nta hantu na hamwe Bible yigisha ko umuntu upfuye aba yitabye imana.Dore uko Bible yigisha ku Rupfu.Upfuye ntabwo aba yumva (Umubwiriza 9:5).None se yakitaba imana gute kandi atumva?Umwuka Imana yashyize muli Adamu,ntabwo ari Roho itekereza nkuko benshi bibeshya.Ahubwo ni “neshamah “ mu Giheburayo (breath mu Cyongereza,Souffle mu Gifaransa).Uwo mwuka imana yashyize muli Adamu,siwo utekereza.Hatekereza “ubwonko gusa†.Umwuka uba mu mubiri wacu,ni imbaraga zidukoresha.Twabigereranya n’amashanyarazi akoresha Radio.Ntabwo rero umwuka wakitaba imana kandi “udatekereza†.Iyo dupfuye,uwo mwuka uragenda,nkuko amashanyarazi nayo agenda,RADIO ntiyongere kuvuga.Dore urugero rwiza rwerekana ko iyo dupfuye tutaba twitabye imana: Igihe Yakobo bamubwiraga ko umuhungu we witwaga YOZEFU yapfuye,ntabwo yavuze ko umwana we yitabye imana.Ahubwo yavuze ko azasanga umwana we mu gitaka (Itagiriro 37:35).Bible yigisha ko upfuye yakoraga ibyo imana idusaba,azazuka “ku munsi w’imperuka†,agahembwa ubuzima bw’iteka muli paradizo (Yohana 6:40).Ni Yesu ubwe wabivuze.Abantu bapfa biberaga mu byisi gusa,biba birangiye batazazuka kuko imana ibafata nk’abanzi bayo (Yakobo 4:4 ).Barabora bikarangira (Abagalatiya 6:8).

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...