konka coffee
KONKA

AMAKURU

UKWEZI

Kigali: Ubuyobozi bwafunze inzu ya ba bana baherutse gutakamba basaba kurenganurwa

Kigali: Ubuyobozi bwafunze inzu ya ba bana baherutse gutakamba basaba kurenganurwa
23-05-2018 saa 19:52' | By Vincent Nsengiyumva | Yasomwe n'abantu 12883 | Ibitekerezo 16

Ubuyobozi bw’umurenge wa Muhima bwafunze inzu y’abana bavuga ko basigiwe n’ababyeyi, nyuma y’uko aba bayobozi baje kubasohoramo ngo ihabwe uwo bita ko ari nyirayo bikananirana. Aba bana baherutse gutakamba basaba ko bakumvwa bakarenganurwa .

Iyi nzu aba bana babagamo iherereye mu mudugudu w’Ubuzima, Akagali k’Amahoro Umurenge wa Muhima akarere ka Nyarugenge mu Mujyi wa Kigali.

Ku gicamunsi cyo kuri uyu wa Gatatu tariki 23 Gicurasi 2018, nibwo Ubuyobozi bw’umurenge wa Muhima, Komanda wa Polisi muri uyu Murenge ndetse n’intumwa yoherejwe n’akarere ka Nyarugenge bagiye gusohora aba bana mu nzu nk’uko bari babimenyeshejwe mu cyumweru gishize, maze igahabwa mukase witwa Uzamukunda Rose ngo kuko yanditse ku bana be.

Ibibazo byo muri uyu muryango bishingiye kukuba Se w’aba bana witwa Sekamana Berekimas yarashakanye n’abagore babiri, ariko ngo inzu yabanagamo n’umugore wa mbere [nyina w’aba bana bane ] akaba yarayiraze abana b’umugore wa Kabiri witwa Uzamukunda Rose mu buryo aba bana bavuga ko bufifitse.

Nyiramana Vestine uhagarariye aba bana yavuze ko ibyo bari gukorerwa n’ubuyobozi bw’umurenge ari akarengane ndengakamere, ashimangira ko hari ikindi kibyihishe inyuma ngo kuko hatari gukurikizwa amategeko.

Nyiramana avuga ko bafite icyangobwa cy’Urukiko rw’Ikirenga kibaha uburenganzira bwo kuba muri iyo nzu, kuko bayisigiwe n’ababyeyi .Iki cyangombwa ngo bagihawe n’urukiko nyuma yo kuburana na Se witwa Sekamana Berekimas ndetse na mukase Uzamukunda ngo kuko bashakaga kubasohora muri iyo nzu maze ngo nayo bayigire iyabo.

Avuga ko Se Sekamana yaje gusezerana na Uzamukunda babibahishe kugira ngo babone uko bigarurira neza imitungo yose maze we n’abavandimwe be basigarire aho nk’uko bari barabihize kuva na mbere.

Avuga ko nyuma yo gusezerana bakoze amanyanga bakibaruzaho ubutaka bwose ngo banarenze ku cyemezo cyari cyafashwe n’urukiko cy’uko aba bana bagomba kugira uburenganzira mu mitungo y’ababyeyi.

Ati “Bakoze amanyanga bibaruzaho ubutaka babifashijwemo n’abayobozi b’ibanze bariho icyo gihe, maze barenga ku cyemezo cyari cyafashwe n’urukiko. Abo bayobozi bagize uruhare rukomeye muri ibi bibazo byose turimo ubu.”

Avuga ko nyuma baje gutungurwa n’uko batangiye kubwirwa ko ubutaka barimo atari ubwabo, babikurikiranye basanga bwarabaruwe ku bana ba Mukase bonyine.

Avuga ko nyuma yo kumenya ko Se ubabyara yafashe iyo nzu babamo akayiraga abo bana be b’umugore wa Kabiri, ngo bajyanye ikirego mu rukiko cyo gutesha agaciro iryo rage, cyane ko ryanakozwe hirengagijwe ko urukiko rwagaragaje ko abana b’umugore wa mbere nabo bafite uburenganzira ku mitungo y’ababyeyi.

Yakomeje avuga ko batumva icyo umuyobozi w’Umurenge wa Muhima ashingiraho abirukana mu nzu, ngo kuko nta cyangombwa gisimbura icy’urukiko bo berekana bafite kibahesha uburenganzira bwo kuba munzu, uretse kuza ababwira ko ngo yandikiwe n’akarere ka Nyarugenge kamusaba ko bayisohokamo igahabwa nyirayo ariwe Uzamukunda.

Uzamukunda Rose ashimangira ko inzu ari iy’abana be ngo kuko umugabo we Sekamana Berekimas yayibaraze maze ab’umugore we wa mbere abaraga isambu yari afite i mu Majyepfo.

Ati “ Njye n’umugabo n’abana twaraje tuje kuba muri iyi nzu dusangamo aba bana, umugabo agabanya abana ibyumba ari abanjye n’ab’umugore wa mbere maze nanjye nawe tujya mu kindi. Bukeye aba bana barankubise maze ubuyobozi bw’umurenge busaba umugabo ko yatugabanya umutungo kuko bwabonaga tutabana mu nzu nayo makimbirane.”

Yakomeje agira ati “ Ubwo umugabo yaragabanyije aravuga ati mu buryo bwo gukemura amakimbirane, abana b’umugore mukuru mbahaye mu Majyepfo, ab’umugore muto mbahaye iyi nzu.Niko abana banjye bahawe iyi nzu mubona.”

Abaturage bamaze imyaka myinshi baturanye n’aba bana, bashimangiye ko bari gukorerwa akarengane gakomeye ngo kuko ibyemezo biri kubafatirwa bihabanye n’ibyari byafashwe n’urukiko, bakaba bavuga ko ikibyihishe inyuma byose ari ruswa.

Uwitwa Mukamana yavuze ko gufata abana bakabirukana iwabo bizwi neza ko ariho bavuka, ari akarengane. Asobanura ko uwo mugore muto yari afite imitungo y’umugabo maze barayirya barayimara none ngo akaba ashaka no kurya inzu y’abana b’umugore wa Mbere.

Yagize ati “Abana bararengana kuko bari mu mutungo washatswe na Se na nyina kuva mu 1975. Marie Rose yabonetse muri 1980 iyi nzu iba aha. Byaba bibabaje ko umugore ashobora kuva ahandi, agakora impapuro mpimbano akarenga umwanzuro w’urukiko, yamara kuwurengaho uyu munsi ubuyobozi akaba aribyo bari gushingiraho babiha umugisha.”

Yunzemo ati “Aka ni akarengane gakomeye kubona umutu asohorwa mu nzu y’ababyeyi [… ]uko si ukuri! Niba umuyobozi ahari ntabwo akwiye guca iteka ngo atange ibihano atanabanje kubaza abaturage babizi. Gitifu w’umurenge yabujije abaturage kuvuga, yavuze ko nta jambo atanga ko ategeka, nibajije ngo mbese ari ijambo ry’urukiko rivuga ngo araturamo, ari n’irya Gitifu rivuga ngo sohoka ukuri twafata ukuhe? Ni akarengane gakomeye twe twumiwe.”

Uwitwa Mukantwari Claudine uvuga ko yakuranye n’aba bana bari gusohorwa mu nzu, nawe yashimangiye ko abahoze ari abayobozi b’inzego z’ibanze bakoze amanyanga maze bafata inzu y’aba bana bayandika ku bana b’umugore wa Kabiri ku bw’inyungu zabo.

Nawe yanenze umuyobozi w’umurenge uri gusohora aba bana nta cyemezo cy’irangizarubanza agaragaza, ibintu ashimangira ko hari ikindi kibiri inyuma.

Umunyamabanga Nshingwabikorwa w’Umurenge wa Muhima, Nkunda Evariste wari waje kwirukana aba bana mu nzu, yavuze ko icyemezo cyafashwe hashingiwe ku nyandiko zijyanye n’uwo umutungo wanditseho.

Yagize ati "Icyo twe dushingiyeho ni uko kugeza uyu munsi umutungo, ibyangombwa byanditswe ku bana ba Rose , ndetse kandi mu rwego rw’ubuyobozi, , zimwe mu mpapuro twasesenguye dufite zigaragaza ko Berkimas yaraze aba bana banditsweho uyu mutungo.Vestine n’abavandimwe be ntaho bagaragara ko bagomba kuba muri uyu mutungo.”

Yunzemo ati “ Nk’uko babyivugiye, kuba barabitanzeho ikirego, babibabwiye ko tariki 6/6 bazaburana, icyo umwanzuro w’urukiko uzaza uvuga tuzagishyira mu bikorwa.”

Yakomeje avuga ko kugeza uyu munsi nta mwanzuro urafatwa gusa bakaba bashingira ku byangombwa by’uwo ubutaka bwanditseho kugeza igihe bizagaragara ko atari ubwe.

Vestine uhagarariye aba bana bari gusohorwa munzu yasabwe n’ubuyobozi ko yasohora ibintu byabo maze igahabwa uwo ubuyobozi bwita ko ari nyirayo, nawe akomeza gutsimbarara asaba ko yakwerekwa icyo ubuyobozi bushingiraho bubasohora kiri hejuru y’umwanzuro w’urukiko washimangiraga ko batagomba kuvanwa mu mitungo y’ababyeyi, maze ubuyobozi bubonye ko byananiranye bufata umwanzuro wo kuhafunga bahasudiriye.

Nyiramana Vestine uhagarariye abavandimwe be bari gusohoranwa nawe mu nzu

Umunyamabanga nshingwabikorwa w’umurenge wa Muhima,Nkunda Evariste

Abaturanyi b’aba bana bari baje kureba uburyo basohorwa mu nzu yabo

Ubuyobozi bwabaye bufunze iyi nzu mu gihe aba bayibagamo batarakuramo ibikoresho byabo

Gitifu Nkunda arimo kubwira Vestine ibyemezo byabafatiwe

SOMA HANO INDI NKURU BIFITANYE ISANO Kigali: Agahinda k’abana bagiye kwirukanwa mu nzu basigiwe n’ababyeyi, barasaba kurenganurwa


INKURU ZA :
Tanga Igitekerezo
Ibitekerezo 16
umuntu Kuya 30-05-2018

Imana irenganure abo bana ark inzego zibanze mubuyobozi zirya ruswa, benshi ntacyo bamaze

Masumbuko Kuya 30-05-2018

Abayobozi bacu bahubukira ibyemezo bishobora gutuma havuka abateroristes. Kuki badategereje umwanzuro wokuri6/6???Bitaniye he n abatema imyaka isigaje amezi 2 ngo yere ko bayitegereje byakemura ikibazo. Ibibazo byinshi biterwa n ubuyobozi bubi.

Masumbuko Kuya 30-05-2018

Abayobozi bacu bahubukira ibyemezo bishobora gutuma havuka abateroristes. Kuki badategereje umwanzuro wokuri6/6???Bitaniye he n abatema imyaka isigaje amezi 2 ngo yere ko bayitegereje byakemura ikibazo. Ibibazo byinshi biterwa n ubuyobozi bubi.

Masumbuko Kuya 30-05-2018

Abayobozi bacu bahubukira ibyemezo bishobora gutuma havuka abateroristes. Kuki badategereje umwanzuro wokuri6/6???Bitaniye he n abatema imyaka isigaje amezi 2 ngo yere ko bayitegereje byakemura ikibazo. Ibibazo byinshi biterwa n ubuyobozi bubi.

Masumbuko Kuya 30-05-2018

Abayobozi bacu bahubukira ibyemezo bishobora gutuma havuka abateroristes. Kuki badategereje umwanzuro wokuri6/6???Bitaniye he n abatema imyaka isigaje amezi 2 ngo yere ko bayitegereje byakemura ikibazo. Ibibazo byinshi biterwa n ubuyobozi bubi.

K Kuya 25-05-2018

BAYOBOZI MUKORANE UBUSHISHOZI MUTAZAGWA MU MUTEGO WA BAGORE NKABO WASANGA ARI ABANYAMANYANGA KUKI MURI KUBYINA MBERE YUMUZIKI MWARETSE UBUTABERA BUKABANZA BUGAKORA ICYO BUGOMBA GUKORA

Aulerie Kuya 25-05-2018

Birababaje peeee!Imana ibarengere ndumva bikaze!

Umunyamulemge Kuya 25-05-2018

Uyu mu gitifu ni fake cyane!!ni umuswa,arya ruswa, hari ahantu twahuriye mu nama ntavuze,numva ukuntu ahuragura ibigambo ndumirwa.Ikindi kandi akabije inzara cyane.Ahubwo barebe neza barenganure abo bana

Rebecca Kuya 24-05-2018

aba bana ntabwo barenganye ahubwo bafite amanyanga kuko njyewe ibyabo ndabizi Imitungo SE yashakanye na NYINA iri butare iyonzu uzamukunda yashakanye na SE kandi ibyiwabo i butare ntawe ujyakubibateraho ariko sinzimpamvu vubamva ko barumuna babo bakwangara kuko nkubungubu abana ba UZAMUKUNDA barabangaje ntibafite hefpo no haruguru, ikindi icyemezo cy’urukiko cyemerera abo bana iyonzu nabo urukiko rukabagenera imitungo iyi ibutare ahubwo abobana barayiriye barayimaze.

Mamie Kuya 24-05-2018

Aba nanjye twaraturanye ariko ana bébé Berekimasi bararenganijwe pe ! Ubu se ko muvuga amakimbirane ubu aba bana KO harimo abasore, David n’a Sylver bihimuye kuri mukase cg kuri béne se ntibyaba bitewe n’ubuyobozi kweli. Nta muntu n’umwe watuye hariya utazi ubugome Marina Rosa yakoreye aba nana.

Mamie Kuya 24-05-2018

Aba nanjye twaraturanye ariko ana bébé Berekimasi bararenganijwe pe ! Ubu se ko muvuga amakimbirane ubu aba bana KO harimo abasore, David n’a Sylver bihimuye kuri mukase cg kuri béne se ntibyaba bitewe n’ubuyobozi kweli. Nta muntu n’umwe watuye hariya utazi ubugome Marina Rosa yakoreye aba nana.

Anna Kuya 24-05-2018

Imana yo mubyeyi w’imfubyi abarengere

jn Kuya 24-05-2018

Uko mbibona ni uko harebwa icyemezo cy urukiko ;hakarebwa na none ibivugwa ko bazaburana kuya 6/6 tukamenya neza niba hari umwanzuro wa nyuma wafashwe kuriki kibazo. Nkurikije inkuru zanyu iyi nzu kugeza ubu muyirekere abo bana b umugore wa mbere niba bafite icyemezo cy urukiko koko gitesha agaciro iryo rage.nubwo kitahaba kandi ntimukirengagize imyitwarire y abantu mwavukiyemo kuko tuzi twese abagabo cg abagore bashakanye muri ubwo buryo ibibazo by imitungo bateza bashingiye k ugukundwakaza.Gitifu nkugire inama:Fungura iyo nzu ureke abo bana babone aho bakinga umusaya kugeza igihe Rose azazanira icyemezo cy urukiko kivanaho icyambere.nutabikora uraba ubogamye kandi ntabwo mbikuziho.

nadia Kuya 23-05-2018

nihatari

nadia Kuya 23-05-2018

nihatari

gakuba Kuya 23-05-2018

kugeza ubu njye nibaza niba ntaho inzego zigongana icyemezo cyu rukiko rwikirenga kivanwa ho na gitifu wu murenge!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...