konka coffee
KONKA

AMAKURU

UKWEZI
ubumwe

Kigali: Umugabo yafatanywe ibihumbi bitandatu by’amadorali n’amayero y’amiganano

Kigali: Umugabo yafatanywe ibihumbi bitandatu by’amadorali n’amayero y’amiganano
17-11-2018 saa 11:20' | By Vincent Nsengiyumva | Yasomwe n'abantu 1115 | Ibitekerezo 1

Polisi y’u Rwanda ikorera mu karere ka Gasabo mu murenge wa Rusororo yafashe umugabo bakunze kwita Ibrahim, afite amayero agera ku bihumbi 3 450 n’amadorali ibihumbi bitatu yose y’amiganano.

Umuvugizi wa Polisi mu mujyi wa Kigali CIP Emmanuel Kayigi yavuze ko uwafashwe yari kumwe na bagenzi be bane, ariko bo bashoboye gucika. Bafashwe ku wa Kane tariki 15 Ugushyingo, barimo kuvunjira umuturage bamusanze mu isanteri ya Kabuga.

CIP Kayigi yagize ati “Umuturage yagize amakenga y’amafaranga agiye guhabwa n’abo bantu ahita abimenyesha Polisi ya Rusororo, ayibwira aho bari buhurire bagiye kuyamuha.”

Yakomeje avuga ko uwo mugore n’abagombaga kumuha amafaranga bamaze kugera i Kabuga bagize ubwoba bamusaba kuhava bakajya mu mu gasanteri ka Rugende bakaba ariho bayamuhera, ariko hakaba hari abapolisi barimo kubacungira hafi.

Bamaze kugera i Rugende bakuye amafaranga mu gikapu ngo bayahe wa muturage, Polisi ihita ifata uwo mugabo wari ufite igikapu cyarimo ayo mafaranga abandi bane bariruka baracika.

CIP Kayigi yaboneho gukangurira abanyarwanda n’abandi baturarwanda kwirinda abantu babashuka ko bashaka kubavunjira, ahubwo bakajya bagana abantu bemewe n’amategeko bakora akazi ko kuvunja amafaranga.

Yakomeje aburira abatekamutwe bagifite umuco mubi wo kwiba abantu bavuga ko bagiye kubavunjira naho bashaka kubiba.

Yagize ati “Bariya bantu nta mwanya bagifite muri iki gihugu,ubu twatangiye ibikorwa byo gufata abatekamutwe bose bavuga ko bavunjira abantu, amayeri yose bakoresha twarayamenye.”

Uwo mugabo akimara gufatwa yiyemereye ko ayo mafaranga bari bafite ari amahimbano usibye inoti imwe y’amadoli yarimo nzima. Polisi yahise imushyikiriza Urwego rw’igihugu rushinzwe ubugenzacyaha kugira ngo hakorwe iperereza.


INKURU ZA :
Tanga Igitekerezo
Ibitekerezo 1
mazina Kuya 17-11-2018

Abantu bakoresha uburyo bushoboka bwose ngo bakire.Ntibatinya no kwicana cyangwa gusambana.Za coup d’état ziba zigamije gukira vuba.Igitangaje nuko Imana itubuza kugirira nabi abandi bantu.Ariko abantu ntabwo bashaka kumva imana.Ikibabaje nuko batazi ko Imana itakwemera ko bikomeza gutya.Nubwo abantu nyamwinshi batabyemera,imana yashyizeho "umunsi w’imperuka" nkuko Ibyakozwe 17:31 havuga.Kuli uwo munsi,izakura mu isi abantu bose bakora ibyo itubuza,isigaze gusa abantu bayumvira.Byisomere muli Imigani 2:21,22.Kuli uwo munsi uteye ubwoba cyane nkuko bible ivuga muli Yoweli 2:11,Imana izakuraho ubutegetsi bw’abantu nkuko Daniel 2:44 havuga.Izaha ubutegetsi bw’isi yose Yesu nkuko tubisoma mu Ibyahishuwe 11:15.
Hanyuma Yesu ahindure isi yose paradizo.Ibibazo byose biveho burundu,harimo ubukene,ubusaza,indwara n’urupfu.Soma Ibyahishuwe 21:4.Dushake imana mbere yuko uwo munsi uteye ubwoba uza.
Ni Imana ubwayo ibidusaba muli Zefaniya 2:3.Dukore kugirango tubeho,ariko dushake cyane imana,twe guheranwa n’ibyisi gusa,kuko abibera mu byisi gusa,Imana ibafata nk’abanzi bayo.Byisomere muli Yakobo 4:4.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...