konka coffee
KONKA

AMAKURU

UKWEZI

Kigali: Umugore yafatanwe abantu 26 barimo abamugaye n’abana akoresha akazi ko gusabiriza

Kigali: Umugore yafatanwe abantu 26 barimo abamugaye n’abana  akoresha akazi ko gusabiriza
12-12-2018 saa 14:42' | By Vincent Nsengiyumva | Yasomwe n'abantu 3887 | Ibitekerezo 3

Umugore witwa Uwishakiye Lidivine w’imyaka 44 mu gitondo cyo kuri uyu wa Gatatu tariki ya 12 Ukuboza 2018, yafatanwe abantu 26 barimo abafite ubumuga butandukanye ndetse n’abana, bikaba bikekwa ko yabakoreshaga akazi ko gusabiriza muri Kigali.

Uwishakiye Lidivine wafatiwe mu Murenge wa Kigali mu Karere ka Nyarugenge ari naho yari acumbitse hamwe n’aba bose yakoreshaga, akomoka mu Karere ka Ngororero, Umurenge wa Ndaro, Akagali ka Bijyojyo.

Yafashwe ahagana saa kumi n’ebyiri z’igitondo cyo kuri uyu wa Gatatu n’abanyerondo b’Umwuga, nyuma yo kumutahuraho ko acumbikiye abafite ubumuga akoresha akazi ko gusabiriza.

Umunyamabanga Nshingwabikorwa w’Umurenge wa Kigali, Rutubuka Emmanuel yahamirije Ukwezi.rw itabwa muri yombi rya Uwishakiye Lidivine, avuga ko yashyikirijwe RIB kugira ngo ikurikirane niba koko yakoreshaga bariya bantu akazi ko gusabiriza.

Gitifi Rutubuka yavuze ko muri aba basanzwe kwa Uwishakiye, 24 muri bo ndetse nawe ubwe bose baturuka mu murenge wa Ndaro muri Ngororero, bikaba bigaragaza ko yabazanye afite gahunda yo kubakoresha.

Yagize ati “ Twahawe amakuru n’abaturage, tujya kureba dusanga afite abantu 27 nawe arimo. Harimo abafite ubumuga butandukanye ndetse n’abana. Bose bava mu murenge wa Ndaro mu Karere ka Ngororero uretse abana babiri bakomoka mu Karere ka Muhanga.”
Muri aba basanzwe mu rugo rwa Uwishakiye, harimo bane (4) bafite ubumuga bwo kutabona, batatu (3) bafite ubumuga bw’ingingo, abana 14 n’abandi 3 b’abasore.

Gitifu akomeza avuga ko amakuru bahawe n’abo baganiriye bababwiye ko abana bagenda bazengurutsa aba bafite ubumuga muri Kigali basabiriza, amafaranga babonye bakayashyira Uwishakiye maze akabatunga.

Yagize ati “Ashobora kuba yaragiye azana umwe umwe, bigaragara ko ari ibintu yagize ubucuruzi.”

Uyu mugore ukekwaho gukoresha abafite ubumuga bakora akazi ko gusabiriza, yari abacumbikiye mu Kagali ka Nyabugogo mu Murenge wa Kigali mu Karere ka Nyarugenge.


INKURU ZA :
Tanga Igitekerezo
Ibitekerezo 3
Kabebe Kuya 14-12-2018

Aha ntimurabona uyu yihangiye akazi kndi ubu yamaze gukuramo aye.

kayitare Kuya 13-12-2018

harya ibi byo bihanwa nirihe tegeko ko uwagurishije abantu abihanirwa uwabakpresheje basaba ahanishwa iki?

dada Kuya 12-12-2018

Ubwo nyine nawe yihangiye umurimo hmmmm

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...