AMAKURU

UKWEZI
ubumwe

Kigali: Umuryango w’abantu batandatu umaze igihe kinini uba muri shitingi

Kigali: Umuryango w’abantu batandatu umaze igihe kinini uba muri shitingi
25-07-2019 saa 17:24' | By UKWEZI | Yasomwe n'abantu 1922 | Ibitekerezo 2

Umuryango w’abantu batandatu barimo umukecuru ufite abakobwa batatu nabo babyariye mu rugo umaze igihe kigera ku mezi arindwi utuye muri shitingi nyuma yo gusenyerwa inzu babagamo bakameneshwa n’abo mu muryango wabo.

Uyu muryango wa Bizimungu Antoine bivugwa ko yapfuye agasiga umugore n’abana batatu, utuye mu Mudugudu wa Kabagendwa, Akagari ka Kamashashi mu Murenge wa Nyarugunga, akarere ka Kicukiro, Umujyi wa Kigali.

Basohowe mu nzu babagamo ndetse ihita isenywa n’abo mu muryango wabo banagurisha itongo ariko uyu muryango wa Bizimungu kuri ubu uhagarariwe na Mukeshimana Vestine [Umukobwa we] wanga kuhava uhitamo kubakisha inteba shitingi kuko ntaho kuba handi bari bafite.

Kuri ubu uyu muryango utuye muri shitingi kuva muri Mutarama uyu mwaka, ni mu mitungo ya Se wa Mukeshimana Vestine [Uyu niwe mukuru w’uyu muryango uba muri shitingi].

Se wa Bizimana yaje kwitaba Imana asiga imitungo yari kugabanywa abana barindwi yabyaye ariko ngo ntabwo ariko byaje kugenda kuko imitungo yagabanyijwe batandatu bonyine umuryango wa Bizimana uburizwamo.

Bitabaje inkiko
Imibereho y’umuryango w’abantu batandatu batuye muri shitingi iteye inkeke

Mu kiganiro yagiranye na Flash TV, Mukeshimana yavuze ko Se umubyara yapfuye ariko ari mu bana barindwi bagombaga kugabanywa imitungo y’umubyeyi we [Sekuru wa Mukeshimana].

Yakomeje avuga ko iyi mitungo yahawe Mukantwari Beatha uvukana na Bizimana ngo abe ariwe uyicunga.

Mukantwari yaje kugurisha imutingo, ajyanwa mu Rukiko rwahise rutesha agaciro amasezerano y’ubugure ahita ajurira mu Rukiko Rukuru.

Mukeshimana n’abo mu muryango we baje gusabwa n’urukiko kugaragaza ibyangombwa by’uko Se [Bizimana] yazimiye, ibintu byabasabye kujya mu rukiko kuburanira icyemezo cy’uko umubyeyi wabo yapfuye nyuma baza kugihabwa.

Yakomeje agira ati “Kubera ko twari tudafite ibyangombwa byerekana ko Papa yapfuye cyangwa yazimiye , twagiye ku Murenge batubwira ko twakwitabaza inkiko, twagiye kukiregera nyuma hashize imyaka ibiri Urukiko ruza kwemeza ko Papa yazimiye.”

Yakomeje agira ati “Twagiye mu Rukiko rw’Ikirenga dusanga urubanza rugeze hagati, rugaragaza inzitizi z’uko Urukiko rudafite ububasha bwo kuburanisha iki kirego kuko umutungo waburanwaga ufite agaciro ka miliyoni 30Frw zitageze kuri miliyoni 50Frw.”

Ikibazo ni gishya mu matwi y’ubuyobozi

Mukamana yavuze ko babayeho mu buzima bushaririye kuko batuye muri shitingi bubatse bakoresheje intebe n’amashashi ndetse n’iyi imvura igiye ngo irabanyagira.

Ati “Iyi nzu ni amabati, shitingi n’amashashi twahawe n’abagiraneza babiduhaye, iyo imvura igiye ni nko hanze turanyagirwa badusenyeye mu kwezi kwa Mbere ku buryo imvura yo mu kwa Gatanu yose yaducikiyeho.”

Yakomeje agita ati “Imvura yaragwaga tukajyana abana kubugamisha mu baturanyi ariko twe tugakomeza kunyagirwa. Twe twifuzaga guhabwa umugabane wa papa, tukawucunga tuwurimo byazaba ngombwa ko yapfuye tukamuzungura.”

Uyu muryango ushimangira ko ikibazo cyabo cyagejejwe mu nzego zitandukanye ariko nk’uko bitangazwa n’Umuyobozi w’akarere ka Kicukiro, Dr Nyirahabimana Jeanne ngo nk’ubuyobozi nta makuru bagifiteho ariko bagiye gukurikirana bakamenya uko ikibazo giteye.

Yagize ati “Icyo kibazo ntabwo nkizi ubwo nakurikirana nkamenya ibyo aribyo, ndabanza menye uwo muntu wubakishije intebe kuko ntabwo tumuzi nta raporo twigeze duhabwa y’icyo kibazo ariko turakurikirana menye ibyo aribyo.”

Abagize uyu muryango batangaza ko bamaze kwitabaza imiryango irengera uburenganzira bwa muntu n’abatishoboye kugira ngo bahabwe ubufasha mu bijyanye n’amategeko ndetse biteganyijwe ko muri Kanama 2019, bazatangira kuburana.

Amafoto: Ntambara Garleon


INKURU ZA :
Tanga Igitekerezo
Ibitekerezo 2
nirere Marie chantal Kuya 26-07-2019

Mufa uwomuryango

vincent Kuya 25-07-2019

uyu muryango ubuyobozi bukurikirane ikibazo cyabo ukuri kumenyekane.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...