AMAKURU

UKWEZI
ubumwe

Kiliziya Gatolika yahakaniye abasaba ko abihayimana bakoze Jenoside bakwirukanwa

Kiliziya Gatolika yahakaniye abasaba ko abihayimana  bakoze Jenoside bakwirukanwa
21-05-2019 saa 13:04' | By Nsanzimana Ernest | Yasomwe n'abantu 2464 | Ibitekerezo 2

Komisiyo y’ Igihugu yo kurwanya Jenoside isanga Umupadiri n’ Umubikira bahamijwe uruhare muri Jenoside yakorewe Abatutsi badakwiye gukomeza iyi mirimo nyuma yo kurangiza igihano.

Dr Jean Damascene Bizimana, Umunyamabanga Nshingwabikorwa wa CNLG, avuga ko hari ingero z’ abihaye Imana barangije igihano nyuma yo guhamwa n’ icyaha cya Jenoside, ubu basubiye mu mirimo yabo.

Abo ngo barimo Padiri Denys Sekamana warangije igihano cy’imyaka 15 akaba yaragarutse ari muri Diosezi ya Butare ndetse n’abandi Bapadiri babiri b’i Cyangugu barangije ibihano by’imyaka 20 ubu bakaba baragarutse mu mirimo yabo.

Dr Bizimana yibaza ukuntu umukirisitu wagiye mu migenzo yo kubandwa kiliziya yamuca ariko uwakoze Jenoside yakorewe abatutsi ikamureka.

Ati “Ni ikintu gikomeye tugomba kuzakomeza kuganiraho nk’inzego kugira ngo Kiliziya Gaturika yumve uburemere bwa Jenoside”.

Uretse abo bapadiri, Dr. Bizimana avuga ko rw’Umubikira witwa Soeur Jertulde wayoboraga ikigo cy’ababikira cya Sovu muri Diyosezi ya Butare na Mugenzi we Soeur Kizito bakoranaga bahamwe n’ibyaha bya Jenoside yakorewe Abatutsi bari barahungiye i Sovu mu cyahoze ari Komine Huye.

Dr. Bizimana avuga ko abo babikira bahamwe n’ibyaha byo kwica Abatutsi bari bahungiye mu kigo cya Sovu, n’abatwikiwe ku ivuriro riri hafi y’icyo kigo batwikishijwe risanzi ku itariki 06 Gicurasi 1994.

Yagize ati “Dufite ikibazo gikomeye, kuko abapadiri n’ababikira bahamwe n’ibyaha bya Jenoside barangiza ibihano bagasubira mu mirimo yabo. Abo babikira umwe yahanishijwe igihano cy’imyaka 15 undi icy’imyaka 12 y’igifungo, ubu barabirangije basubiye mu bigo by’ababikira mu Bubirigi bari gusenga”.

Umushumba wa Diyosezi ya Butare akaba n’Umuyobozi w’Inama nkuru y’Abepisikopi mu Rwanda Musenyeri Philippe Rukamba we asanga Kiliziya nta kundi yagenza abo Bapadiri n’Ababikira kuko nta mategeko abiteganya.

Mgr Rukamba avuga ko kubirukana bidashoboka cyakora ngo hari ububasha batemerewe nko gutura ibitambo rusange bya Misa cyangwa kuba umuyobozi wa za Paruwasi.

Nk’ uko byatangajwe na Kigali Today, Mgr Rukamba yagize ati “Sinzi uko yenda bo babyumva ariko twe dusanga nta kundi twabigenza kuko ntabwo twabirukana, tubaha indi mirimo nk’iyo gukora mu biro, icyo tutabemerera ni nko kubaha uburenganzira bwo kwita ku bantu nko kuyobora za Paruwasi cyangwa kungiriza abayobozi bazo.”

Mgr Rukamba avuga ko soeur Jertulde na Kizito bararangije ibihano bagasubira mu mirimo mu Bubiligi, nabo hari imirimo batemerewe gukora ariko ntabwo basabirwa kwirukanwa kuko ngo hari ibyo ibigo byabo mu Bubiligi bibakoresha kandi bitirengagije ko bakoze Jenoside.


INKURU ZA :
Tanga Igitekerezo
Ibitekerezo 2
Mukankomeje Kuya 22-05-2019

None se ntibahaniwe ibyaha bakoze? Kuki se bakomeza kubibarwaho? No no no, ubutabera ntacyo bwaba buvuze

SUGUMAR Kuya 21-05-2019

Kuri uwo muyobozi yumva uwasoje igihano yaba imbwa ntagire icyo yimarira?

Ahubwo uwarangije igihano numva aba akwiye gupiganira akazi nkabandi bantu bose kuko niba 6 mois umuntu atajya mukazi ka Leta bivuze ko ari uguhanwa bya burundu sinzi niba hari ahandi biba

Usoje igihano akwiye kuba agisoje bareke ingengabitekerezo zabo. Niba barasanze ibyaha bihuye na 20 ans ubwo koko yumva bidahagije

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...