konka coffee
KONKA

AMAKURU

UKWEZI

Kinyinya: Urubyiruko rwa FPR Inkotanyi mu rugamba rwo guca ibiyobyabwenge n’inda zitateguwe

Kinyinya: Urubyiruko rwa FPR Inkotanyi mu rugamba rwo guca ibiyobyabwenge n’inda zitateguwe
1-10-2018 saa 11:38' | By Vincent Nsengiyumva | Yasomwe n'abantu 569 | Ibitekerezo

Urugaga rw’urubyiruko rushamikiye kuri FPR Inkotanyi rwo mu Kagari ka Murama mu Murenge wa Kinyinya mu Karere ka Gasabo ruvuga ko rurajwe ishinga no guhashya ibiyobyabwenge bikirangwa mu kagali kabo ndetse n’ikibazo cy’inda zitateganyijwe ziterwa abangavu.

Ibi uru rubyiruko rwabigarutseho, ubwo rwari mu Nteko rusange iba rimwe mu myaka ibiri, barebera hamwe ibyo bagezeho, ndetse bakanareba ahakiri ibibazo bagafatira hamwe ingamba zo kubihashya.

Muri iyi nteko rusange , urubyiruko rushamikiye kuri FPR Inkotanyi rwagaragaje ko ruri ku isonga mu murenge wa Kinyinya, aho ruherutse kwegukana igihembo cy’urubyiruko rwagaragaje ibikorwa by’indashyikirwa muri uyu murenge.

Gusa n’ubwo bagaragaza ko hari ibikorwa byinshi by’iterambere urubyiruko rugenda rukora muri aka kagali, ngo ntibarenza ingohe bimwe mu bibazo bicyugarije bamwe muri bagenzi babo birimo gukoresha no gucuruza ibiyobyabwenge ndetse na bamwe mu bangavu bagenzi babo baterwa inda zitateganyijwe.

Dusangumuhire Sandrine umwe mu rubyiruko rwa FPR Inkotanyi mu kagali ka Murama avuga ko bagerageje kwihuriza hamwe nk’urubyiruko bakora amakoperative n’andi matsinda abafasha kwiteza imbere bafatanyije.

Akomeza avuga ko n’ubwo bageragezza gukora ibishoboka ngo bishyire hamwe bakore biteze imbere, ngo ntihabura bamwe bakigaragara mu ngeso mbi zirimo kunywa no gucuruza ibiyobyabwenge n’ubusambanyi, gusa ngo bagerageza kubegera bakabagira inama ubu bamwe bakaba baratangiye kubireka.

Ati“ Hari abo tumaze gukura mu ngeso mbi, nk’ibiyobyabwenge n’ubusambanyi. Kuba hari abo twakuye mu ngeso mbi, ubu tukaba turi kumwe dufatanya kubaka igihugu no kwiteza imbere biri mu byaduhesheje umwanya wa mbere.”

Umuyobozi w’urugaga rw’urubyiruko rushamikiye kuri FPR Inkotanyi rwo mu kagari ka Murama, Ndayisenga Jean Claude avuga ko batangiye gukorana n’inzego z’umutekano guhashya ibiyobyabwenge, hakorwa ubukangurambaga n’ibindi.

Akomeza avuga ko banafite gahunda yo kurwanya inda zitateganyijwe ku bana b’abangavu, aho bafite imikoranire n’ikigo nderabuzima kibafasha kuganiriza urubyiruko ku buryo bw’imyororokere.

Umuyobozi w’urugaga rw’urubyiruko rushamikiye kuri FPR Inkotanyi rwo mu kagari ka Murama, Ndayisenga Jean Claude

Umuyobozi w’urugaga rw’urubyiruko rushamikiye ku muryango wa FPR Inkotanyi kku rwego rw’Akarere ka Gasabo, Hakizimana Emmanuel, avuga ko n’ubwo urubyiruko rukataje mu bikorwa by’iterambere, ngo haracyari ikibazo cya bamwe bijanditse mu biyobwabwenge, gusa ngo nk’ubuyobozi bwaragihagurukiye.

Yagize ati “ Ikibazo kiduhangayikishije ariko dukomeza kureba uko cyakemuka, ni ikibazo kijyanye n’ibiyobyabwenge mu rubyiruko.”

Avuga ko inzego zitandukanye zagihagurukiye ku buryo hari icyizere cy’uko kizagabanya ubukana bitewe n’imbaraga ndetse n’ingamba zikarishye zagifatiwe.

Urubyiruko rwibumbiye mu rugaga rwa FPR Inkotanyi mu Kagali ka Murama rwari rwabukereye


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...