AMAKURU

UKWEZI
ubumwe

Kwibuka25: RIB yakiriye ibirego by’ ingengabitekerezo ya Jenoside bingana n’ ibyo muri 2018

Kwibuka25: RIB yakiriye ibirego by’ ingengabitekerezo ya Jenoside bingana n’ ibyo muri 2018
15-04-2019 saa 12:51' | By Nsanzimana Ernest | Yasomwe n'abantu 1291 | Ibitekerezo

Urwego rw’ Igihugu rw’ Ubugenzacyaha RIB rwatangaje ko mu cyumweru cy’ icyumano cyasojwe ku wa Gatandatu tariki 13 Mata rwataye muri yombi abantu 69 bakurikiranyweho icyaha cy’ ingengabitekerezo ya Jenoside n’ ibyaha bifitanye isano nayo.

Abatawe muri yombi bakurikiranyweho ibyaha birimo kwangiza imyaka y’ abarokotse Jenoside yakorewe abatutsi, kugirira nabi amatungo yabo, amagambo y’ ingengabitekerezo ya Jenoside , Kugoreka amateka ya Jenoside yakorewe abatutsi no Gupfobya Jenoside yakorewe abatutsi.

Mbabazi Modetse, Umuvugizi wa RIB yabwiye RBA ko mu cyumweru cyo kunamira ku nshuro ya 25 Jenoside yakorewe abatutsi RIB yakiriye ibirego 72 by’ ingengabitekerezo ya Jenoside n’ ibyaha bifitanye isano nayo.

Mbabazi Modeste yakomeje avuga ko uretse abantu 69 bamaze gutabwa muri yombi , ngo hari n’ abandi bagishakishwa.

Mu mwaka wa 2017 hari hagaragaye ibirego 114 by’ ingengabitekerezo ya Jenoside n’ ibyaha bifitanye isano nayo, muri 2018 hagaragaye ibirego 72 bingana n’ ibyagaragaye muri 2019.

Mbabazi Modeste avuga ko nubwo ibirego yakiriye byongeye kuba 72, ngo iyo basesenguye basanga ibyaha by’ ingengabitekerezo byaragabanutse kuko uburyo bwo kubigeza kuri RIB bworohejwe ugereranije na mbere. Ubu abantu basigaye batanga amakuru ku byaha by’ ingengabitekerezo ya Jenoside bahamagaye kuri telefone, bakoresheje imbuga nkoranyambaga cyangwa bagiye ku sitasiyo za RIB hirya no hino mu gihugu.

Icyumweru cy’ icyunamo cyasojwe ku wa Gatandatu tariki 13 Mata 2019, ariko ibikorwa byo kwibuka birakomeje birazamara iminsi 100 ingana n’ iyo abantu bamaze bicwa uhereye mu kwezi kwa kane kugera mu kwezi kwa 7 mu 1994.

Urwego rw’ Igihugu rw’ Ubugenzacyaha RIB rusaba Abanyarwanda kwitwararira bakibuka biyubaka kandi mu ituze, bakabana neza mu mahoro.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...