AMAKURU

UKWEZI
cheno 2020

Kwibuka26: Arsenal yifatanyije n’Abanyarwanda, David Luiz ati ‘turi mu muryango umwe’

Kwibuka26: Arsenal yifatanyije n’Abanyarwanda, David Luiz ati ‘turi mu muryango umwe’
9-04-2020 saa 08:17' | By Nsanzimana Ernest | Yasomwe n'abantu 1214 | Ibitekerezo

Muri iki gihe Abanyarwanda bibuka ku nshuro ya 26 Jenoside yakorewe abatutsi, ikipe ya Arsenal yifatanyije nabo muri ibi bihe bitoroshye.

Mu mashusho banyujijemo ubutumwa bwabo ari ku mbuga nkoranyambaga, David Luiz, umwe mu bakinnyi ba arsenal, uherutse mu Rwanda David wanasuye urwibutso Jenoside yakorewe abatutsi rwa Kigali ku Gisozi yavuze ko gusura uru rwibutso byamufashije kumva neza amateka y’u Rwanda.

Yagize ati “Nsuhuje inshuti n’umuryango wanjye uri mu Rwanda, nifatanyije namwe mu kwibuka jenoside yakorewe abatutsi. Ndibwira ko ari umwihariko kuri njye kumva byinshi ku gihugu n’amateka yacyo kuko nagiye ku rwibutso rwa jenoside”.

Yongeyeho ati “Turi kumwe iteka ryose, buri wese wo muri arsenal arabasengera, kuko turi mu muryango umwe. Imana ibahe umugisha, kandi twubaha iyi minsi iteka ryose”

Mugenzi we bakinana witwa Reiss Nelson yashimiye u Rwanda umurava no kwiyemeza(courage and determination).

Umukinnyi w’imyuma wa arsenal, Pablo Mari mu butumwa yatanze bwo kwifatanya n’abanyarwanda mu kwibuka yagize ati “Turazirikana imbaraga zanyu n’ubumwe”.

Alexandre Lacazette ati “Nk’arsenal dutewe ishema no kuba umufatanyabikorwa w’u Rwanda, nk’abahamya b’impinduka zidasanzwe”.


David Luiz, nyina na fiancee we basuye urwibuka rwa jenoside rwa Kigali mu mezi 6 ashize


Alexandre Lacazette arashima impinduka zidasanzwe u Rwanda rumaze kugeraho nyuma ya jenoside

Pablo Marie nawe yifatanyije n’abanyarwanda muri ibi bihe byo kwibuka


Reiss Nelson yacyeje umurava no gukomera kw’abanyarwanda

Muri iki gihe abanyarwanda bibuka ku nshuro ya 26 Jenoside yakorewe abatutsi, birakorwa mu buryo budasanzwe kubera ko guhurira hamwe ngo bahumurizanye bidashoboka kubera icyorezo cya coronavirus.

Jenoside yakorewe abatutsi yakoranywe ubugome ndengakamere ihitana abatutsi barenga miliyoni mu minsi 100 gusa.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...