konka coffee
KONKA

AMAKURU

UKWEZI
Minijust

MINEDUC yafashe ingamba 7 zidasanzwe zigamije kuzamura ireme ry’ uburezi

MINEDUC yafashe ingamba 7 zidasanzwe zigamije kuzamura ireme ry’ uburezi
6-02-2019 saa 07:51' | By Nsanzimana Ernest | Yasomwe n'abantu 4241 | Ibitekerezo 8

Minisiteri y’Uburezi yashyizeho ingamba zo kunoza ireme ry’ uburezi zirimo gufasha mwarimu kubaho neza kongera amabazwa n’ ibindi. Izi ngamba zatangajwe mu Nama y’Abaminisitiri Idasanzwe yayobowe na Nyakubahwa Perezida wa Repubulika y’ U Rwanda Paul Kagame ku wa 28 Mutarama 2019.

Inyongera ya 10% ku mushahara w’abarimu bo mu mashuri abanza
n’ayisumbuye

Abarimu bo mu mashuri abanza n’ayisumbuye ya Leta n’afatanya na
Leta kubw’amasezerano, bazahabwa inyongera ya 10% ku mushahara, bikazatangira
gukurikizwa guhera muri Werurwe 2019. Iyi nyongera ije yiyongera ku bindi
bisanzwe bikorerwa abarimu birimo "Umwalimu Sacco", Amacumbi y’abarimu,
Girinka Mwarimu, hagamijwe kurushaho kubateza imbere, kubakundisha umwuga
w’ubwarimu, no kubashishikariza kuwukora neza. Guverinoma y’u Rwanda yitaye
cyane ku mibereho myiza ya mwarimu nka kimwe mu by’ingenzi bimufasha kunoza
akazi ke.

Guteza imbere umwuga w’ubwarimu

Mu rwego rwo kuzamura ubushobozi bw’abarimu no kubagira abanyamwuga, hashyizweho gahunda yo gushyira abarimu mu byiciro hagendewe ku burambe mu kazi, ku mikorere myiza ku buryo buhoraho, guhanga udushya, no gukomeza gutera imbere mu mwuga w’ubwarimu (Abarimu bato, Abarimu bakuru, n’Abarimu b’inzobere). Kimwe nk’amasomo ya Siyance. Ikoranabuhanga, Engineering n’Imibare (STEM) ; amasomo nderabarezi muri Kaminuza n’amashuri makuru nayo yashyizwe imbere muyo Leta izajya iha buruse itishyurwa n’amafaranga atunga umunyeshuri.
Uku guteza imbere umwuga w’ubwarimu bitangirana no kugabanyirizwa amafaranga
y’ishuri yishyurwa mu ishuri ryisumbuye nderabarezi (TTC), hamwe n’ivugururwa
ry’integanyanyigisho ifasha abarangije kwiga mu nderabarezi gukomeza mu mashuri
makuru na Kaminuza. Uzajya arangiza mu nderabarezi akigisha imyaka itatu (3) mu
mashuri abanza, azajya yemererwa buruse itishyurwa n’amafaranga atunga
umunyeshuri byo gukomeza mu cyiciro cya kabiri cya Kaminuza (Bachelors) mu
ishami ry’Uburezi, naho uzajya arangiza muri Kaminuza mu ishami ry’uburezi,
akigisha imyaka itanu (5) mu mashuri yisumbuye, azajya yemererwa buruse
itishyurwa n’amafaranga atunga umunyeshuri byo gukomeza mu cyiciro cya gatatu
cya Kaminuza (Masters) mu ishami ry’Uburezi.
Kongerera ubushobozi amashuri y’inderabarezi n’amashuri
y’imenyerezamwuga wo kwigisha

Ministeri y’Uburezi yashyizeho gahunda yo kongerera ubushobozi amashuri y’inderabarezi (TTCs) n’amashuri y’imenyerezamwuga wo kwigisha (Demonstration schools), aho abarimu bimenyereza umwuga batangirira kwitoza kwigisha. Integanyanyigisho ivuguruye y’aya mashuri, izafasha abayarangijemo kugira ubushobozi bwo kuba abarimu babishoboye kandi b’umwuga bashobora gukomeza amasomo yabo ku byiciro byisumbuye no gupigana ku isoko ry’umurimo wo kwigisha.
Byongeye kandi, Amashuri y‘inderabarezi azashyigikirwa binyuze mu kuyatera
inkunga yo kugaburira abanyeshuri, anahabwe amafaranga agenewe guteza imbere
ibigo by’amashuri mu rwego rwo kuyongerera ibikorwaremezo, abakozi babishoboye
n’umutungo byo kubafasha kurangiza inshingano z’ishuri. Amashuri
y’imenyerezamwuga nayo, azafashwa kugira ibikoresho bihagije, n’abarimu
babishoboye kugira ngo ashobore gufasha abanyeshuri bitoza umwuga w’ubwarimu
kuwimenyereza mu buryo bukwiye.

Isuzumabumenyi rusange

Mu mpera z’igihembwe cya mbere n’icya kabiri,
abanyeshuri bo byiciro byose (kuva mu mwaka wa mbere w’amashuri abanza kugera
mu mwaka wa gatandatu w’amashuri yisumbuye) bazajya bakora isuzumabumenyi ku
rwego rw’akarere, rwateguwe kandi rigatangwa n’akarere kabifashijwemo n’Ikigo
cy’Igihugu gishinzwe guteza imbere Uburezi (REB) mu gutanga isuzumabumenyi
rifite ireme. Isuzumabumenyi rya buri mwaka rizajya ritegurwa n’Ikigo cy’Igihugu
gishinzwe guteza imbere Uburezi (REB) mu mpera z’umwaka mu gihe abanyeshyuri
bo mu byiciro byose bakoreraga ibizamini bisoza umwaka bisoza umwaka usibye abo
muri P6, S3 na S6 baba bagomba gukora ibizamini bya Leta.

Isuzumabumenyi mu rurimi rw’icyongereza

Mu rwego rwo guteza imbere imikoreshereze y’ururimi rw’Icyongereza mu myigire n’imyigishirize, abarimu bo mu cyiciro cya kabiri cy’amashuri abanza, abo mu mashuri yisumbuye n’abarimu bo muri Kaminuza bazajya bakora isuzumabumenyi ry’ururimi rw’icyongereza. Iri suzumabumenyi riri ku rwego mpuzamahanga, rizajya ritangwa n’Ikigo kibizobereyemo, rizajya rikorwa hagamijwe kumenya ubushobozi bw’umwarimu mu gukoresha urwo rurimi mu kwigisha, kumuha ubufasha bukwiye, no
kumushishikariza gukomeza kurwiyigisha. Biteganyijwe ko abarimu bazarushaho
kuzamura ubushobozi bwabo mu gukoresha ururimi rw’Icyongereza, kugera ku
rugero rukenewe mu gihe cy’imyaka itatu.

Isuzumabumenyi mu rurimi rw’Icyongereza ku banyeshuri n’abanyeshuri.

Ariko abanyeshuri bo mu cyiciro rusange cy’amashuri yisumbuye ntibategetswe
gukora iri suzumabumenyi kereka ababyifuza nibo bazajya barikora. Cyakora,
abanyeshuri bo mu cyiciro cya kabiri bo bategetswe gukora iryo suzumabumenyi
ry’icyongereza kugira ngo bemererwe kwinjira mu mashuri makuru na Kaminuza.
Abanyeshuri kandi bo mu mwaka wa nyuma wa Kaminuza basabwe gukora
isuzumabumenyi ry’icyongereza kugira ngo bemererwe guhabwa impamyabumenyi.

Imicungire ya mwarimu

Mu rwego rwo kunoza imitangire y’akazi n’ishyirwa mu
myanya ry’abarimu mu burezi bw’ibanze no mu mashuri y’imyuga n’ubumenyingiro,
havuguruwe uburyo bwo gushaka no gushyira abarimu mu kazi. Ubu buryo
buzashyirwa mu bikorwa na Minisiteri y’Uburezi, Minisiteri y’Abakozi ba Leta
n’Umurimo na Minisiteri y’Ubutegetsi bw’Igihugu, mu gihe ubusanzwe ibi
byakorwaga n’Uturere gusa. Nyuma yo gutsinda ikizamini cy’akazi ku rwego
rw’Igihugu, abarimu bose bakazajya bashyirwa ku rutonde rw’abatsinze ruzaba rufite
agaciro k’imyaka ibiri. Uru rutonde ruzajya rwifashishwa mu gushyira abarimu mu
myanya y’akazi hashingiwe ku manota bagize n’Uturere dutatu bahisemo aho
bazakorera.

Abagenzuzi b’Uburezi ku rwego rw’Umurenge (bahoze bitwa Abakozi bashinzwe
uburezi mu Murenge) bazajya batanga raporo ku Ishami rishinzwe kwita ku Ireme
ry’Uburezi no mu Turere. Minisiteri y’Uburezi n’Uturere bizakorana mu rwego rwo
gutanga akazi ku bakozi bo mu rwego rw’uburezi, kubashyira mu myanya,
gukurikirana imikorere yabo, kubaha amashimwe y’akazi, kubagenzura no gutanga
ibihano byo mu rwego rw’akazi kuva ku rwego rw’Akarere kugera ku rwego
rw’ishuri (Umuyobozi w’Uburezi mu Karere, Ushinzwe uburezi mu Karere,
Ushinzwe uburezi mu Murenge, Abayobozi b’amashuri n’abarimu), ariko imicugire
ya buri munsi y’amashuri n’abarimu bizakomeza kuba inshingano z’Uturere.
Minisiteri y’Uburezi ku bufatanye n’Uturere bazajya basuzuzuma ubushobozi
bw’abarimu mu kugaragaza ubumenyi no gufata ibyemezo.

Ingengabihe y’amashuri

Mu rwego rwo kunoza imyigire n’imyigishirize no
kugabanya igihe abanyeshuri barangije amashuri yisumbuye bategerezaga kugira ngo
bajye muri kaminuza, ingengabihe y’amashuri izahinduka. Umwaka w’amashuri
uzajya utangira muri Nzeri aho kuba muri Mutarama. Izi mpinduka zizagerwaho mu
gihe cy’imyaka ine uhereye muri 2019 ukageza 2022.


INKURU ZA :
Tanga Igitekerezo
Ibitekerezo 8
mwarimu Kuya 7-02-2019

Ubundi system yo kwiga rimwe p5 muzi ihohoterwa ririmo ? Kwicara hasi,abana 115 mucyumba,mwarangiza ngo ireme ry,uburezi!!!

padiri Kuya 6-02-2019

Ikindi kigomba gukorwa nuko bakagombye kureba uburyo umuntu yakongera agasibizwa,aramutse atagize 50%.Ibaze kwimura umwana ufite 20% ari nko mu wa gatatu atazi inyuguti,cg ibihekane ukamwohereza murindi shuri,umwana akomeza kwimuka nta bumenyi afite.Muri make bagarure gahunda,yo gusibiza,abana badafite ubushobozi buhagije aho kubimura.Ntanze igitekerezo nk’umuntu wigishije kandi wize iby’uburezi

padiri Kuya 6-02-2019

Ikindi kigomba gukorwa nuko bakagombye kureba uburyo umuntu yakongera agasibizwa,aramutse atagize 50%.Ibaze kwimura umwana ufite 20% ari nko mu wa gatatu atazi inyuguti,cg ibihekane ukamwohereza murindi shuri,umwana akomeza kwimuka nta bumenyi afite.Muri make bagarure gahunda,yo gusibiza,abana badafite ubushobozi buhagije aho kubimura.Ntanze igitekerezo nk’umuntu wigishije kandi wize iby’uburezi

teacher Kuya 6-02-2019

ibi ni byiza rwose!ariko mbona ururimi rwicyongereza rukwiye kwigishwa muri combinaison zose mu rwego rwo gufasha umunyeshuri Ku rumenya naho ubundi usanga umwana wiga Meg naho yongera guhurira narwo aheruka arwiga ari senior 3

amani Kuya 6-02-2019

Muzibuke guhembera abalimu ku gihe,kuko guhemba umuntu hashize amezi abiri,uba ureba atunzwe n’iki koko?

boringo Kuya 6-02-2019

Ni byiza ko mukoresha isuzumabumenyi. Ariko ni iki muzaba mugamije nyakuri? Abanyeshuri batazatsinda bizabagiraho izihe ngaruka?
Mugerageze mugarure fair competition muri education. Habeho na rewarding system iri strategic otherwise ibi nta musaruro byagira uretse guhombya igihugu no guta umwanya.

Nyawera Kuya 6-02-2019

mutange indishyi z’akababaro ku bana bize nabi uko imyaka yakurikiranye kubera gahunda zikoze nabi kandi zitobangwa uko abantu bicuye, nyamara ababyeyi bishyura minerval???????

Etienne Kuya 6-02-2019

Rwose ibibintu ndabishimye ijana kwijama bizzatuma habaho gukora akazi ko kwigisha kinyamwuga kuko buri wese azaba ashaka gutera imbere yaba mukiciro ndetse no mubwenge yewe bizakuraho nubujiji bwari mubenyeshuri aho wasangaga barangiza batazi kwandika nibaruwa isaba akazi ireme ry’uburezi ryaje

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...