AMAKURU

UKWEZI
ubumwe

Me Gashabana wunganira abo muri FDU Inkingi ati ‘abemeye ibyaha bari batewe ubwoba’

Me Gashabana wunganira abo muri FDU Inkingi ati ‘abemeye ibyaha bari batewe ubwoba’
18-07-2019 saa 20:37' | By Nsanzimana Ernest | Yasomwe n'abantu 863 | Ibitekerezo 1

Mu iburanisha ryo kuri uyu wa Kane taliki ya 18 Nyakanga 2019 Abarwanashyaka ba FDU Inkingi bongeye kwisobanura mu rugereko rw’urukiko rukuru ruburanisha ibyaha byambukiranya imipaka, ubunganira mu mategeko asaba ko inyandiko ya bamwe mu baregwa bemeye ibyaha yateshwa agaciro kuko idakurikije amategeko.

Abaregwa uko uko ari 10 bose bari mu rukiko, 9 bari bambaye imyenda y’ iroza iranga abagororwa mu Rwanda, umwe muri bo yari wambaye imyenda isanzwe.

Umutekano wari wakajijwe cyane kuko abashinzwe umutekano bari mu rukiko imbere n’inyuma yarwo.

Mbere y’ uko iburanisha ry’ uyu munsi habanje guhamagarwa abaregwa mu mazina yabo. Aba barwanashyaba bose baregwa icyaha cyo gukorana n’imitwe y’iterabwoba, kugirira nabi ubutegtsi buriho no gushaka gushyiraho umutwe w’ingabo utemewe.

Me Gatera Gashabana wunganira abaregwa yahawe umwanya wo kugira icyo avuga ku birego byatanzwe n’ ubushinjacyaha, avuga ko ibirego by’ ubushinjacyaha ntashingiro bifite.

Ati "Icyaha ubushinjacyaha bwagaragaje ko baregwa gukorana n’imitwe y’iterabwoba itemewe ari nayo yaje kwibumbira hamwe ikitwa P5 igasinyana amasezerano igamije kugirira nabi ubutegetsi buriho, hariho imikono y’abayasinye ariko aba ndi kunganira ubu ntamukono wabo uriho”

Yasomye abashyizeho umukono agaragaza ko abo yunganira batari mu bashyize umukono kuri ayo masezerano.

Me Gashabana kandi yongeye kuvuga ko ubushinjacyaha buvuga ko ibyaha abo yunganira babikoreraga mu karere ka Muhanga no mu mujyi wa Kigali ariko ntibavuga agace nyakuri babikoreragamo.

Me Gashabana kandi yongeyeho ko mubyaha byose abo yunganira baregwa hari ibyongerewemo nyuma kuko icyo baregwaga mbere aricyo kugirira nabi ubutegetsi buriho ngo ibindi byaje nyuma.

Me Gashabana kandi yongeye gusaba ko hari ibyo abacamanza bakwiye gutesha agaciro birimo inyandiko yanditswe na bamwe mu baregwa bemera ibyaha.

Abo ni Ufitemahoro Norbert na Ndayishimye Papias. Me Gashama avuga ko iyo nyandiko mvugo itubahirije amategeko.

Ati “Bombi bafatiwe i Kamembe(Rusizi) bahita bapfukwa igitambaro mu maso bategekwa kwemera ibyaha babwirwa ko nibanga kwemera ibyaha ibihanga byabo bahita babijugunya muri Nyungwe, ibyo bikaba bigaragaza ko ari uburenganzira bwabo bwahonyowe kuko uwabahohoteye yanababwiye ko batagomba guhindura ibyo bavuze”.

Me Gashabana wafashe umwanya munini mu rukiko yasabye ko ibyo ubushinjacyaha bwagaragaje ko hari ibiganiro bagiranaga kuri telefone n’abagambanira igihugu ibyo yazabitangaho ibisobanuro ubutaha yabonye umwanya wo kuganira nabo yunganira.

Uru rubanza rwatangiye kuburanishwa muri Mutarama 2018. Abaregwa bose uko ari icumi harimo umugore umwe kandi icyenda muri bo barafunze ukuyemo umwe nawe ufungishijwe ijisho.

Bose ni abarwanashyaka ba FDU Inkingi(ishyaka ritaremerwa gukorera mu Rwanda) abaregwa bafatiwe hirya no hino mu gihugu harimo mu karere ka Rusizi, Rubavu, Muhanga no mu mujyi wa Kigali.

Uru rubanza biteganyijwe ko ruzasubukurwa kuwa 29 Nyakanga 2019.

Iburanisha ry’ uyu munsi ryitabiriwe n’abantu batandukanye barimo n’umuyobozi w’ ishyaka FDU – Inkingi Ingabire Victoire.

Source: Radio Flash FM


INKURU ZA :
Tanga Igitekerezo
Ibitekerezo 1
ntukarengere Kuya 19-07-2019

Egoko Gadhabana. Iyo torture yakozwe ahari? Amafrw azarisha aba avoka uburozi

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...