konka coffee
KONKA

AMAKURU

UKWEZI
ubumwe

Meya wa Rulindo yasuye ikigo cy’ ishuri asiga abarezi 2 batawe muri yombi

Meya wa Rulindo yasuye ikigo cy’ ishuri asiga abarezi 2 batawe muri yombi
1-05-2019 saa 18:59' | | Yasomwe n'abantu 8909 | Ibitekerezo 7

Urwego rw’ Ubugenzacyaha RIB rukorera mu karere ka Rulindo rwataye muri yombi umuyobozi w’ ishuri rya G.S Budakiranya ryo mu murenge wa Cyinzuzi n’ umwarimu kuri iki kigo bakurikiranyweho kwiba mudasobwa zagenewe abanyeshuri nyamara birakekwa ko ikirego cyabo kirimo akagambane.

Ku wa Kabiri tariki 30 Mata 2019, Umuyobozi w’ akarere ka Rulindo yasuye iri shuri ari kumwe n’ umuyobozi w’ akarere wungirije n’ inzego z’ umutekano basiga bataye muri yombi abarimu babiri n’ umuyobozi w’ ishuri.

Meya Kayiranga Emmanuel yatangarije UKWEZI ko basuye iri shuri bakagira abayobozi inama mu bijyanye n’ imicungire y’ ibikoresho by’ ishuri. Abajijwe ku kibazo cya mudasobwa yavuze ko amakuru y’ itabwa muri yombi ry’ abarezi atayazi gusa avuga ko yategetse ko ikibazo cya mudasobwa gikurikiranwa.

Amakuru agera k’ Ukwezi avuga ko mu minsi yashize muri iki kigo hagaragaye ikibazo cya mudasobwa 3 zari zaraburiwe irengero. Ushinzwe umutungo w’ iki kigo yazirishye amadorali 600 y’ Amerika.

Uyu mucungamutungo wa G.S. Budakiranya ari mubari batawe muri yombi gusa we yaraye arekuwe, umugabo w’ umwarimu we aracyafunze.

Bivugwa ko igihe izo mudasobwa eshatu zari zarabuze akarere kategetse umucungamutungo kuziriha. Hari umwarimu wo kuri iki kigo wegereye umugabo w’ uyu mugore w’ umucungamutungo amubwira ko afite mudasobwa za make ashaka kumugurisha. Uwo mugabo kuri ubu watawe muri yombi bivugwa yishyuye izo mudasobwa ariko ntizemerwe ahubwo agategekwa kuziriha amafaranga ari nabyo byatumye baziriha amadorali 600 bishyuye muri Banki Nkuru y’ u Rwanda. Mudasobwa imwe bayirihaga amadorari 200 bivuze ko barishye mudasobwa 3.

Mu gihe bari bicaye baziko ikibazo cya mudasobwa cyarangiye nibwo babonye basuwe n’ ubuyobozi bw’ akarere birangira umuyobozi w’ ishuri, umugabo wa comptable na comptable batawe muri yombi gusa comptable yahise arekurwa.

Umuvugizi w’ Urwego rw’ Ubugenzacyaha RIB Mbabazi Modetse yabwiye UKWEZI ko abatawe muri yombi bafungiye kuri RIB Sitasiyo ya Murambi bakurikiranyweho kwiba mudasobwa z’ ikigo.

Yagize ati “Barakekwaho kwiba mudasobwa z’ ikigo bombi”

Uyu muyobozi w’ ishuri ukurikiranyweho kwiba mudasobwa, mu minsi ishize yari yatawe muri yombi akurikiranyweho kubwira umwarimukazi wo ku kigo ayoboye ko ‘Jenoside yakorewe abatutsi yagize ingaruka nziza kuri uwo mwarimukazi’.

Urukiko rw’ ibanze rwa Ngoma rwatesheje agaciro icyo kirego ruvuga ko nta shingiro gifite gusa uruhande rw’ abarega rwajuririye icyemezo cy’ urukiko.

Umwe mu barimu bo kuri iki kigo yadutangarije ko muri iki kigo harimo abarimu barwanya umuyobozi w’ iri shuri bashaka ko ava kuri aka kazi. Umwarimu watawe muri yombi akurikiranyweho kwiba mudasobwa bivugwa ko yari ahavugiwe ayo magambo arimo ‘gupfobya Jenoside yakorewe abatutsi’ gusa uyu mwarimu ngo avuga ko ayo magambo ntayavuzwe.


INKURU ZA :
Tanga Igitekerezo
Ibitekerezo 7
Tiery Kuya 8-05-2019

Bazasure GROUPE SCOLAIRE KIGEME _A muri NYAMAGABE banakore audite kuko minerval twishyura ishirira mu mufuka wa bursar na headmaster bakaneshya ababyeyi ku nama rusange ko badufata neza kdi twarashize ibaze ujya kwiga ufite 70 kg ugatajana 56 kuko turya indyo 3 gusa amezi 3 akarangira murakoze

Emmanuel Kuya 5-05-2019

Maze gusoma iyi nkuru, gusa ndababaye cyane. ""Bategetse ko Mudasobwa zishyurwa, barazishyura, none bafunzwe"" ?? Gutegeka ko zishyurwa, bisobanuye ko bitazwi uwazibye,kuko umujura uzwi ashyikirizwa RIB hatitawe ko yishyuye icyo yibye. N’ ukuvuga ko kwemwrerwa kwishyura, aruko aribo bafite Responsabilite yo kurinda ibikoresho by’ikigo. Nonese Niba barasabwe kwishyura bakabikora, bafungiwe iki? Niba abareze umuyobozi ingengabitekerezo, urukiko rwarabitesheje agaciro, kuki batategereje ubujurire bwabo ? Nonese bifuzaga ko Mwarimu ashinja umuyobozi we ibyo atumvise? Oh! birababaje kbs. RIB turayizera ndakeka ko nayo itavugirwamo , nibarebe neza batagwa mumutego w’amatiku abantu bashobora kuba bafitanye n’ umuyobozi w’Ikigo. Gusa nasabaga MINEDUC ko yajya yimura abayobozi b’ibigo hatitawe kumatiku ,bakajya babagurana bikaba nk’ihame, kuko ibyo byazajya bica umuco mubi w’amatiku.

dddd Kuya 4-05-2019

barabura gutanga ubumenyi bakirirwa mumatiku gusa

ERIKE Kuya 4-05-2019

babakurikirane

Charles Rwakagara Kuya 3-05-2019

Nyakubahwa Meya azasure n’ibindi bigo byo nuri Rurindo bifite amanyanga cyane mu mutungo ndetse tutaretse n’ibindi byaha bivugwa muri ibyo bigo bituranye na Budakiranya

karangwa emmy Kuya 2-05-2019

Ntabyinshi navuga gusa abaturage dukeneye gusobanurirwaamategeko agenga ubugenzacyaha kuko niba bikomeje gutya RIB izisanga kuruhande rwayo ikora ibyaha kdi ariyo yagakwiye kubicunga ahh

Ngombwa Kuya 2-05-2019

nyamarakoko iki kirego cy’ubujura bwa mudasobwo itangazamakuru rikitondere kuko Ni imbarutso nyamukuru . kuko nubwo ntahakorera iki kurego gishingiyeko uyu mwarimu ategekwako cg agomba gushinza umuyobozi ariya magambo y’ingengabitekerezo yavuze nyuma urukiko rukabura ibimenyetso rukamufungura ubwo rero abari bose bagomba gushakirwa impamvu batemeza ngo bashinze umuyobozi kubwizo mpambu bagomba gushakisha ibyaha bashinzwa mpaka babihamijwe nurukiko bafatanije numuyobozi wikigo bityo bigashimangira impamvu batemeye gushinza uwo muyobozi ideology

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...