konka coffee
KONKA

AMAKURU

UKWEZI
Minijust

‘Miliyari zirenga 2 zari zaranyerejwe zaragarujwe’

‘Miliyari zirenga 2 zari zaranyerejwe zaragarujwe’
11-03-2019 saa 08:50' | By Nsanzimana Ernest | Yasomwe n'abantu 1979 | Ibitekerezo

Minisitiri w’ Intebe w’ u Rwanda Dr Edouard Ngirente yavuze ko biturutse ku mwanzuro wafatiwe mu Mwiherero wa 15 w’ abayobozi bakuru, muri 2018 u Rwanda rwagaruje amafaranga y’ u Rwanda arenga miliyari ebyiri yari yaranyerejwe.

Yabitangaje ku wa 9 Werurwe 2019, ubwo yatangazaga uko imyanzuro 13 yafatiwe mu Mwiherero wa 15 w’ abayobozi bakuru yashyizwe mu bikorwa.

Dr Ngirente yavuze ko muri rusange ibikorwa 48 byakuwe mu myanzuro 13 yafatiwe mu mwiherero wa 15 byashyizwe mu bikorwa ku kigero gishimishije.

Ati “Mu bikorwa 48 byakuwe mu myanzuro 13, ibikorwa 37 byagezweho ku kigero kiri hagati ya 75 na 100%. Ibikorwa 9 byagezweho ku kigero kiri hagati ya 50 na 74% naho ibikorwa bibiri (2) biracyari munsi ya 50%.

Yavuze ko ibikorwa bitashyizwe mu bikorwa ari ibirebana no guca imiturire y’ akajagari kuko byasabye ingengo y’ imari yo gutanga ingurane ntihite iboneka.

Umwanzuro wa 2 muyafatiwe mu mwiherero wa 15 yagira uti ‘Gukaza ingamba zo kurwanya ruswa mu nzego za Leta n’iz’abikorera, kugaruza umutungo wa Leta wanyerejwe no gufatira ibyemezo abatubahiriza inama z’Umugenzuzi Mukuru w’Imari ya Leta’

Dr Ngirente ati “Hakajijwe ingamba zo kurwanya ruswa mu nzego za Leta n’iz’abikorera. Muri 2018, hagarujwe amafaranga angana na 2.028.298.900 FRW. Hakozwe kandi iperereza ku madosiye 595 yagaragayemo inyerezwa ry’ umutungo. Abakozi 205 bateje Leta igihombo basabiwe ibihano mu rwego rw’ akazi abandi bashyikirizwa inkiko”

Mu bindi byakozwe biturutse ku myanzuro yo mu mwiherero wa 15 ni ukongera 10% ku mushahara wa mwarimu, Ikigega cyo guteza imbere ibyoherezwa mu mahanga (EGF) cyaravuguruwe gihuzwa na gahunda yo Kwihutisha Iterambere ry’Igihugu (NST1). Ubu, noneho n’abacuruzi bato (Start-ups) bohereza ibicuruzwa mu mahanga bafashwa n’iki Kigega.

Amafaranga ikigega kimaze gutanga yariyongereye agera kuri miliyari 3.8 FRW muri Gashyantare 2019 avuye kuri miliyari 1.6 FRW mu 2017.

Mu rwego rwo guteza imbere imigi yunganira Kigali, Hasojwe igice cya mbere cyo kuyishyiramo imihanda ya kaburimbo iri ku burebure bungana na Km 28,1. Ubu harimo gutegurwa ibikorwaremezo bizakorwa mu gice cya kabiri nacyo kizatangira vuba.

Abarimu 63.337 bari bahawe amahugurwa y’ibanze ku nteganyanyigisho nshya ishingiye ku guteza imbere ubushobozi bw’abanyeshuri (CBC), abagera ku 54.447 bamaze guhabwa amahugurwa yimbitse ku masomo yihariye kandi igikorwa kiracyakomeza. Mu rwego rwo kugabanya ubucucike bw’abanyeshuri mu mashuri abanza n’ayisumbuye, abarimu bashya 834 bahawe akazi.
Abajyanama b’ubuzima 48,472 bahawe amahugurwa atandukanye yo kubafasha kurushaho kuzuza neza inshingano zabo kandi bakomeje guhabwa ibikoresho bakenera. Abibumbiye mu makoperative 384 ari hirya no hino mu Gihugu, bafashijwe guteza imbere ibikorwa bibyara inyungu.

Abana 11,374 bari munsi y’imyaka itanu bari barwaye bwaki bahawe amata. Hashyizweho gahunda yo kunoza imikorere n’imikoranire hagati y’inzego zihurira ku bikorwa byo kurwanya imirire mibi.

Muri 2018, hubatswe amavuriro 103 ku 100 yari ateganyijwe muri uwo mwaka. Gahunda yo gushyira ibikoresho muri ayo mavuriro kugira ngo atangire gukora ubu irakomeje.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...