AMAKURU

UKWEZI
pax

Sena yatumijeho uhagarariye Guverinoma ngo asobanure iby’imikorere y’amakoperative

Sena yatumijeho uhagarariye Guverinoma ngo asobanure iby’imikorere y’amakoperative
12-06-2020 saa 14:24' | By Akayezu Jean de Dieu | Yasomwe n'abantu 2858 | Ibitekerezo

Inteko Rusange y’Umutwe wa Sena y’u Rwanda yasabye Minisitiri w’Intebe, Dr Ngirente Edouard, kohereze uhagarariye Guverinoma ngo aze gusobanura uko amakoperative agomba kugira uruhare mu ihangwa ry’imirimo nk’uko biteganywa na gahunda ya Guverinoma y’imyaka irindwi.

Ni umwe mu myanzuro yafashwe n’Inteko Rusange nyuma yo gusuzuma raporo ya Komisiyo y’iterambere ry’Ubukungu n’Imari ku gikorwa yakoze mu Turere dutandukanye tw’Igihugu cyo kureba imikorere n’imicungire by’amakoperative mu Rwanda.

Iyi raporo yakorewe mu Turere 15 yagaragaje ko hirya no hino mu gihugu hakomeje kugaragara ikibazo mu micungire ndetse n’imikoranire mu makoperative bityo bikadindiza iterambere ryayo n’abanyamuryango muri rusange.

Komisiyo yasuye amakoperative 74, yibumbiyemo abanyamuryango 44,727.

Abasenateri baganiriye n’abanyamuryango bayo bakaruka ku kureba imiterere yayo n’imikoranire yayo n’inzego ziyashinzwe, kureba imiyoborere yayo n’ibibazo biri mu micungire y’amakoperative n’uko ateza imbere abanyamuryango.

Iki gikorwa cya Komisiyo cyari kigamije kugenzura ; uruhare rw’amakoperative mu kuzamura imibereho y’abaturage, iyubahirizwa ry’amategeko n’amahame agenga amakoperative n’uruhare rw’amakoperative mu gukemura ibibazo bijyanye n’iterambere biri mu gace akoreramo.

Mu biganiro iyi komisiyo yagiranye n’inzego zitandukanye hasuzumwe politiki nshya yo guteza imbere amakoperative yemejwe muri Kamena 2018.

Iyi politiki iteganya uburyo bwo gukosora ibyari bibangamiye imikorere y’amakoperative hagamijwe kunoza imikorere n’imikoranire y’inzego za koperative, imicungire y’amakoperative no kongera uruhare rw’inzego z’ibanze mu gukurikirana imikorere n’imicungire y’amakoperative.

Perezida wa Komisiyo, Nkusi Juvenal yavuze ko hakiri icyuho gikomeye mu mikorere n’imikoranire y’inzego aho usanga.

Ubusanzwe Intara ifite abakozi batatu b’Ikigo cy’Igihugu gishinzwe Amakoperative, RCA, ariko usanga badakorana ku buryo bwa hafi n’amakoperative.

Yakomeje agira ati “Ibikorwa by’urugaga [Confederation] twasanzwe bitazwi n’abanyamuryango ba koperative tukababaza duti murayizi bati ashwi.”

Umuyobozi Mukuru wa RCA, Prof Harerimana Jean Bosco yavuze ko ikibazo cy’ubushobozi buke bushingiye ku bumenyi biri mu bikoma mu nkokora uru rwego hakiyongeraho ikibazo cy’imikoranire hagati y’amakoperative ndetse n’ibigo by’imari.

Yakomeje agira ati “Tumaze iminsi dukangurira ba rwiyemezamirimo n’abandi bafite ubumenyi butandukanye kwegera amakoperative bakayahugura. Ubu turi munzira yo gutuma izi banki zegereye abaturage zirimo Umurenge Sacco ariko na banki nini zigira ubwo bushobozi bwo gutanga serivisi zihuye n’ibikenewe kuri koperative.”

Ariko n’amakoperative akabasha kuba yaba afite amakuru ahagije ashobora gutuma koko ko ya mabanki abona ko ari ubucuruzi batagombye kurenza ingohe kugira ngo bakorane noneho bikaba bya bintu umuntu yakwita magirirane mu buryo bwunguka.”

Imibare itangazwa na RCA igaragaza ko mu 2005, mu Rwanda habarurwaga amakoperative yari kuri 919 mu gihe mu mwaka ushize wa 2019, habarurwaga amakoperative 10025.

Ni mu gihe abanyamuryango b’amakoperative basaga 5 200 000 bangana na 67.9% by’abanyarwanda bagejeje igihe cyo gukora.

Bamwe mu basenateri bagaragaje impungenge batewe n’imicungire y’amakoperative basanga hagiye kugira igikorwa ngo zikurweho.

Gahunda ya Guverinoma y’imyaka irindwi 2017- 2024, NST1 iteganya ko Amakoperative azagira uruhare mu guhanga imirimo itari iy’ubuhinzi-bworozi ingana na miliyoni 1.5 bingana na 214,000 ku mwaka.

Inteko rusange y’umutwe wa Sena yanzuye ko uhagarariye guverinoma azaza gusobanura ibijyanye n’iyi gahunda.

Perezida wa Komisiyo y’Ubukungu, Hon Nkusi Juvenal


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...