AMAKURU

UKWEZI

Mu Rwanda haje abakora imideli yambarwa ako kanya kandi ikozwe muri Made in Rwanda

Mu Rwanda haje abakora imideli yambarwa ako kanya kandi ikozwe muri Made in Rwanda
4-05-2018 saa 23:05' | By Akayezu Jean de Dieu | Yasomwe n'abantu 3889 | Ibitekerezo 1

Mu gihe u Rwanda n’abanyarwanda bakomeje urugamba rwo gushyira imbaraga muri gahunda ya ‘Made in Rwanda’, hari abakibaza uburyo ibi bizashoboka ndetse abanyarwanda bakajya bakoresha ibyakorewe mu nganda z’iwabo. Kuri ubu abamurika imideli bagiye gushyirwa igorora binyuze muri kompanyi ya Cretos Production izobereye mu gukora imideli yambarwa ako kanya.

Iyi kompanyi na Cretos Production kuri ubu ikorera i Kinyinya mu karere ka Gasabo, Umujyi wa Kigali yatangiye mu ntangiro za 2018, aho abayishinze bavuga ko intego yabo ari uguteza imbere imideli yambwarwa ako kanya ‘Prêt-a-Porter’ cyangwa ibizwi nka ‘Read to Wear’, ibintu bitari bimenyerewe hano mu Rwanda

Umuyobozi wa Cretos Production, Jacqueline Mugabushaka Hellivik avuga ko icyo bashyize imbere atari amafaranga kandi bashaka gukuraho ikintu kiri mu mitwe ya benshi aho bumva ko ibikorerwa mu Rwanda bihenze ahanini bitewe n’uko ibikoresho biba byatumiwe mu mahanga noneho bikaza guteranyirizwa mu Rwanda

Yagize ati “Mu bizanwa harimo ibintu bifite ibiciro biri hejur nange ndabibona ariko twe dufite ibihugu dukorana nabyo ndetse n’inganda ziduha ibyo gukoramo iyi myenda ari nayo mpamvu baduhera ku giciro cyo hasi kandi kizabasha kujya ku isoko rya hano mu Rwanda, muri Afurika ndetse n’i Burayi dore ko hose tuhafite n’amasoko"

Jacqueline akomeza avuga ko bo bafite ubushobozi n’impano zo gukora imyenda ikomeye imwe abanyarwanda n’abanyafurika bamenyereye ko itumizwa muri Amerika n’ahandi ikaza ari caguwa. Kuri ubu kandi ngo bafite ubushobozi bwo gukora imyenda igera kuri 250 mu Cyumweru kimwe ku buryo abakiriya badashobora kugira ikibazo cyo gutegereza igihe kinini.

Jacqueline anavuga kandi ko bafite gahunda yo kujya bategura ibirori byo kumurika imideli mu rwego rwo kugaragariza abanyarwanda ibyo bakora no kubakundisha ibikorerwa iwabo bibanda cyane ku mideli yambarwa ako kanya. Iyi ni imwe mu myambaro ikorerwa muri Cretos Production, aho bayigukorera uhagaze aho ugahita uyambara


INKURU ZA :
Tanga Igitekerezo
Ibitekerezo 1
eddy Kuya 8-05-2018

twandika ready to wear.thanks

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...