konka coffee
KONKA

AMAKURU

UKWEZI

Mu mafoto: Miss Liliane yahaye umukoro abasoje amasomo I Wawa

Mu mafoto: Miss Liliane yahaye umukoro abasoje amasomo I Wawa
13-05-2018 saa 12:02' | By Akayezu Jean de Dieu | Yasomwe n'abantu 1812 | Ibitekerezo

Miss Iradukunda Liliane, ufite ikamba rya Nyampinga w’u Rwanda muri 2018, yatanze umukoro wo kugira uruhare mu kurwanya ibiyobyabwenge ku rubyiruko rusoje amasomo mu kigo ngororamuco no kwigisha imyuga cya I Wawa giherereye mu kiyaga cya Kivu mu Burengerazuba bw’u Rwanda.

Miss Liliane yagarutse kuri izi mpanuro, kuwa Gatandatu tariki 12 Gicurasi 2018, ubwo yari mu muhango wo gutanga impamyabumenyi ku rubyiruko rusoje amasomo ajyanye n’imyuga no kugororwa muri iki kigo. Umuhango wari wanitabiriwe kandi na
Nyampinga w’u Rwanda mu mwaka ushize wa 2017, Miss Iradukunda Elsa.

Mubutumwa nyampinga wurwanda 2018 Iradukunda Liliane yageneye urubyiruko rurenga gato 1700 rusoje ayo mahugurwa yagarutse mukubaha umukoro wo kuba abambere mukurwanya ibiyobyabwenge no kurinda bagenzi babo batarabijyamo kuko aribo bazi neza ububi bwibiyobyabwenge kurusha undi wese kuko babiciyemo kandi bakaba barabiretse nkuko babyivugira.

Yagize ati “Ndabingize nka mushiki wanyu mwe murangije aha muze dufatanye kurwanya ibiyobyabwenge ndetse tunarinde abatarabijyamo ntibazabijyemo kuko ni bibi ni ibitwicira ubuzima n’igihugu gusa, kandi mwe ubu mwabikora neza kuko muzi ububi bwabyo kandi mubishatswe twe nk’urubyiruko twabirwanya bigakunda”

Miss Rwanda 2018 yari kumwe na Miss Rwanda 2017 ndetse na Nyiramongi Odette umufatanyabikorwa wa Miss Rwanda akaba ari nawe nyiri paradis Malahide ndetse na paradis Kivu ari nayo aba banyampinga bacumbitsemo muri iyi minsi.

Uyu Nyiramongi Odette watanze inka yise rukundo umwaka ushize ubwo yasuraga iwawa arikumwe na Miss Rwanda 2017 no kuri iyi nshuro nyuma yo gukurikira uyu muhango yatanze indi nka yiyongera kuzabyawe niyambere kugira bakomeze bakamirwe.

Abanyeshuri basoje amasomo yo kugororwa n’imyuga iwawa bahabwa impamyabumenyi n’ikigo cy’igihugu gishinzwe guteza imbere imyuga n’ubumenyi ngiro (DWA), baba bafite ubumenyi mu by’ubwubatsi, ubudozi, gukora amashanyarazi,kudoda, kubaza, n’indi myuga ishobora gufasha aba banyeshuri baba barakuwe mu mihanda n’ahandi hatandukanye akenshi barafashwe nk’inzererezi n’ababaswe n’ibiyobyabwenge.

Ikigo cya I Wawa kigisha imyuga n’igororamuco cyatangijwe muri Gashyantare 2010 na Minisiteri y’Umuco na Siporo kuri ubu kikaba kiyoborwa n’Ikigo cy’Igihugu gishinzwe Igororamuco (National Rehabilitation Center) cyatangiye gukora mu Rwanda umwaka ushize. Nyampinga w’u Rwanda 2018, Iradukunda Liliane yahaye umukoro abarangije i Wawa, abasaba gufata iya mbere mu kurwanya ibiyobyabwenge Uyu muhango kandi wari witabiriwe na Miss Elsa wari ufite ikamba umwaka ushize, n’abandi bayobozi batandukanye Abasoje amasomo muri iki cyiciro bagera ku 1700
Miss Liliane yashyikirije impayabumenyi uru rubyiruko ariko anabaha umukoro
Nyiramongi Odette, asanzwe ari umufatanyabikorwa wa Miss Rwanda niwe wahaye inka uru rubyiruko rwa i Wawa ngo bajye bajye bakamirwa
Miss Rwanda 2017, Iradukunda Elsa nawe yasabye uru rubyiruko gufata iya mbere mu kurwanya ibiyobyabwenge
AMAFOTO: Rwanda Inspiration BackUp


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...