AMAKURU

UKWEZI
cheno 2020

Musanze: Abayobozi bakurikiranyweho gukubita abaturage bahagaritswe ku mirimo by’agateganyo

Musanze: Abayobozi bakurikiranyweho gukubita abaturage bahagaritswe ku mirimo by’agateganyo
15-05-2020 saa 14:34' | By Nsanzimana Ernest | Yasomwe n'abantu 1817 | Ibitekerezo

Akarere ka Musanze katangaje ko kahagaritse ku mirimo by’agateganyo abayobozi na ba dasso bagize uruhare mu gukubita abaturage bagaragaye mu isantere batambaye udupfukamunwa.

Abo bayobozi ni Umunyamabanga Nshingwabikorwa w’umurenge wa Cyuve mu Karere ka Musanze, Sebashotsi Gasasira Jean Paul; Umunyamabanga Nshingwabikorwa w’Akagari ka Kabeza Tuyisabimana Jean Leonidas, ba DASSO Nsabimana Anaclet na Abiyingoma Sylvain

Ubutumwa akarere ka Musanze kashyize kuri twitter bugira buti “Nyuma y’amakuru ajyanye no gukubita abaturage mu Murenge wa Cyuve, Akarere ka Musanze kahagaritse ku mirimo by’agateganyo ababigizemo uruhare, bakomeje gukurikiranwa n’Inzego zibishinzwe”.

Ku wa Kane w’iki Cyumweru nibwo ku mbuga nkoranyambaga hakwirakwijwe amashusho agaragaza umukozi w’Urwego rwa Dasso ndetse n’abayobozi barimo uw’Umurenge wa Cyuve bakubitira abaturage mu muhanda.

Ibinyamakuru bya flash ari nabyo byashyize hanze aya mashusho byatangaje ko abakubiswe baziraga ko batambaye udupfukamunwa.

Bavuga ko bakubiswe n’Umuyobozi w’Umurenge afatanyuje na ba Dasso babaziza ko batambaye udupfukamunwa.

Ku rukuta rwa Twitter, RIB yatangaje ko yafunze Umunyamabanga Nshingwabikorwa w’Umurenge wa Cyuve mu Karere ka Musanze, Sebashotsi Gasasira Jean Paul; Umunyamabanga Nshingwabikorwa w’Akagari ka Kabeza Tuyisabimana Jean Leonidas, ba DASSO Nsabimana Anaclet na Abiyingoma Sylvain.

Aba bose bakurikiranyweho icyaha cyo gukubita no gukomeretsa Dushime Jean Baptiste na Nyirangaruye Uwineza Clarisse. Ubu bafungiwe kuri sitasiyo ya RIB ya Muhoza mu gihe hakorwa dosiye kugira ngo ishyikirizwe Ubushinjacyaha.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...