konka coffee
KONKA

AMAKURU

UKWEZI

Musanze: Barabyina intsinzi ariko ngo bizaba akarusho abatowe batangiye guhigura ibyo bahize

Musanze: Barabyina intsinzi ariko ngo bizaba akarusho abatowe batangiye guhigura ibyo bahize
5-09-2018 saa 20:21' | By Jerome Munyentwari | Yasomwe n'abantu 659 | Ibitekerezo

Nyuma y’igikorwa cyo gutora abagize Inteko Ishinga Amategeko Umutwe w’Abadepite, abaturage bo mu murenge wa Nkotsi mu Karere ka Musanze barishimira imigendekere mwiza y’amatora, gusa ngo bakaba bategereje kubona abo batoye bashyira mu bikorwa ibyo biyemeje.

Amatora y’abagize Inteko Ishinga Amategeko yatangiye ku wa 2 Nzeri 2018, icyiciro cya nyuma cyayo gikorwa ku wa 04 Nzeri 2018, amajwi y’agateganyo y’ibyayavuyemo bikaba byaramaze gushyirwa ahagaragara.

Kuri uyu wa 05 Nzeri 2018 Umunyamakuru wa Ukwezi.com yasuye abaturage bo mu Murenge wa Nkotsi mu Karere ka Musanze bagaragaza ko bishimiye ibyavuye mu matora, banavuga ko biteze kubona ibyo abatowe babasezeranyije ubwo bazaga kwiyamamaza.

Uwitwa Amerika Salvador, wo mu murenge wa Nkotsi ahamya ko intsinzi bayibonye, ngo igisigaye ni ukubona ibikorwa by’abo bitoreye.

Yagize ati “Ku ruhande rwanjye uko natoye naratsinze,kuko natoye umuryango FPR-Inkotanyi, nyuma yo gutora turi mu byishimo by’intsinzi, kandi dutegereje ko abo twatoye bagaruka guhigura ibyo badusezeranyije.”

Majyambere Jean Pierre Umucuruzi isoko rya Kinkware riri muri uyu murenge nawe ashimangira ko ibyavuye mu matora byabanejeje.

Nyuma y’ibikorwa by’amatora, bigaragara ko abaturage bashishikajwe n’akazi kabo, ndetse ngo bizeye kubona bidatinze inyungu zizava mu matora meza bagizemo uruhare .

Umuyobozi w’Akarere ka Musanze Habyarimana Jean Damascene ashima imyitwarire y’abaturage mu migendekere myiza y’amatora muri rusanze, akavuga ko abaturage bagomba kugira ibyishimo nyuma y’amajwi y’agateganyo yamaze gushyirwa ahagaragara na Komisiyo y’Igihugu y’Amatora.

Yagize ati “Abiyamamaje bose, bari bafite imigabo n’imigambi myiza kandi yumvikana, ku buryo wumvaga bishobora kugora abaturage mu gukora amahitamo mu gihe batora. Turabashimira kuko bashoboye gutora kandi bagera ku ntsinzi bitewe n’uwo buri wese yihitiyemo, niyo mpamvu ubona ko aya matora yatanze intsinzi no mu yindi mitwe ya politiki mishya nka PS Imberakuri na Green Party. niyo Abaturage rero bagomba kwishimira intsinzi yabo kuko nibo bayigizemo uruhare rugaragara.”

Meya Habyarimana, ahamya ko nyuma y’intsinzi; umutekano ari wose mu Karere ayobora ngo ibyishimo bikaba bikomezanya icya rimwe n’imirimo y’abaturage ya buri munsi.

Bimwe mubyo imitwe ya Politike yahigiye kuzageza ku baturage, birimo gukora ubuvugizi butuma habaho igabanyuka n’ikurwaho ry’imisoro y’ubutaka, kugeza ku baturage amazi n’umuriro aho bitaragera, kurwanya imirire mibi, guhanga imirimo myinshi ku rubyiruko rutayigira, ikoranabuhanga ryihuse n’ibindi.

Meya wa Musanze, Habyarimana Jean Damascene asaba abaturage kwishimira intsinzi banakomeza imirimo yabo


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...