AMAKURU

UKWEZI

Musanze: Urujijo ku cyishe amafi menshi mu mugezi wa Mukungwa, ngo haracyakorwa iperereza

Musanze: Urujijo ku cyishe amafi menshi mu mugezi wa Mukungwa, ngo haracyakorwa iperereza
22-09-2018 saa 20:09' | By Vincent Nsengiyumva | Yasomwe n'abantu 9803 | Ibitekerezo 9

Ubuyobozi bw’Akarere ka Musanze bwahakanye amakuru yakwirakwiye avuga ko Abashinwa bahumanyije umugezi wa Kigombe wisuka muri Mukungwa, bikaba ari byo byatumye amafi menshi yo mu mugezi wa Mukungwa agaragara yapfuye.

Kuva ku gicamunsi cyo kuwa Kane kugeza ku wa Gatanu tariki 21 Nzeri 2018, nibwo mu mugezi wa Mukungwa hiriwe hagaragara amafi menshi yapfuye areremba hejuru y’amazi.

Kuva ubwo bamwe mu baturage baturiye umugezi wa Mukungwa babaye nk’abasakiwe, biraramo batoragura ayo mafi yarierembaga hejuru y’amazi, bamwe bajya kurya abandi bashora mu masoko.

Ku gicamunsi cyo kuri uyu wa Gatandatu tariki 22 Nzeri 2018, nibwo hakwirakwiye amakuru avuga ko hari Abashinwa bagiye kuroba mu kagezi ka Mpenge kisuka muri Mukungwa, bakaba barashyize ibintu bihumanye muri ako kagezi byageze no muri Mukungwa bigateza gupfa kw’amafi menshi yawugaragayemo.

Umuyobozi w’Akarere ka Musanze, Habyarimana Jean Damascene yatangarije Ukwezi ko hataramenyekana icyahumanyije umugezi wa Mukungwa wateje ikibazo cyo kwica amafi, anavuga ko Abashinwa barobaga mu mugezi wa Mpenge badafite aho bahuriye n’ikibazo cyo muri Mukungwa.

Yagize ati “ Kugeza ubu ntabwo turamenya ikibazo cyabiteye, ubu biri gukurikiranwa ngo hamenyekane neza inkomoko yacyo. Haracyekwa ko amazi yo mu mugezi wa Kigombe ashobora kuba yandujwe, akaba ribyo byateje ikibazo muri Mukungwa, kuko aho amazi ya Kigombe yanyuraga niho bigaragara ko amafi yapfuye.”

Hapfuye amafi menshi mu mugezi wa Mukungwa

Meya Habyarimana avuga aho abo Bashinwa barobaga muri Mpenge, nta kibazo cyahagaragaye ngo kuko amafi arimo nta kibazo yigeze agira.

Ati “Kugeza ubu ntitwahamya ko hari uruhare abo Bashinwa bagize mu gupfa kw’ayo mafi kuko , amafi y’aho barobyei atigeze apfa kandi aho bari bari ntaho hahuriye n’aho amafi yapfuye, bigaragara ko bitandukanye n’icyaba cyatumye aya mafi apfa.”

Abashinwa barobaga mu mugezi wa Mpenge nibo bashyizwe mu majwi kuba inyuma y’iki kibazo

Inzego zitandukanye zirimo n’iza RDF zazindukiye kuri uyu mugezi wa Mukungwa, kugira ngo hapimwe maze hamenyekane icyaba cyatumye aya mafi apfa.

Umuyobozi w’Akarere ka Musanze avuga ko bakimenya iki kibazo, ngo bahamagaje inzego zose z’utugari n’imidugudu bakorana inama n’abaturage babwira abaturage ko bakirinda kurya ayo mafi yipfishije.

Yanavuze ko mu igenzura ryakozwe mu bitaro n’amavuriro atandukanye muri aka karere ka Musanze, yagaragaje ko nta muturage n’umwe waba wagize ingaruka z’uburwayi kubera kurya kuri ayo mafi yipfishije.

Inzzego zitandukanye zazindukiye kuri Mukungwakureba icyaba cyateje iki kibazo Abaturage batoraguye aya mafi bajya kurya abandi bayajyana ku isoko


INKURU ZA :
Tanga Igitekerezo
Ibitekerezo 9
kaka Kuya 24-09-2018

Imana ikiriza mukwiheba barons.

kaka Kuya 24-09-2018

Imana ikiriza mukwiheba barons.

kaka Kuya 24-09-2018

Imana ikiriza mukwiheba barons.

kaka Kuya 24-09-2018

Imana ikiriza mukwiheba barons.

kaka Kuya 24-09-2018

Imana ikiriza mukwiheba barons.

Habimana Kuya 24-09-2018

Imana isubiza munzira nyinshi wasanga hari abaturage ayo mafi yatabaye kubera ibibazo n inzara nyinshi

Habimana Kuya 23-09-2018

Imana isubiza munzira nyinshi wasanga hari abaturage ayo mafi yatabaye kubera ibibazo n inzara nyinshi

Habimana Kuya 23-09-2018

Imana isubiza munzira nyinshi wasanga hari abaturage ayo mafi yatabaye kubera ibibazo n inzara nyinshi

Habimana Kuya 23-09-2018

Imana isubiza munzira nyinshi wasanga hari abaturage ayo mafi yatabaye kubera ibibazo n inzara nyinshi

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...