AMAKURU

UKWEZI
ubumwe

Musanze: Visi Meya yakatiwe gufungwa iminsi 30 y’ agateganyo nubwo umugore yamusabiye imbabazi

Musanze: Visi Meya yakatiwe gufungwa iminsi 30 y’ agateganyo nubwo umugore yamusabiye imbabazi
12-09-2019 saa 06:37' | By Nsanzimana Ernest | Yasomwe n'abantu 2832 | Ibitekerezo 2

Urukiko rw’ibanze rwa Muhoza mu karere ka Musanze rwategetse ko Ndabereye Augustin wahoze ari umuyobozi w’akarere ka Musanze wungirije ushinzwe iterambere ry’ubukungu afungwa by’agateganyo iminsi 30, kuko ubushinjacyaha bugishakisha ibimenyetso.

Tariki 30 Kanama nibwo Ndabereye yatawe muri yombi ashinjwa gukubita umugore we akanamupfura imisatsi.

Mu iburanisha ku ifunga n’ ifungura by’ agateganyo Ndabereye yasomewe ibyaha aregwa birimo gukubita no gukomeretsa no guhoza ku nkeke umugore we.

Ndabereye yemereye imbere y’ urukiko ko yakubise umugore we ariko ahakana icyaha cyo kumuhoza ku nkeke kuko avuga ko ari ubwa mbere yari amukubise.

Icyo gihe umwunganira mu mategeko yagaragarije urukiko urwandiko rwanditswe n’ umugore wa Ndabereye asabira imbabazi umugabo we.

Nubwo Ndabereye avuga ko ari ubwa mbere yari akubise umugore we, ubushinjacyaha buvuga ko yamukubise inshuro nyinshi ubuyobozi bw’ akarere bukajya bubunga, akongera akabirengaho.

Perezida w’ urukiko agendeye ku ngingo ya 121 n’iya 147 yo mu gitabo cy’amategeko mpanabyaha, yavuze ko urukiko rutegetse ko Ndabereye Augustin afungwa by’agateganyo iminsi 30.


INKURU ZA :
Tanga Igitekerezo
Ibitekerezo 2
Mugisha Kuya 13-09-2019

Muraho, uyu mugabo guhanwa sibibi nawe ubwe arabizi gusa icyo ngaya inzego zose zibishinzwe nuko guhana bihanukiriye abafite amakimbirane mu ingo birihuta ndetse bikagenda neza iyo bicanye,wakomeretse bikomeye.Ariko iyo bitabajwe kuyakemura amazi atararenga inkombe baza baseta ibirenge ndetse gutanga gatanya bikananirana kandi byakorohejwe abantu bakabona ubutabera kugihe ntawurapfa. Ikindi iyo mayor azakuba ariwe wahohotewe kuriya simpamya kobyari gukemuka byihuse. Please inzego zibanze,inkiko,parike,polisi muhe agaciro hakiri kare gutatura amatate aho gutegereza gufunga abamaranye jyewe birambabaza

Theo Kuya 12-09-2019

Njye ndabona hakwiye gutangwa imbabazi zimwe umukuru w’igihugu akunda kuvuga ko ari impuhwe zo gukemura ibibazo.Meyer yakoze icyaha ariko ubucamanza ni bumenye ko bari kuburanisha famille kuko igihano cyose azahanishwa nikirangira azagaruka mu rugo rwe.Rero nibashingire kuri urwo rupapuro rusaba imbabazi bashyiremo imiyaga be gukomeza iby’umugore n’umugabo kuko ntibazi aho bahuriye na nyuma yibi urugo ruzakomeza;imanza zimiryango bajye bazigenza gake.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...