AMAKURU

UKWEZI
RPF

Mwenedata washakaga kuyobora u Rwanda yashinze umutwe wa Politike

Mwenedata washakaga kuyobora u Rwanda yashinze umutwe wa Politike
6-08-2018 saa 08:55' | By Vincent Nsengiyumva | Yasomwe n'abantu 4962 | Ibitekerezo 2

Gilbert Mwenedata uheruka kugerageza kwiyamamariza kuyobora igihugu mu matora aheruka muri 2017 ntibimuhire, yamaze gushinga umutwe wa Politike yise IPAD-Rwanda(Initiative du Peuple pour l’Alliance Démocratique).

Iri Shyaka Mwenedata ashingiye mu buhungiro aho yagiye mu minsi ishize nyuma y’uko yakurikiranwagaho ibyaha birimo gukoresha impapuro mpimbano ubwo yashakishaga ibyangombwa byaherekeza kandidatire ye.

Mu itangazo yashyize ahagaragara ku wa Gatandatu tariki ya 4 Kanama 2018, uyu munyapolitike avuga ko rigamije Kwimakaza Demokarasi, Ubumwe, Ubufatanye, Ubutabera n’Imibereho myiza.

Iri tangazo rivuga ko iri shyaka ritavuga rumwe n’ubutegetsi ryashingiwe I Washington muri Leta Zunze Ubumwe za Amerika, ngo mu ntego zaryo z’ingenzi harimo igihugu kigendera ku mategeko, guharanira amahoro n’umutekano nyabyo no kwimakaza ubumwe n’ubwiyunge mu muryango-nyarwanda.

Mu mpera z’umwaka ushize nibwo hamenyekanye amakuru y’uko Mwenedata yaba yarahunze igihugu. Icyo gihe yarimo akurikiranwa n’urwego rw’ubugenzacyaha bumusaba ibisobanuro ku manyaga yari yarakoze ari gushaka abamusinyira kugira ngo nawe kiandidatire mu bari kwiyamamaza ku mwanya w’umukuru w’igihugu yemerwe.

Mwenedata yavuze ko yagiye yitaba mu Bugenzacyaha, kwisobanura ariko ngo byageze igihe abona ko ibisobanuro atanga bitazumvikana, ahitamo kuva mu gihugu.

Akigera mu buhungiro, Mwenedata Gilbert yagiye kumvikana avugana n’abarwanya ubutegetsi bw’u Rwanda, ashimangira ko yahunze igihugu nyuma yo kubona ko arimo gukurikiranwa n’ubugenzacyaha, akabona ko na Diane Rwigara afunzwe.

Mwenedata si mushya mu gushaka kwiyamamaza mu Rwanda ntibimuhire kuko mu 2013 yagerageje amahirwe ye mu matora y’abadepite agatsindwa, kuva icyo gihe izina rye ntiryongere kumvikana. Yongeye kuvugwa ari uko amatora y’Umukuru w’Igihugu yegereje ariko nabwo ntibyaza kumuhira.


INKURU ZA :
Tanga Igitekerezo
Ibitekerezo 2
NI BIBI Kuya 9-08-2018

Ubu agiye kubunza abana ku gasozi. Azabasobanurira ko byagenze gute? Abagore nabo baragowe ubu rero nawe agenda amwiruka inyuma.

Murahemukira abana gusa nta kindi.

NI BIBI Kuya 6-08-2018

Urwana n’ubusa arara yijuse. Ngo bimare iki se?

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...