AMAKURU

UKWEZI
cheno 2020

Niringiyimana wahangiye abaturage umuhanda w’ ibilometero 7 arateganya no kuzabakorera ikiyaga

Niringiyimana wahangiye abaturage umuhanda w’ ibilometero 7 arateganya no kuzabakorera ikiyaga
15-11-2019 saa 15:16' | By Nsanzimana Ernest | Yasomwe n'abantu 2161 | Ibitekerezo

Niringiyimana Emmanuel wo mu karere ka Karongi wamenyekanye kubera umuhanda wa Km 7 yahanze wenyine afite impano zidasanzwe ndetse ngo yakoze n’ icyuma gitanga amafu mu nzu (Air Conditioner).

Aganira na UKWEZI online TV yemeje ko umuhanda yahanze ufite km7 gusa ngo nyuma yo kuwuhanga yasubiye inyuma arawukora ubu ageze kuri km3.

Ntabwo yemeranya neza n’ amakuru yavuzwe ko kuza kuba I Kigali yahungaga abantu bashaka kumugirira nabi kubera ishyari bamufite.

Yagize ati “Urebye ntabwo ariko bimeze, icyo kibazo cyabayeho ariko inzego z’ umutekano zari zindi…Icyabaye ni uko iyo umuntu ari kuzamuka abantu batishima. Hariho abantu bafite uriya mutima ariko njye ntawo mfite”

Nirigiyimana avuga ko magingo aya arara mu bice bitandukanye by’ umujyi wa Kigali, ngo ahitamo aho ashaka airtel ikahamukodeshereza.

Uyu musore uvuga ko yatangiye mu mwaka wa mbere akagera mu 6 aba uwa mbere mu ishuri yemeza ko yagiranye amasezerano na airtel kugira ngo iyi sosiete izamufashe mu gikorwa cyo gukomeza umushinga we wo gukora umuhanda yatangiye.

Nirigiyimana avuga ko hari umupasiteri witwa Francois w’ iwabo I Karongi ugiye kumurihira ishuri akiga gutwara imodoka. Uwo mu pasiteri ngo yanamuhaye ibihumbi 100 yaguzemo telefone igezweho akoresha ubu, anamugurira matera. Ibi byose ngo abikesha kuba yarakoze umuhanda.

Si uyu mupasiteri gusa wafashije Niringiyimana kuko na Sina Gerard yamuhaye imizinga 10 akanamuha igare. Hejuru y’ ibyo gukora uyu muhanda ninabwo byatumye atumirwa mu muhango wo kwita izina abana b’ ingagi aho yagize amahirwe yo gukora mu ntoki za Perezida Kagame.

Mu ntego afite zindi mu bijyanye no guhindura imibereho y’ abaturage bo mu murenge wa Murambi mu karere ka Karongi aho avuka harimo kuzubaka ikiyaga kugira ngo abaturage bage babona amafi n’ isambaza byo kurya.

Mu gihe hari abantu bazamuka bakagera ahantu hakomeye ntibongere kwibuka aho bavuka, Niringiyimana avuga ko we bitamubaho.

Ati “Niyo nazamuka nkagera ahantu hakomeye gute, byanze bikunze nzajya manuka menye ngo serice z’ utugari ziri gukora gute? Service z’ umurenge ziri gukora gute?...Impamvu ntangiye kubitekereza ubu ni uko mbere nari ntaramenyekana ntabwo nari kugenda ngo mbwire gitifu w’ akagari nti ariko ibi ntibigenda neza, ubwo se nari kubimubwira ntampitane”.

Emmanuel Niringiyimana wahuriye n’ ibyamamare mu kwita izina abana b’ ingagi, avuga ko yongeye guhura na Perezida Kagame yamushimira akanamumenyesha ko yiteguye gutanga ibitekerezo byubaka igihugu.

Uyu musore ugaragaza ko afite inyota yo kwita ku mihanda n’ ibidukikije avuga ko hari umuhanga uva Ngororero werekeza I Karongi utameze neza asaba Perezida ko uwo muhanda wakorwa.

Uyu musore atanga igitekerezo cy’ aho uwo muhanda wanyuzwa kuko ngo aho unyura hari aho bituma uhura n’ ibibazo bishoborwa kwirindwa nk’ uko abisobanura muri video iri ku musozo w’ iyi nkuru.

Mu byo avuga ko yakoze abikuye mu bwenge bwe harimo icyuma gitanga ubukonje (air conditioner), imitako idasanzwe iri mu nzu y’ iwabo no guhambura telefone buri gice akagikoresha uko ashaka. Ibi byose ngo ntaho yabyize.

Niringiyimana uvuga ko yatangiye mu wa mbere aba uwa mbere, yagera mu wa 6 agahagarika amasomo kuko yari yagize amanota make bitewe n’ uko imbaraga yari yazishyize mu gukora umuhanda.

Avuga ko ashaka kwiga gutwara imashini zikora umuhanda kugira ngo age abona uko atanga ibitekerezo mu bijyanye n’ ikorwa ry’ imihanda.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • Habyarimana Bosco Nyakubahwa nkiyo murebye umuyobozi wahawe kuyobora ikigo gishinzwe guteza imbere amakoperative RCA usanga imikorere ye ntaho izageza abanyarwanda bibumbiye mu makoperative bitewe nimikorere mibi igaragara muricyo kigo nkaho usanga bafata imyanzurayo ariko ntibakurikirane ishirwa mubikorwa ryayo.
    Urugero ni abakozi ayobora bakora igenzura babanje guhabwa amafaranga bakagira abantu abere kandi amakoperative yarahombye, urugero pfunda, Gakenke n’ahandi.
    Abakozi bakoranaga yirukanishije agendeye kugutonesha, Ibi byiyongera ko abakozi bashinzwe kugenzura amakoperative mu ntara bameze nk’abakomisiyoneri be nyuma yo gukora igenzura babaha igihembo nawe agafataho, urugero bazabaze uwitwa Safari Phillipe wayoboraga abamotari Rubavu.
    Muzakurikirane, umukozi Hamissi ibyo akora mu ntara y’iburengerazuba, muzagenzure uburyo koperative USPC KOPERATIVE UNITED yakorewe ubugenzuzi bukarangira 2015 ariko RCA ikaba yarahisemo kubihishira nyuma yogusanga iyo koperative abayobozi bayo baranyereje asaga miliyoni 40 000 000rwf nkuko muri raporo final bigaragara kandi nabo bayobozi ba uspc bakaba bakiyobora.
    Urugero ntanga n’ukwivuguruza kwagaragaye mu gushyiraho NGARAMBE Daniel umuyobozi FEDERATION Y’ABAMOTARI FERWACOTAMO nyamara nkuko bigaragazwa ninyandiko zigaragara yagiye yandikirwa na RCA bamuhagarika kubuyobozi bwakoperative ya GECOM bigakorwa inshuro zirenze imwe.
    NGARAMBE Daniel uyoboye FERWACOTAMO ubu yarafatiwe icyemezo cyo kwirukanwa mubayobozi b’amakoperative murwanda munama yabaye 20 Feb 2017 yari yahuriyemo inzego zitandukanye RURA ihagarariwe na Emmanuel ASABA KATABARWA, RCA yari hagarariwe na HABYARIMANA Gilbert, POLICE CSP BUTERA, NCCR ihagarariwe na KATABARWA ndetse nujyi wa KIGALI waruhagarariwe numuyobozi wungirize W’umujyi wa KIGALI BUSABIZWA Parfait .
    Muri uyu mwanzuro ufite nimero 13 uvuga ko abayobozi bose b’amakoperative y’abatwara abantu kuri moto bagaragayeho imikorere mibi batemerewe kuba mubundi buyobozi bwa koperative mu Rwanda, kandi ayo makoperative bavuze Koperative GECOM yayoborwaga na Ngarambe Daniel.
    Uyu muyobozi Ngarambe Daniel yari yahagaritswe na RCA kubuyobozi bwa Cooperative GECOM tariki 11 Gicurasi 2015, banasaba umwungirije gukoresha inama rusange umweguza ariko ntibyakorwa, tariki 29 Gicurasi 2015 RCA yirukana Komite yose itarashyize mu bikorwa ibyo yabasabye byo kwguza Ngarambe.
    ikibabaje nuko Ngarambe yakomeje gukingirwa ikibabaa n’ubuyobozi bwasimbuye Mugabo Damien bukagira ngarambe umutagatifu ndetse agakurwa kurutonde rw’abatemewe gutorwa nkuko biri mu mabaruwa yandiwe amweguza, n’imyanzuro y’umujyi wa kigari munama yabaye 2017 akongera agatorerwa kuyobora abamotari kurwego rw’igihugu.
    Ku rutonde 233 rwakozwe na RCA yayoborwaga na Habyarimana Gilbert rwakuyemo Ngarambe nyamara yari yarasabwe kwirukanwa no kutazongera kuyobora amakoperative.
    Imikorere ya Ngarambe nubu ikomeje kubera abamotari umuzigo kuko Airtel buri kwezi yishyura federation y’abamotari FERWACOTAMO miliyoni 10 ziburira mu mifuka y’abayobozi bavuga ko bishyura imyenda idashira.
    Aya mafaranga akaba ariyo akoresha mu guhonga bamwe mubayobozi bamuryamyeho barimo umuyobozi wa RCA ubu prof Halerimana Jean Bosco, nuwo yasimbuye bamuhishira Habyarimana Gilbert.
    Urugero ni uburyo Habyarimana wayoboraga RCA wari munama ifata umwnzuro wo kwirukana ku buyobozi Ngarambe yamuhishiriye akaguma kubuyobozi, ikindi Ngarambe avuga ko Prof halerimana ari inshuti ye cyane ntacyo yamusaba ngo akimwime.
    Twasoza tubabwira ko uretse aya makuru dutanze hari n’ibindi byinshi kandi abashinzwe gucukumbura ukuri bazabona.

    ">Nyakubahwa Perezida wa Repuburika mukomeze kwihanganira abo bayobozi babi bakomeje (...)
  • IZINDI NKURU WASOMA
    Loading...