konka coffee
KONKA

AMAKURU

UKWEZI

Ababyeyi barashishikarizwa kuba hafi y’abana babo mu biruhuko

Ababyeyi   barashishikarizwa kuba hafi y’abana babo mu biruhuko
18-11-2018 saa 11:42' | By Muhizi Olivier | Yasomwe n'abantu 678 | Ibitekerezo 1

Ababyeyi bafite abana bakiri mu mashuri barasabwe kwita ku bana babo muri ibi bihe by’ibiruhuko binjiyemo, bakirinda kubashinga abakozi bo mungo kuko baba bakeneye ababitaho, bakanabibutsa ko bagomba gusubira mu masomo.

Byagarutsweho ku wa Gatanu tariki 16 Ugushingo 2018 ubwo abanyeshuri bo mu ishuri rya Peace and Hope Academy riherereye mu murenge wa Kinyinya basozaga umwaka w’amashuri wa 2018.

Dusabimana Gisele ufite umwana wiga kuri iki kigo yavuze ko ababyeyi batitaye ku mwana muri ibi biruhuko ashobora gusubira inyuma

Yagize ati “ Iyo umwana ateye intambwe ava mu cyiciro kimwe ajya mu kindi birashimisha cyane. Ubu bagiye mu kiruhuko kirekire, ndifuza ko umwana wanjye yajya asoma ibitabo agatangira umwaka wa mbere adasubiye inyuma kandi n’abandi babyeyi nabakangurira kwita ku bana babo bagakomeza bagasubiramo ibyo bize mu biruhuko n’ubwo ubuzima bugoye ababyeyi bahuze ariko bashake akanya bagahe abana ntibabarekere abarimu gusa. “

Aba bana bari bambitswe amakanzu ababibutsa ko bagiye mukindi cy’iciro cy’amashuri

Musabyemariya Janet umwarimu wigisha kuri iki kigo yasabye ababyeyi kuba hafi y’abana babo mu biruhuko

Yagize ati ’’N’ubwo abarimu bagira uruhare mu myigire myiza ubu n’ababyeyi bagiye kumarana igihe kirekire n’abana babo mu biruhuko. Ubu rero uruhare ni urwabo kugira ngo abana batazasubira inyuma umwaka utaha. Ubu natwe tugiye kwihugura turebe n’iki tuzongeramo umwaka utaha.”

Musabyimana uyobora iri shuri yasabye ubufatanye hagati y’ababyeyi n’abarezi kuko aribo bagiye kumarana igihe kinini n’abana

Yagize ati ’’ Ubu nk’ikigo twahaye abana ibitabo bazasoma mu biruhuko ariko umwana ashobora kubirambika hariya ntabisome ariko igitsure cy’umubyeyi kirakewe kugirango umwana asome ibyo bitabo hanyuma umwaka utaha nibajya gutangira azabe agifite mu mutwe ibyo yize . “

Ababyeyi bafataga amafoto n’abana babo abibutsa ko barenze ikiciro cyo k’ikiburamwaka


INKURU ZA :
Tanga Igitekerezo
Ibitekerezo 1
claudine Kuya 20-11-2018

Ese ubundi umwana wize neza iyo agiye mu kiruhuko asubira kwishuri yaribagiwe ibyo yize koko? Aho haba harimo ikibazo. Ikiruhuko n’ikiruhuko, umwana agakina akaniyungura ubundi bwenge busanzwe. Ibi byateye byo guhoza abana ku nkeke mubona aribyo bizatuma bavamo abanyabwenge koko? Ndabarahiye

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...