konka coffee
KONKA

AMAKURU

UKWEZI

Nyabihu: Impanuka ikomeye yahitanye 4 abandi barakomereka bikomeye

Nyabihu: Impanuka ikomeye yahitanye 4 abandi barakomereka bikomeye
13-12-2018 saa 08:46' | By Vincent Nsengiyumva | Yasomwe n'abantu 6786 | Ibitekerezo 4

Ku Gicamunsi cyo ku wa Gatatu tariki 12 Ukuboza 2018, mu Mudugudu wa Kimisebeya, Akagali ka Birembo, Umurenge wa Rambura muri Nyabihu, habereye impanuka y’imodoka 2 zagonganye abantu 3 bahita bahasiga ubuzima, 7 barakomereka bikomeye, undi umwe aza kwitaba Imana yagejejwe ku bitaro.

Ni impanuka y’imodoka ya Fuso ifite Purake ya RAC 328N, yavaga mu Ngororero yerekeza ku Mukamira, iza guta umukono wayo igonga Taxi Minibus ifite Purake RAA016Y yari itwaye abagenzi.

Umuvugizi w’ishami rya Polisi rishinzwe umutekano wo mu muhanda, SSP Jean Marie Vianney Ndushabandi yabwiye Ukwezi.rw ko iyi mpanuka yatewe n’umuvuduko wa Fuso watumye ita umuhanda ikagonga Taxi Minibus yari itwaye abagenzi.

Yagize ati “ Ni impanuka yabaye saa Cyenda na 40’ muri Sebeya, mu Murenge wa Rambura, aho umushoferi wa Fuso yavaga mu Ngororero yerekeza ku Mukamira yataye umukono we agonga Toyota Hiace Minibus, hahita hapfamo abantu 3 hakomereka 7.

SSP Ndushabandi yakomeje avuga ko iyi mpanuka yatewe no kugenda nabi kwa Fuso byanatumye ita umuhanda.

Umunyamabanga Nshingwabikorwa w’Umurenge wa Rambura, Esron Rusingiza yatangaje ko uretse abantu batatu bahise bapfa impanuka ikiba, ngo hari undi umwe waguye mu bitaro bya Kabaya.

Yavuze ko umushoferi w’ikamyo yahise atoroka, uwa mini bus we akaba yarakomeretse bikomeye aho ari kwitabwaho mu bitaro bya Kabaya hamwe n’abandi bagenzi bakomeretse.

Iyi mpanuka yatewe no kugenda nabi kwa Fuso


INKURU ZA :
Tanga Igitekerezo
Ibitekerezo 4
Ingabire Alice Kuya 15-12-2018

Imana ibakire mubayo gusa birababaza 😭 😩😩

Dieudonne Kuya 13-12-2018

Aruhukire mu mahoro kandi Imana ikomeze abasigaye.

alex Kuya 13-12-2018

iyi nkuru ifitemo ibinyoma. Hapfuyemo 4 hakomereka 11. Mushatse amazina ya bose mumbaze ndabifite byose

Vestine Kuya 13-12-2018

RIP Eugene. Aheza mu ijuru

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...