konka coffee
KONKA

AMAKURU

UKWEZI
ubumwe

Nyabugogo: Polisi yaguye gitumo abagabo bari gukora amafaranga y’ amiganano

Nyabugogo: Polisi yaguye gitumo abagabo bari gukora amafaranga y’ amiganano
5-01-2019 saa 10:44' | By Nsanzimana Ernest | Yasomwe n'abantu 964 | Ibitekerezo

Polisi y’u Rwanda yafashe abagabo batatu barimo gukora amafaranga y’amiganano, ubwo yakoraga igenzura mu mahoteli n’izindi nzu zicumbikira abantu ziri mu Murenge wa Muhima, hagamijwe kureba ko byujuje ibisabwa.

Muri icyo gikorwa cyabaye ku wa Kane tariki 03 Mutarama 2019, abagabo batatu bafatiwe mu nzu icumbikirwamo abantu by’igihe gito, barimo umwe Polisi yasanganye icyangombwa kigaragaza ko amaze amezi atatu afunguwe nyuma y’umwaka muri gereza yarahamijwe ibyaha byo gukora amafaranga y’amiganano.

Umuvugizi wa Polisi mu mujyi wa Kigali CIP Emmanuel Kayigi avuga ko aba bagabo bafatiwe mu cyuho.

Yagize ati “Twageze mu nzu icumbikirwamo abantu iherereye i Nyabugogo tubona harijimye cyane kandi ari ku manywa, twagize amakenga twinjiramo dusangamo bariya bagabo bafite ibikoresho byifashishwa mu gukora amafaranga ndetse bari mu bikorwa byo kuyakora.”

CIP Kayigi avuga ko abo bagabo bari bataratangira gusohora inoti z’inkorano ariko bari bafite impapuro zisize imiti ndetse banafite inoti nzima bifashisha bakora amiganano.

Ati “Baratubonye barikanga nk’abari mu byaha, tubabajije ibyo barimo baraceceka, turebye mu bikapu byabo bari bahishe munsi y’igitanda dusangamo inoti nyinshi nzima n’ibipauro byinshi bamaze gusiga imiti, ibyo bipapuro bari bamaze kubipimaho inoti nzima byafashe ibara hasigaye kubinyuza mu kamashini ngo basohore inoti y’inyiganano.”

Umuvugizi wa Polisi mu mujyi wa Kigali yaboneyeho gusaba ba nyiri amahoteri kujya bashishoza ku bantu bagiye guha amacumbi kuko rimwe na rimwe haba harimo abanyabyaha.

Yanaboneyeho gukangurira abanyarwanda kujya bashishoza ku noti nshya bakira kuko hari ubwo ziba ari impimbano.

Yavuze ko amafaranga y’amiganano agira ingaruka zikomeye ku bukungu bw’igihugu kuko atesha agaciro amafanga mazima, asaba abanyarwanda kujya bihutira gutanga amakuru igihe cyose babonye umuntu ufite amafaranga y’amiganano cyangwa ayakora.

Kuri ubu aba bagabo bose Polisi yabashyikirije urwego rw’igihugu rw’ubugenzcyaha (RIB) kugira ngo bakurikiranwe n’amategeko.

Ingingo ya 269 mu gitabo cy’amategeko ahana ibyaha mu Rwanda iteganya ko umuntu wese, ku bw’uburiganya wigana, uhindura amafaranga y’ibiceri cyangwa inoti akoreshwa mu Rwanda cyangwa mu mahanga, ibyakwitiranywa nayo, impapuro zifite agaciro k’amafaranga y’igihugu zashyizweho umukono n’inzego zibifitiye ububasha, ziriho tembure yayo cyangwa ikirango cyayo, cyangwa izindi mpapuro zikoreshwa mu Rwanda cyangwa mu mahanga, uzana cyangwa ukwiza mu Rwanda izo mpapuro n’izo noti azi ko ziganywe cyangwa ko zahinduwe, aba akoze icyaha.

Iyo abihamijwe n’urukiko, ahanishwa igifungo kitari munsi y’imyaka itanu ariko kitarenze imyaka irindwi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...