konka coffee
KONKA

AMAKURU

UKWEZI
Minijust

Nyagatare: Abaturage barashinja gitifu akagambane katumye batabona ingurane ikwiriye

Nyagatare: Abaturage barashinja gitifu akagambane katumye batabona ingurane ikwiriye
5-01-2019 saa 13:49' | By Nsanzimana Ernest | Yasomwe n'abantu 1099 | Ibitekerezo

Bamwe mubatuye mu murenge wa Mimuli mu kagari ka Bibare mu mudugudu wa Kanyogote, barashinja gitifu w’umurenge uruhare mugutuma batabona ingurane ikwiriye.

Kampani ya STECOL niyo yatsindiye isoko ryo gukora umuhanda Gicumbi- Nyagatare biba ngombwako igurira abaturage ngo ibone aho icukura igitaka gitsindagira umuhanda"laterite".

Icyo abaturage bashinja iyi kampani n’ubuyobozi bw’umurenge ni amanyanga mu isinyishwa ngo bahabwe ingurane.

NSHIMIYIMANA Augustin yagize ati "Bari bambariye ingurane ya million 8,200,000 frw ndayanga kuko nari narahaguze million 12,700,000frw, gitifu w’ umurenge aza kumpamagara ku biro by’ umurenge mpageze ansabako mu nama igiye kubera iwacu(Kanyogote) ndaceceka singumure bagenzi banjye ngo bange ingurane bari guhabwa ngo bazanyongereraho andi, niko byaje kugenda kuko baje kunyongereraho 2,100,000frw kuyo bari bambariye".

Ikinyamakuru Ukwezi kandi cyavuganye na Ugirashebuja Enias nawe avugako bamusinyisije ku ngufu kandi n’ijoro.

Musengamana Anastase we ati "Ahantu nari narahaguze 16,000,000frw bambarira ingurane ya 13,036,400frw urumvako ndi mu gihombo".

Umukozi wa kampani ya STECOL wari ushinzwe kubarira aba baturage ingurane NTIBARIKURE Jean Marie Vianney uzwi kw’izina rya Jimmy yabwiye Ukwezi ko babaze hakurikijwe itegeko rigenga iyimurwa ry’ abaturage ku nyungu rusange.

Umunyamabanga Nshingwabikorwa w’ Umurenge wa Mimuli BANDORA Emmanuel

Yagize "Ibyo abaturage bavuga nkurikije ibyo bakubwiye sinakwemeza ko ataribyo cyangwa aribyo gusa nakubwirako basinyiye ingurane bishimye kuko nibo bagiye kwiforeza banafunguza konti inyuzwaho amafaranga yabo ntagahato kabayemo, ndumva rwose ntaho ubuyobozi twaba twarahuriye na STECOL uretse kuyisinyira ngo abaturage bacu bahabwe iyo ngurane no kurebako habaye ubwumvikane hagati y’ abaturage na kampani ya STECOL.”

Nubwo aba bayobozi bombi batangaza ibyo, abaturage babariwe ingurane hafi ya bose ntibigeze bishimira iyo bahawe. Kugeza ubu nta masezerano bigeze bagirana n’iyi kampani kandi bakaba bataranabona impapuro zigaragaza icyakurikijwe mu kugena ingurane bahawe. Aba baturage basaba inzego zibishinzwe kubarenganura.

Charles NTIRENGANYA


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...