konka coffee
KONKA

AMAKURU

UKWEZI

Nyamasheke: Amacumbi y’abanyeshuri yahiye arakongoka

Nyamasheke: Amacumbi y’abanyeshuri yahiye arakongoka
24-01-2019 saa 08:50' | By Vincent Nsengiyumva | Yasomwe n'abantu 1933 | Ibitekerezo

Ibyumba bitatu abanyeshuri bo mu ishuri rya Groupe Scolaire Frank Adamson Kibogora bararagamo, riherereye mu murenge wa Kanjongo Akarere ka Nyamashake, byibasiwe n’inkongi birashya birakongoka.

Iyi nkongi yangije byinshi byiganjemo ibikoresho by’abanyeshuri yagatagaye saa tatu n’igice z’igitondo cyo kuri uyu wa Gatatu, maze ifata ibyumba bitatu birashya birakongoka.

Umunyamabanga Nshingwabikorwa w’Umurenge wa Kanjongo Juvenal Kimana yabwiye Ukwezi ko kugeza Iyi nkongi nta muntu yahitanye cyangwa ngo imukomeretse.

Yakomeje avuga ko bikekwa ko iyi nkongi yaba yaba yatewe n’insinga z’amashanyarazi zari zarangiritse kubera ko zari zishaje dore ko izi nyubako zari zimaze gusaza.

Iyi nkongi y’umuriro yibasiye iri shuri uje ikurikira indi yari iherutse kwibasira kimwe mu byumba by’iri shuri ku Cyumweru ariko barahagoboka bazimya itarakwirakwira mu bindi byumba .

Iyi nkongi yo kuri uyu wa Gatatu yari ifite ubukana kubera ikibatsi cy’umuriro cyari cyafashe ibice binyuranye by’aya macumbi (dortoire) yahoshejwe n’inzego z’umutekano zinyuranye ku bufatanye n’abanyeshuri ndetse n’abalimu.

Ubuyobozi bw’iri shuri buvuga ko hari itsinda ry’ikigo cy’Igihugu gishinzwe ingufu riri gukora igenzura ku cyaba cyateje iyi nkongi ibizarivamo bikazatangazwa mu minsi iri imbere.

Inzego z’umutekano zahagobotse zifatanya n’abanyeshuri kuzimya

Yari inkongi iteye ubwoba ku bayibonye

Ibyumba bitatu abanyeshuri bararagamo byahiye birakongoka


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...