konka coffee
KONKA

AMAKURU

UKWEZI

Nyamasheke : Umugabo yishe umugore we amuciye umutwe n’ibindi bice by’umubiri

Nyamasheke : Umugabo yishe umugore we amuciye umutwe n’ibindi bice by’umubiri
12-10-2018 saa 20:16' | By Vincent Nsengiyumva | Yasomwe n'abantu 7600 | Ibitekerezo 7

Umugabo witwa Habigena Claude w’imyaka 35 wo mu Mudugudu wa Gasasa, Akagari ka Bisumo mu murenge wa Akarere ka Nyamasheke yishe umugore we amuciye umutwe n’amabere yombi, umurambo awujugunya mu ishyamba.

Nyakwigendera Nyirasafari Joséphine wari anatwite inda y’amezi arindwi, yishwe n’umugabo we afatanyije n’undi mugabo nk’uko yabyivugiye akimara gutabwa muri yombi..

Abaturage bo muri Gasasa bavuga ko bashegeshwe bikomeye n’urupfu rw’agashinyaguro Nyirasafari Joséphine yiswhwemo n’uwari umugabo we.

Mu kumenya iby’urupfu rwa nyakwigendera ngo Habigena yazindukiye mu baturanyi mu gitondo cyo kuwa Kane tariki 11 Ukwakira 2018 avuga ko ari gushakisha umugore we, ngo kuko atazi aho yaraye.

Abaturage babwiye Ukwezi.rw ko bahise bagira amakenga maze babimenyesha inzengo z’ubuyobozi kuko ubusanzwe urugo rwabo rwahoragamo amakimbirane ashingiye ku gucana inyuma.

Umunyamabanga Nshingwabikorwa w’ Akagari ka Bisumbo , Nkurikiyimana Emmanuel avuga ko batabajwe n’abaturanyi b’uyu muryango nyuma y’uko Habigena avuze ko yaraye abuze umugore we.

Yagize ati “ Mu gihe twarimo dushakisha umugore, Habigena we twari twamaze kumuta muri yombi kuko tutamushiraga amakenga.”

Yavuze ko baje kubona umurambo wa Nyirasafari ku nkengero z’ishyamba rya Nyungwe, bamuciye umutwe n’amabere yombi, ari nabwo umugabo we yahise yiyemerera ko ariwe wamwishe afatanyije na mugenzi we Nzamwita Pierre.

Uyu muyobozi yagize ati “Yiyemereye ko ari we wamwishe urwo rupfu afatanyije na Pierre Nzamwita. Ibyo bice by’umubiri yamuciye ntabwo babisanze aho umurambo wajugunywe, biracyashakishwa.”

Umunyamabanga Nshingwabikorwa w’Umurenge wa Cyato Ndanga Janvier yemeje amakuru y’ubu bwicanyio, avuga ko bagiye gukorana inama n’abaturage kugira ngo barebere hamwe icyakorwa ngo amakimbirane akunze kugaragara mu ngo zimwe na zimwe acike.

Nyakwigendera asize abana babiri, umuhungu w’imyaka 4 y’amavuko n’umukobwa w’imyaka 2 n’igice. Umurambo we wahise ujyanwa mu buruhukiro bw’ibitaro bya Kibogora mu gihe hagishakishwa ibyo bice bamuciyeho.


INKURU ZA :
Tanga Igitekerezo
Ibitekerezo 7
Mister Peter Kuya 15-10-2018

RIP, aba pschologue, n’abize imitekerereze ya muntu badufashe kuko abantu nkaba ntabwo twumva leval y’imitekerereze yabo.
Ibi byandenze.

Mugabe kanamugire jean claude Kuya 14-10-2018

Iyi nkuru irababaje cyane, kubona umuntu mukuru gutya atinyuka agakora ibintu nkibi nyuma yimyaka 24 tuvuye muriJenoside yakorewe abatutsi ateye abana be kuba imfubyi niba yarabafite dukwiye kujya tubanza gutekereza cyane mbere yuko haricyo dukora uyu akwiye guhanwa cyane bigatuma nabandi batinya nihanganishije umuryango wa Josephine

Mazina Kuya 13-10-2018

RIP Josephine.You were still young.Ntabwo inama z’abayobozi arizo zizakemura ibibazo mu ngo.Kubera ko abatanga izo nama,nabo bamwe "baca inyuma y’abo bashakanye".Ibibazo isi yikoreye,byakurwaho nuko abantu bose bumviye amategeko y’imana.Imana yaduhaye sex kugirango tuyihe umuntu umwe gusa tuzabana binyuze mu mategeko.Millions and millions z’abantu basambana,ntabwo bemera ko ari icyaha kizatuma batabona ubuzima bw’iteka muli paradizo dutegereje.UMUTI w’ibibazo isi ifite,uzazanwa gusa n’Ubutegetsi bw’imana buzatangira gutegeka isi ku Munsi w’Imperuka nkuko Daniel 2:44 havuga.Buzabanza bukure mu isi abantu bose bakora ibyo Imana itubuza,hasigare gusa abantu bayumvira.Byisomere muli Imigani 2:21,22.Uwo niwo MUTI rukumbi.Niyo mpamvu Yesu yasize adusabye kutibera mu byisi gusa,ahubwo "tugashaka mbere na mbere ubwami bw’imana" (Matayo 6:33),niba dushaka kuzaba muli iyo Paradizo yegereje.

gakuba Kuya 13-10-2018

Kutica imbwa byorora imisega izo nyamaswa nazo nizitazajya zicwa. bizakomeza byatangiye gahoro bunvise ko igihano cyurupfu kivuyeho none bisigaye, ali buri munsi! bageze naho guca imyanya yumubiri, ntibatinya, no gutaburura imirambo,!wakumva ibihano ugasanga alinkibyaha bisanzwe

Nsengiyumva jean croude Kuya 12-10-2018

Nyirasapfari

Imana imwacyire

Mubayo

Kandi iyonyamaswa

Bayishyicyirize ubutabera

Kandi abasigaye

Mwihangane kandimukomere

Tubarinyuma

ndikumana Erias Kuya 12-10-2018

inama mubaturajye zirakenewe kugirango zicyemure amakimbirane arimungo gusa isi igeze aharindimuka

jambo Kuya 12-10-2018

Uyu nawe yakagombye kwicwa kbs!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...