konka coffee
KONKA

AMAKURU

UKWEZI
Minijust

Nyarugenge: Abafite ibikorwa mu bishanga batangiye gusenyerwa

Nyarugenge: Abafite ibikorwa mu bishanga batangiye gusenyerwa
18-02-2019 saa 14:59' | By Nsanzimana Ernest | Yasomwe n'abantu 4999 | Ibitekerezo 1

Mu gitondo cyo kuri uyu wa Mbere tariki 18 Gashyantare 2019, ubuyobozi bw’ akarere ka Nyarugenge bwazindukiye mu gikorwa cyo gusenyera abafite ibikorwa mu gishanga nyuma y’ uko bahawe igihe ngo babyikurireho ntibabikore.

Muri Nzeli 2017 nibwo Umujyi wa Kigali watangiye gufunga ibikorwa biri mu gishanga mu buryo bunyuranyije n’ amategeko.

Kuva icyo gihe kugeza ubu hari ibyo ba nyirabyo batarakuraho, kuko akarere ka Nyarugenge kavuga ko ibikorwa byakuweho na ba nyirabyo bitarenze 2%.

Tariki 28 Mutarama 2019, abafite ibikorwa mu bishanga byo mu mujyi wa Kigali bongerewe icyumweru kimwe ngo babyivanireho, kirangira batarabikora.

Abayobozi b’ aka karere ka Nyarugenge n’ ab’ Umurenge wa Muhima bagiye ahari ibyo bikorwa bakajya babisenya, hakaba aho nyiri igikorwa asabye kukikuriraho bakamureka ngo abyikorere. Ariko ngo n’ aho bikorwa n’ ubuyobozi n’ ubundi igikorwa cyo gusenya kirishyurwa na nyiri inzu. Ibyo bikorwa ahenshi ni amazu.

Umunyamabanga Nshingwabikorwa w’ Umurenge wa Muhima Mukandori Grace yavuze ko hari abatangiye ku byikuriraho aho kugira ngo bisenywe n’ ubuyobozi.

Yagize ati “Aho dusanga nyirayo atayikuriyeho turayisenya yose ige hasi kandi nyirayo ategekwe kwishyura abasenye. Mbarushimana Ibrahim uzwi ku izina rya Brother yatangiye kubyikuriraho”

Umuyobozi w’ Akarere ka Nyarugenge Kayisime Nzaramba yavuze ko uvuye aho igishanga kirangirira ubara metero 20 inyuma yazo akaba ariho umuntu yemerewe gushyira ibikorwa bye.

Abashyize ibikorwa mu bishanga ariko bakaba bafite ibyangombwa bahawe n’ ubuyobozi ngo barabanza kubarirwa bahabwe ingurane babone gusenyerwa.

Gusenya ibikorwa biri mu bishanga byatangiriye mu murenge wa Muhima ariko ubuyobozi bw’ Akarere ka Nyarugenge buvuga ko bizakomereza no mu yindi mirenge ifite ibishanga birimo ibikorwa binyuranyije n’ amategeko.

Kuvana ibikorwa mu bishanga bigamije kurinda ibidukikije kuko ibishanga ari ububiko bw’ amazi n’ ibindi binyabuzima bifitiye umuntu akamaro. Ikindi bigamije ni ukubahiriza igishushanyo mbonera buri gikorwa gikorerwa aho cyagenewe.


INKURU ZA :
Tanga Igitekerezo
Ibitekerezo 1
Mnarushimsns Saidi Kuya 19-02-2019

Rwose izo Nzu RSSBMizubaku ariko ziZahabwe ababntu babannyahe

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...