konka coffee
KONKA

AMAKURU

UKWEZI

Perezida Kagame yashimiye byimbitse abamwifurije isabukuru nziza ku munsi we w’amavuko

Perezida Kagame yashimiye byimbitse abamwifurije isabukuru nziza ku munsi we w’amavuko
24-10-2018 saa 08:57' | By Vincent Nsengiyumva | Yasomwe n'abantu 2911 | Ibitekerezo

Buri wa 23 Ukwakira, Perezida Kagame yizihiza isabukuru y’amavuko. Kuri iyi nshuro Umukuru w’igihugu cy’u Rwanda yujuje imyaka 61. Yagarutsweho n’abatari bacye banyuze ku mbuga nkoranyambaga, bamwifuriza umunsi mwiza w’amavuko ye, banagaruka ku buhangange n’ubunararibonye bwamuranze muri iyi myaka amaze ku Isi.

Kuri uyu wa Kabiri tariki 23 Ukwakira 2018, ku mbuga nkoranyambaga zitandukanye nka Twitter, Facebook, Instagram na za WhatsApp nta yandi makuru yacicikanaga uretse kwifuriza Umukuru w’igihugu Paul Kagame umunsi mwiza w’isabukuru ye.

Mu bamugaragarije ko bishimiye isabukuru ye ndetse bakanamwifuriza ibyiza byinshi no gukomeza kuramba, harimo ibyamamare binyuranye, abanyepolitike abo mu muryango we ndetse n’abanyarwanda muri rusange.

Nyuma yo kubona ko imbaga nyamwinshi y’abanyarwanda ndetse n’abo hanze y’igihugu bamwifurije isabukuru nziza, Perezida Kagame yagaragaje imbamutima ashimira byimazeyo uwafashe umwanya wese akamwifuriza umunsi we mwiza.

Yagize ati “Nshimiye buri wese wafashe umwanya akanyifuriza isabukuru nziza, mwongereye agaciro ubuzima bwanjye. Ibyiza kuri mwese!!”

Perezida Kagame yashimiye byimazeye abamwifurije isabukuru nziza

Umukuru w’Igihugu, Paul Kagame, yabonye izuba tariki 23 Ukwakira mu 1957 avukira i Nyarutovu mu yahoze ari Komini Tambwe, Perefegitura ya Gitarama ubu ni mu Karere ka Ruhango mu Ntara y’Amajyepfo.

Perezida Kagame yashakanye na Madamu Jeannette Kagame mu 1989, ubu bafitanye abana bane, abahungu batatu n’umukobwa umwe. Imfura yabo ni Yvan Cyomoro Kagame, ubuheta ni Ange Ingabire Kagame, hagakurikiraho Ian Kagame n’umuhererezi Brian Kagame.

Ku wa 24 Werurwe 2000 ni bwo Paul Kagame yagizwe Perezida wa Repubulika muri Leta y’Inzibacyuho asimbuye Pasteur Bizimungu wari umaze kwegura. Ni Perezida wa Gatandatu mu bayoboye u Rwanda.

Ku wa 3-4 Kanama nibwo yatorewe kuyobora u Rwanda muri manda ye ya gatatu n’amajwi 98,79 %, nyuma y’ubusabe bw’abanyarwanda basaga miliyoni enye bandikiye Inteko Ishinga Amategeko ko Itegeko Nshinga rivugururwa kugira ngo yemerewe kongera kwiyamamaza.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...