konka coffee
KONKA

AMAKURU

UKWEZI
Minijust

Perezida Kagame yatashye Kaminuza ya UGHE yahinduye icyaro umujyi

Perezida Kagame yatashye Kaminuza ya UGHE yahinduye icyaro umujyi
25-01-2019 saa 14:52' | By Nsanzimana Ernest | Yasomwe n'abantu 4061 | Ibitekerezo

Kuri uyu wa Gatanu tariki 25 Mutarama 2019 Perezida w’ u Rwanda Paul Kagame yatashye k’ umugaragaro Kaminuza Mpuzamahanga ya y’Ubuzima UGHE Campus ya Butaro avuga ko abayubatse bagaragaje ko icyo biyemeje bakigeraho.

Iyi kaminuza, ni kimwe mu bikorwa by’Umuryango Inshuti mu Buzima (Partners in Health) ikaba yarashyizweho ngo ifashe mu gukemura ibibazo bijyanye n’ubuzima.

Perezida Kagame yashimiye abagize uruhare kugira ngo iyi kaminuza yuzure barimo Partners In Health na Bill na Melinda Gates bateye inkunga y’ amafaranga n’ ibitekerezo uyu munshinga.

Perezida Kagame yavuze ko umufatanyabikorwa Inshuti mu buzima(Partners in Health) afatanya n’ inzego z’ u Rwanda mu kugeza ku baturage ubuvuzi bufite ireme.

Umukuru w’ igihugu yavuze ko kuba iyi Kaminuza yitwa University of Global Health Equity (Kaminuza mpuzamahanga yitwa k’ ubuvuzi bw’ abatishoboye) bifite icyo bivuze.

Ati “Izina ry’ iri shuri, Kaminuza Mpuzamahanga yita k’ Ubuvuzi bw’ abatishoboye, riratubwira ikintu cy’ ingenzi ku ntego zayo. Si ugutanga abanyeshuri bafite ubumenyi buhambaye gusa ahubwo icya mbere ni ukwereka abanyeshuri ko bagomba gushyira umuturage imbere ya byose. Ibitaro ntabwo bivura indwara
ahubwo bivuza abantu, buri wese avurwa hatitawe ku mico ye

Abatuye mu murenge wa Butaro mu karere ka Burera ahubatswe iyi Kaminuza bavuga ko iyi Kaminuza yatumye uyu murenge uhinduka umujyi. Aba baturage bavuga ko bagenzi babo bajyaga barambirwa gutura muri iki cyaro bakigira gutura I Kigali cyangwa mu mujyi wa Musanze.

Umuturage yagize ati “Iyi kaminuza itaraza wasanga abantu bava hano bakajya gutura mu mujyi wa Kigali cyangwa mu mujyi wa Musanze ariko turabona amaherezo nabo bazagaruka hano”

UGHE ifite irindi shami I Kigali zombi zikaba zikorana na Kaminuza ya Havard muri Amerika. Iya Butaro iherereye kuri Km 25 uvuye k’ umuhanda wa kaburimbo, ikintu nacyo ubwacyo gishobora gusobonura ko ari iyo kwita k’ ubuzima bw’ abatishoboye.

Iyi kaminuza yuzuye imaze amezi 25 yubakwa, ikaba yaratwaye miliyari 7 z’ amafaranga y’ u Rwanda. Imirimo yo kuyubaka yahaye akazi abakozi barenga 1000 ndetse n’ ibikoreshyo byayubatswe ibyinshi byaguzwe mu Rwanda ibindi bigurwa mu karere u Rwanda ruherereyemo.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...