konka coffee
KONKA

AMAKURU

UKWEZI

REG iri guhiga bukware abajura bayiba amashanyarazi bikayiteza igihombo gikomeye

REG iri guhiga bukware abajura bayiba amashanyarazi bikayiteza igihombo gikomeye
25-01-2019 saa 10:16' | By Vincent Nsengiyumva | Yasomwe n'abantu 739 | Ibitekerezo

Ubuyobozi bw’Ikigo cy’Igihugu gishinzwe ingufu (REG) buvuga ko bwahagurukiye guhiga bukware mu gihugu hose abajura bayishyira mu bihombo kubera kuyiba amashanyarazi cyangwa ibikoresho bitandukanye birimo insinga n’ibindi.

Ibi byatangarijwe mu kiganiro n’abanyamakuru kuri uyu wa kane tariki 24 Mutarama 2019 ubwo Ubuyobozi bw’iki kigo bwagaragazaga igihombo baterwa n’abiba amashanyarazi.

Umuyobozi wa REG, Eng. Ron WEISS yavuze ko hamaze gukorwa umukwabo wo gushakisha abajura babiba amashanyarazi n’ibikoresho byayo, aho bamaze kugera mu turere 14 tw’igihugu.

Yakomeje avuga ko hamaze gufatwa abafatabuguzi 28 mu turere tumaze gukorwamo ubugenzuzi, muri bo hakaba harimo abakora ubucuruzi buciriritse, Hoteli enye, utubari umunani, amaresitora, inganda zirindwi zisya ibigori, Kaminuza ebyiri,urusengero rumwe ndetse n’abantu batanu ku giti cyabo.

Eng. Ron WEISS avuga ko ibikorwa by’ubugenzuzi bitazagarukira muri utu turere 14, ko bizakomereza n’ahandi kandi bikaba bizahoraho.

Yagize ati “Nababwira ko iki gikorwa cyo gushakisha abiba amashanyarazi tuzagikomeza mu gihugu hose. Nta karere na kamwe tuzasiga tutagezemo muri ubu bugenzuzi. Kizakomeza mu gihugu hose kandi ntabwo tuzateguza aho tujya.”

Yakomeje abwira Abanyarwanda ko bagomba kumenya ko ibikorwa byo kwiba amashanyarazi n’ibikoresho byayo bihanwa n’amategeko.

Yavuze ko REG ifite gahunda nziza yo kugeza serivisi nzizsa ku bakiriya bayo bose, ariko bigakorwa yitandukanya n’abijandika mu bikorwa byo kwiba no kwangiza amashanyarazi.

Maj.Eng. Jean Claude Kalisa ukuriye EUCL ishinzwe gukwirakwiza umuriro w’amashanyarazi, yavuze ko binyuze muri iri genzura ryakozwe, REG yagaruje Miliyali 1,9 yari yagendeye mu bikorwa byo kwiba amashanyarazi.

Yasabye buri wese kugira ubufatanye mu gikorwa cyo kurwanya no kwerekana abakora ibikorwa byo kwiba amashanyarazi, cyane ko usanga bigira ingaruka ku banyarwanda bose.

Muri rusange REG ihomba amashanyarazi agera kuri 19,6% mu muriro usigara mu mashini no mu miyoboro, ariko agera kuri 6,5% ahombera mu mashanyarazi yakabaye acuruzwa, afite agaciro ka miliyari 6,5 Frw.

Umuyobozi wa REG,Eng. Ron WEISS na Maj.Eng. Jean Claude Kalisa ukuriye EUCL mu kiganiro n’abanyamakuru


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...