konka coffee
KONKA

AMAKURU

UKWEZI
ubumwe

RFTC yatangiye gushyikiriza abanyamuryango b’amakoperative yayo imodoka 105 yabaguriye

RFTC yatangiye gushyikiriza abanyamuryango b’amakoperative yayo imodoka 105 yabaguriye
14-02-2019 saa 20:24' | By Vincent Nsengiyumva | Yasomwe n'abantu 2981 | Ibitekerezo

Ihuriro ry’amakoperative yo gutwara abantu mu buryo rusange (RFTC) ari nayo yahindutse ‘Jali Holding Company’ yatangiye gahunda yayo yo gushyikiriza imodoka 105 yaguriye abanyamuryango b’amakoperative ayigize ari hirya no hino mu gihugu mu rwego rwo kubafasha kwiteza imbere.

Ni igikorwa cyatangiriye ku banyamuryango ba RFTC bakorera mu Karere ka Musanze mu Ntara y’Amajyaruguru kuri uyu wa Gatatu tariki 12 Gashyantare 2019, aho abagize koperative yo muri aka karere bahawe imodoka 6 zo mu bwoko bwa Coaster zitwara abagenzi.

Iki gikorwa cyo guha imodoka abagize koperative za RFTC kizagera no ku yandi makoperative akorera mu turere twose tw’igihugu ndetse n’Umujyi wa Kigali.

Kugeza ubu RFTC ifite amakoperative 12 agize abanyamuryango bakabakaba ibihumbi bitanu (5000).

Umuyobozi wa ‘Jali Holding Company’ Col Twahirwa Ludovic ‘ Dodo’ yavuze ko buri Koperative bayigeneye imodoka 6 ariko izikorera mu Mujyi wa Kigali zikazahabwa izirenga 6.

Yagize ati “ Izi Koperative zacu ni 12 n’abanyamuryango bakabakaba ibihumbi 5 mu gihugu hose. Buri ntara ifite koperative 3 cyangwa ebyiri. Izi modoka turimo kubaha nta mwenda zifite, twazibahaye zabaye izabo batangire bakore bashyira mu isanduka ya Koperative. Kuzibona byari bikomeye, RFTC yazifashe mu mwenda turakora turishyura, ubu twarangije kwishyura uwo mwenda dutangira kuziha ama koperative twazigeneye.”

Yunzemo ati “Buri Koperative ifite imodoka 6 ariko iziri mu mujyi zifite izirenga esheshatu , hari izifite 8, 9 hari n’izifite 11 ariko zose ni izo mu mujyi wa Kigali.”

Yavuze ko izi modoka zose uko ari 105 zigiye kurangiza kwishyurwa ku buryo mu gihe cya vuba amakoperative yose yazaba yamaze kugezwaho imodoka zayo.

Col Twahirwa yavuze ko Jali Holding Company ifite umushinga wo kugura imodoka nyinshi ku buryo ikibazo cy’ibura ry’imodoka zitwara abagenzi mu bice bitandukanye by’igihugu kizaba amateka.

Yashimangiye ko izi modoka amakoperative ari guhabwa ari umusingi wo guheraho biteza imbere ngo kuko bizabafasha kuyoboka amabanki maze bafate amafaranga y’inguzanyo bayashore mu bikorwa byunguka.

Imodoka 6 za Coaster zitwara abagenzi nizo zashyikirijwe koperative ikorera i Musanzee

Umuyobozi Mukuru w’Ikigo cy’Igihugu gishinzwe guteza imbere amakoperative, Prof. Harelimana J. Bosco avuga ko Abanyarwanda bayobotse amakoperative mu kigero gishimishije ngo kuko buri wese agenda yumva akamaro ko gukorera hamwe.

Yashimye igikorwa RFTC yagezeho cyo kwita no gushaka icyateza imbere abanyamuryango ba Koperative, avuga ko andi makoperative akwiye kuyigiraho.

Ati “Iki gikorwa tuvuyemo cya RFTC ni urugero rwiza rugana ku munyamuryango. Mwabonye ko batanze imodoka kandi ziriya modoka nta deni zirimo, koperative zarangije kuzishyura ni ukuvuga ngo amafaranga azajya azivamo azajya agira ingaruka nziza ku munyamuryango.”

Uretse iki gikorwa cyo guha amamodoka abanyamuryango ba koperative zayo, ‘Jali Holding Company’ ifite n’ibikorwa byo kubaka gare zigezweho aho kuri ubu imaze kuzuza umunani mu bice bitandukanye by’igihugu.

Ubuyobozi bwa ‘Jali Holding Company’ buvuga ko bwakoze umushinga wo kubakira abanyamuryango b’amakoperative bayo inzu zigezweho mu Mujyi wa Kigali maze bakazajya bazishyura gahoro gahoro bayakase ku mushahara bahembwa.

Ku ikubitiro hazubakirwa abanyamuryango (abashoferi ) bagera ku bihumbi 18.

Abayobozi banyuranye barimo n’umuyobozi Mukuru wa Jali Holding bafungura kumugaragaro iki gikorwa

Iki gikorwa cyishimiwe n’abantu bitabiriye uyu muhango

Umuyobozi Mukuru wa RCA, Prof. Harelimana J. Bosco ashyikiriza umuyobozi wa Koperative ya Musanze imfunguzo z’imodoka


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...