AMAKURU

UKWEZI
RPF

RIB yataye muri yombi abiyita ’Marine’ bateza akavuyo muri cyamunara bakayitesha agaciro

RIB yataye muri yombi abiyita ’Marine’ bateza akavuyo muri cyamunara bakayitesha agaciro
3-08-2018 saa 09:19' | By Vincent Nsengiyumva | Yasomwe n'abantu 6919 | Ibitekerezo 9

Urwego rushinzwe iperereza ku byaha (Rwanda Investigation Bureau,RIB) rwagaragaje abagabo babiri bashinjwa ibyaha bishingiye ku manyanga yo gutesha agaciro imitungo igurishwa muri cyamunara babitumwe n’abanyemari kugira ngo bayigure kuri macye cyane. Aba bakoze aya manyanga tariki 31 Nyakanga 2018 ku Kicukiro ubwo hatezwaga Cyamunara ya Sitasiyo ya essence.

Aba bagabo berekanwe ni Mbyayingabo Evode na Munyeragwe Alphonse bombi bakaba baregwa gutesha agaciro imitungo y’abandi no guteza akavuyo muri cyamunara mu rwego rwo guca abandi intege.

Iyo cyamunara yo guteza sitasiyo ya lisansi ni iy’umugore ufitiye umwenda Banki akaba yaratinze kuyishyura nk’uko amasezerano bagiranye yabivugaga. Bivugwa ko iyi sitasiyo yari ifite agaciro ka miliyoni 850 Frw nyamara ikaza gutejwe cyamunara kuri miliyoni 330 Frw, kubera amanyanga y’aba biyita aba ‘marines’ banatangiye gufatwa.

Urwego rwa RIB ruvuga ko abantu nk’aba bajya muri za Cyamunara bagateza akavuyo kugirango bateshe agaciro icyashyizwe ku isoko bamaze kuba benshi, ngo kuko bafite amatsinda akomeye bahuriramo. Iperereza ryo guhiga n’abandi rirakomeje.

Ubwo yaganiraga n’Abanyamakuru kuri uyu wa Kane tariki ya 2 Kanama 2018, Umuvugizi wa RIB, Mbabazi Modeste yavuze ko abafashwe bakekwaho guhabwa ruswa n’uwatsinze muri iyo cyamunara kugira ngo baze guteza akavuyo, maze bice intege abifitiye gahunda maze ba nyiri uguteza akavuyo bizarangiye bayegukanye.

Mbabazi Modeste avuga ko n’ubwo herekanwe abagabo babiri, ngo abafatiwe muri aya manyanga bose ni bane, barimo n’umunyamategeko wari muri iyi cyamunara. Aba bakomisiyoneri n’umunyamategeko ngo bari batumwe n’umushoramari ngo nabo bajye muri cyamunara nk’abaguzi ariko nyamara intego yabo ari ugutesha agaciro no guca intege abandi baguzi kugira ngo igitezwa cyamunara kigirwe macye ashoboka.

Akomeza avuga ko aba bose bakurikiranyweho ibyaha bitandukanye birimo guteza akajagari muri cyamunara, gutanga ruswa, gutanga sheki zitazigamiwe no gukoresha impapuro mpimbano.

Yagize ati “Ibikorwa nk’ibi bigira ingaruka ku bukungu bw’igihugu n’umutungo w’umuntu ugenda ugahera kubera ko yagambaniwe ntagere kuri ya mafaranga afitiye banki, bagakurikirana n’undi mutungo we. Niba bagurishije sitasiyo bagakurikirana n’inzu ye, bagakurikirana n’isambu ye ugasanga umuntu ibintu biimushizeho atari uko byari bifite agaciro gace ahubwo ari ako kagambane kabiteye. Ibi binatuma abantu bamwe baba ibyihebe, abandi bagatangira gukora ibidakorwa, nk’ubujura, ubwicanyi kubera ubwinshi bw’amafaranga babona kandi batayavunikiye.”

Yakomeje avuga ko aba batawe muri yombi barimo Mbyayingabo na Munyeragwe, bari bahawe amafaranga n’umushoramari kugira ngo baze muri cyamunara nk’abaguzi kandi atari byo koko ahubwo ari amanyanga bashaka gukora. Umwe muri bo yari yahawe Miliyoni 10 undi ahabwa Miliyoni eshanu.

Aba bagabo beretswe itangazamakuru bahakana ibyo baregwa, bakavuga ko bagiye kugura sitasiyo nk’abandi bose, ndetse ko cyamunara yagenze neza ngo bakaba batabona icyitwa amanyanga yahakorewe.

Umwe muri aba bombi avuga we yaje kwikura muri cyamunara nyuma yo kumva ko sitasiyo iri ahateganyijwe kunyuza umuhanda. Ibi byo kwikura m,uri cyamunara ariko Urwego rwa RIB rushimangira ko ari uburyo bwo gushaka gutesha agaciro sitasiyo.


INKURU ZA :
Tanga Igitekerezo
Ibitekerezo 9
allan Kuya 7-08-2018

burya bazaze bajye bareba ibikundi biba muri cyamunara ya magerwa nabyo babice kabisa bituma cyamunara itagenda neza

bimawuwa Kuya 6-08-2018

Ahubwo imitungo myinshi yagurishijwe mu cyamunara usanga banyirayo batishimiye igomba gusubizwa banyirayo kuko urebye na bank nayo iba ibifitemo uruhare ntabwo wajya muri bank kwako ideni ugashira umutungo wawe ku meza ukerekana agaciro kawo bank ikemera hama yajya kuwuteza cya munara ikawutesha agaciro iashaka gukurao ayayo gusa urumva ko nayo ubwayo igombwa kubiryozwa.

jean pierre Kuya 5-08-2018

rwose ni bahanwe bihanukiriye .Uriya Evode we ibye birarenze.Muzabaze abo yagurishirije yagiye atera ubwoba kubera gushaka amafaranga ariko amaze no gukira.Mukurikirane n’abandi bakorana nta kujenjeka barakabije gusarura ago batabibye.

Rwabusisi Kuya 4-08-2018

Nshimiye RIB nibura ko itayingiye kwinjira mu bibazo nk’ibi byo guteza cyamuna, aba bakomissionaire niyo igiciro gikwiye ari gitoya bakigira kinini mbese nabonye bakora vise versa y’agaciro kdi kintu! nyuma ukumva ngo babandi bari batsindiye muri cyamunara barisubiye ubwo bikegukanwa nuwo bari bafitanye gahunda. Nabibonye ubwo MINALOC yatezaga muri cyamunara ibikoresho byo muma bureau (TV flat ,intebe,laptop,carpet,amarido,......)

Ukabona nka frigo ubwayo igura 300,000frw ari shyashya bari kuyigereka 600,000frw then mwahava mutashye ukazamenya ko yayandi (frigo)wari wageretse 150,000frw yaguzwe 70,000frw.

RIB nibihagurukire kuko byafashe indi ntera .

Rwabusisi Kuya 4-08-2018

Nshimiye RIB nibura ko itayingiye kwinjira mu bibazo nk’ibi byo guteza cyamuna, aba bakomissionaire niyo igiciro gikwiye ari gitoya bakigira kinini mbese nabonye bakora vise versa y’agaciro kdi kintu! nyuma ukumva ngo babandi bari batsindiye muri cyamunara barisubiye ubwo bikegukanwa nuwo bari bafitanye gahunda. Nabibonye ubwo MINALOC yatezaga muri cyamunara ibikoresho byo muma bureau (TV flat ,intebe,laptop,carpet,amarido,......)

Ukabona nka frigo ubwayo igura 300,000frw ari shyashya bari kuyigereka 600,000frw then mwahava mutashye ukazamenya ko yayandi (frigo)wari wageretse 150,000frw yaguzwe 70,000frw.

RIB nibihagurukire kuko byafashe indi ntera .

Gasirikari Kuya 3-08-2018

Ibi turabimenyereye imitungo y abanyarwanda ni hariya ishirira kandi bikorwa buri munsi. Impamvu bafashwe wenda buriya nta gifi knini cyari cyabahaye umugisha.

Gasirikari Kuya 3-08-2018

Ibi turabimenyereye imitungo y abanyarwanda ni hariya ishirira kandi bikorwa buri munsi. Impamvu bafashwe wenda buriya nta gifi knini cyari cyabahaye umugisha.

Gasirikari Kuya 3-08-2018

Ibi turabimenyereye imitungo y abanyarwanda ni hariya ishirira kandi bikorwa buri munsi. Impamvu bafashwe wenda buriya nta gifi knini cyari cyabahaye umugisha.

gakuba Kuya 3-08-2018

bariya bantu bahombeje cyane a bagomba kwishyura amafranga ya bank nkiriya station ya essance cyamunara yayo ikwiye guseswa igasubirwa mo bariya bamamyi batarimo ukareba amafranga hagura, RIB nubundi izamufashe iyo cyamunara isubirwe mo. cyane ko biba byaciye, muli Ruswa

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...