konka coffee
KONKA

AMAKURU

UKWEZI
ubumwe

RIB yataye muri yombi ukekwaho kwica umuvugizi w’ ishyaka rya Victoire Ingabire

RIB yataye muri yombi ukekwaho kwica umuvugizi w’ ishyaka rya Victoire Ingabire
15-03-2019 saa 21:23' | By Nsanzimana Ernest | Yasomwe n'abantu 4193 | Ibitekerezo 5

Urwego rw’ Igihugu rw’ Ubugenzacyaha RIB rwatangaje ko rwataye muri yombi umuntu umwe ukekwaho kwica Anselme Mutuyimana wari umuvugizi w’ Ishyaka FDU-Inkingi ritaremerwa n’ amategeko y’ u Rwanda.

Mutuyimana Anselme wari mu kigero cy’ imyaka 30, umurambo we watoraguwe mu nkengero z’ ishyamba rya Gishwati tariki 9 Werurwe 2019.

Ngo uyu murambo wabonywe n’ umukozi wa Kampani icunga umutekano ya ISCO ari nawe wamenyesheje inzego zibishinzwe.

Umuvugizi wa RIB Mbabazi Modeste yatangaje ko umugabo umwe ukekwaho kwica Mutuyimana yatawe muri yombi tariki 11 Werurwe, akaba akomeje gukorwaho iperereza kugira ngo hamenyekane niba hari abo baba barafatanyije.

RIB nayo ivuga ko yamenye amakuru avugwa n’ abaturage ko umunsi Mutuyimana yicwa babonye imodoka irimo abantu bambaye imyenda isa n’ iya polisi ariko itariho ibendera ry’ igihugu n’ amazina yabo ndetse n’ abandi bari bambaye gisirikare. Aya makuru nayo ngo RIB iracyayakoraho iperereza.

Tariki 14 Werurwe 2019, Ishyaka riharanira Demukarasi no kurengera ibidukikije riyoborwa na Depite Frank Habineza ryasohoye itangazo ryamagana ubwicanyi bwakorewe Anselime Mutuyimana.

DGPR yasabye Leta y’ u Rwanda kwihutisha iperereza kugira ngo abishe Nyakwigendera Mutuyimana Anselme bagezwe imbere y’Urukiko. Isaba ko urubanza rwazaburanishirizwa mu ruhame aho icyaha cyabereye.

Ishyaka FDU- Inkingi rivuga ko Mutuyimana yari avuye I Kigali agiye gusura se utuye mu gace yiciwemo ariko yicwa ataragerayo.

Umuhoza Victoire Ingabire, Umuyobozi wa FDU – Inkingi yatashye mu Rwanda avuye mu Bubiligi muri 2010, avuga ko agiye kwiyamamaza mu matora ya Perezida yabaye muri uwo mwaka.

Ntibyamuhiriye kuko yahise atabwa muri yombi akurikiranyweho ibyaha birimo n’ ibyo gushaka guhungabanya umutekano w’ igihugu. Victoire yakatiwe imyaka 15 ariko muri Nzeli 2018 Perezida w’ u Rwanda Paul Kagame yamuhaye imbabazi.

Nyakwigendera Anselme Mutuyimana


INKURU ZA :
Tanga Igitekerezo
Ibitekerezo 5
Emmanuel Mutabazi Kuya 19-03-2019

Imana imwakire mubayo. Kdi RIB nikore akazi kayo izatubwira ibyo yakuye muri investigation

Uwamaho Kuya 19-03-2019

Birababaje pee, none uwo ukurikiranyweho kwica Anselme yitwa nde?

Uwamaho Kuya 19-03-2019

Birababaje pee, none uwo ukurikiranyweho kwica Anselme yitwa nde?

kabeho Kuya 18-03-2019

ibyo ni ukwikirigita mugaseka umuntu yishwe ninzego zishinzwe umutekano ubuse ubuhamya buruta ubwatanzwe nabaturage muzabukurahe ntabutabera mbona abatavuga rumwe na Leta bategereje baajya bapfa nkibimonyo gusa IMANA IHORA IHOZE

kayitare Kuya 16-03-2019

nejejwe nuyu munyamakuru kuburyo mutabyumva erega Imana irenganura abarenganywa Mana ushimwe kubwa fatty pe

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...