konka coffee
KONKA

AMAKURU

UKWEZI
Minijust

Radio Salus yahawe Umuyobozi mushya ufite ubunararibonye bukomeye mu itangazamakuru

Radio Salus yahawe Umuyobozi mushya ufite ubunararibonye bukomeye mu itangazamakuru
14-02-2019 saa 08:59' | By Nsanzimana Ernest | Yasomwe n'abantu 1969 | Ibitekerezo

Paul Mbaraga, Umwarimu mu ishuri ry’itangazamakuru n’itumanaho muri Kaminuza y’u Rwanda ufite ubunararibonye bukomeye ku byerekeye itangazamakuru rya Radio yahawe kuyobora Radio Salus, ya Kaminuza y’u Rwanda imaze imyaka irenga 13

Izi nshingano azihawe nyuma y’amavugurura yakozwe na Kaminuza y’u Rwanda yageze no mu bigo byayo birimo Radio Salus, aho igiye gushinga ikigo cyigenga kizahabwa gucunga ibyo bigo mu buryo bw’ubucuruzi.

Muri izo mpinduka, Radio Salus yahise ihagarika abanyamakuru n’abandi bakozi bayo isigarana umunyamakuru umwe n’abatekinisiye babiri. Uwari umuyobozi wayo Hagabimana Eugene yahise ahabwa indi mirimo muri Kaminuza y’u Rwanda.

Paul Mbaraga yavuze ko yamenye ko yahawe kuyobora "Nabimenye, nabibwiwe mu magambo ariko sindahabwa ibaruwa."

Umuyobozi wa Kaminuza y’u Rwanda ishami rya Huye, Dr. Alphonse Muleefu, yavuze ko Paul Mbaraga azafatanya na mugenzi we na we w’umwarimu muri kaminuza y’u Rwanda mu ishuri ry’itangazamakuru witwa Ian Ngweti.

Mbaraga azatangira inshingano ze nshya ku wa Gatanu tariki ya 15 Gashyantare 2019. Paul Mbaraga yavuze ko Salus itari igitera imbere kubera ibibazo byinshi biyirimo, kutagira abakozi, ubushobozi, ariko ngo ntawe avuga ko yabigizemo uburangare.

Paul Mbaraga wahawe kuyobora Radio Salus yigeze kuba umwanditsi mukuru (Chief Editor) n’umuyobozi w’ibiganiro bya Radio Rwanda (1976-1990), yabaye kandi umunyamakuru wa Radio y’Abadage, Deutsche Welle (1991-2000).

Yakoranye na Radio mpuzamahanga y’abafaransa (RFI), yakoze muri Komisiyo y’ubumwe n’ubwiyunge, n’ahandi.

Radio Salus yatangiye gukora tariki ya 18 Ugushyingo 2005 irakundwa cyane muri za 2008,9 ariko magingo aya igikundiro cyayo cyaragabanutse.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...