konka coffee
KONKA

AMAKURU

UKWEZI
Minijust

Robot yitwa ‘Sophia’ izitabira Transform Africa I Kigali mu gutaha

Robot yitwa ‘Sophia’ izitabira Transform Africa I Kigali mu gutaha
15-04-2019 saa 17:22' | By Nsanzimana Ernest | Yasomwe n'abantu 4510 | Ibitekerezo 2

Abategura inama nyafurika y’ ikoranabuhanga izwi nka ‘Transform Africa Summit’ (TAS) batangaje ko irobo yitwa ‘Sophia’ izaganira n’ abazitabira iyi nama igiye kuba ku nshuro ya 5.

Iyi nama iteganyijwe mu kwezi gutaha kwa Gicurasi 2019. Mu itangazo umunyamabanga wa TAS yashyize ahagaragara yagize ati “Tunejejwe no kubatangariza ko Sophia, irobo ya mbere ikoze nk’ umuntu izitabira TAS2019”.

Iyo Robot mu kiganiro yagiranye n’ abanyamakuru yavuze ko ishobora guseka iramutse izengurutswe n’ abantu b’ abahanga ariko ngo mu gihe kinyuranye n’ icyo ntabwo iba yishimye.

Sophia ni robot yahawe ishusho y’ umugore ikoreshwa n’ ikoranabuhanga rya mudasobwa urayibaza ikagusubiza itajijinganyije ku buryo iri ku rwego rwo kugirana ikiganiro n’ abanyamakuru cyangwa kugeza imbwiraruhame ku bantu.

Sophia yamuritswe bwa mbere muri Werurwe 2016 mu birori byari byabereye mu mujyi wa Texas.

Iyi niyo Robot ya mbere yahawe ubwenegihugu ndetse ifite konti kuri Twitter ikurikirwa n’ ibihumbi 93.

Robot Sophia , umwaka ushize yitabiriye inama mpuzamahanga ya World Economic Forum inageza ijambo ku bayitabiriye.

Inama ya Transform Africa izitabirwa n’ irobo yahawe izina rya Sophia izabera I Kigali tariki 14-17 Gicurasi 2019. Sophia ifite ubwenegihugu bwa Arabia Saoudite ariko yakorewe muri Hong Kong itangira gukora tariki 19 Mata 2015.

Igitekerezo cyo gushyiraho inama ya Transform Afurika cyatangijwe n’ abaperezida 7 muri 2013. Iyi nama ni imwe mu nama zikomeye zitabirwa n’ abakuru b’ ibihugu na za guverinoma, abashakashatsi, abikorera ndetse n’ imiryango itari iya Leta.


INKURU ZA :
Tanga Igitekerezo
Ibitekerezo 2
Hitimana Kuya 16-05-2019

Ubuse ibyo azakora birenze ibyakora byamuha inyungu nibihe? Ubuse yakwaka credit sha ngo yumve stress zabyo? Akozehose niki yakora kikanga? Courage pe.

banang Kuya 16-04-2019

rwasabahizi twataramye abapfuye barihuse

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...