konka coffee
KONKA

AMAKURU

UKWEZI

Rubavu: Umugabo yishe umugore we amutemaguje ishoka ahita atoroka

 Rubavu: Umugabo yishe umugore we amutemaguje ishoka ahita atoroka
2-07-2018 saa 08:58' | By Vincent Nsengiyumva | Yasomwe n'abantu 9751 | Ibitekerezo 5

Umugabo witwa Kanyamihigo Jean Pierre utuye mu mudugudu wa Kabunoni akagari ka Rwanyakayaga,umurenge wa Mudende akarere ka Rubavu Intara y’Iburengerazuba mu ijoro ryo kuwa Gatandatu yishe umugore we akoresheje ishoka ahita atoroka.

Uretse aya mahano uyu mugabo yakoze yo kwivugana umugore we, yanateraguye icyuma mu mutwe umwana wabo, maze amusiga aziko nawe yamwishe.

Umunyamabanga Nshingwabikorwa w’Umurenge wa Mudende, Tuyishime Jean Bosco yemeje aya makuru, avuga ko uyu mugabo yishe umugore we agahita atoroka.

Yagize ati “Yatemye umugore we akoresheje ishoka aramuhitana, atera icyuma mu mutwe umwana wabo agirango amwice atazatanga amakuru, ahita atoroka. "

Yakomeje avuga ko ubusanzwe uyu muryango wari usanzwe ugirana amakimbirane bikaba ariyo ntandaro y’ubu bwicanyi.

Ati "Dutekereza ko byatewe n’amakimbirane bari basanzwe bafitanye, bakundaga kurwana kuko no mu cyumweru gishize twari twabasuye barwanye tubasaba ko bareka intambara mu rugo, dusigaye badusezeranyije ko batazongera.”

Ubuyobozi bw’umurenge bufatanyije n’inzego z’umutekano bari gushakisha uyu Kanyamihigo Jean Pierre kugira ngo atabwe muri yombi aryozwe ubu bwicanyi ndengakamere ku wo bashakanye.

Umwana wateraguwe ibyuma mu mutwe we yajyanwe mu Bitaro bya Gisenyi akaba ariho ari kuvurirwa.

Kanyamihigo wishe umugore we agahita atoroka


INKURU ZA :
Tanga Igitekerezo
Ibitekerezo 5
salsa Kuya 4-07-2018

ibi byose byubu bwicanyi ni barukaraba nkaba bakidegembya mu rda babuze abo bica! ibaze kwica Umugore mwabyaranye ukica ni mwana wanyu koko? kuki igihano cy’Urupfu leta itagisubizaho koko?

jacpues Kuya 3-07-2018

uwona fatwa bamukanire urumu kwiye

tgsfj Kuya 2-07-2018

ark kuki inzego zibishinzwe
zidatangaza irangira ryabyo??? cg ni bariya bahagarika Imitima yacu kumpande zimwe na zimwe Zigihugu ntibamenye ngo ni bande?

Birababaje Kuya 2-07-2018

Ndabona amakimbirane mu rugo bimaze kuba nk’indirimbo pe! Nonese niba barii bazi ko basanzwe bagirana amakimbirane, babikozeho iki? Nta giteye ubwoba nko kumenyera ikibi ! Aya maraso akomeje kumeneka azayabazwa Umuryango w’Abanyarwanda !

Boringo Kuya 2-07-2018

Uyu si umugabo ni inyamaswa!
Ariko ndanenga ibyemezo bya bamwe mu bayobozi kabisa!
Iyo batavuze ngo abaturage bajye batanga Amakuru kugihe bagaragaza ko icyo kibazo Bari bakizi ariko wakwibaza icyo bakoze ngo bakumire amabi nkaya bikagushobera!
Amakimbirane ahoraho mu muryango Mwumva yabyara iki mu kuri?
Hakwiye ingamba zifatika kuko birakabije cyane!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...